16
(Urang Farisi Ngan Urang Saduki Mencuboi Yesus)
1
Mengka, urang-urang Farisi ngan Saduki njongok nak mencuboi Yesus. Mike minta empuknyo Yesus nunjukko ngan mike suatu tanda jak serga.
2
Cuma hambuk, jawab Yesus, “Saat menjelang malom, kowe buik, ‘Cuaca cerah ulenyo langet abong.’
3
Ngan, tekalo pagi hari, ‘Ari nie nak ado angen tangkas ulenyo langet abong ngan kolom.’ Kowe tahuko upamone membedako rupa langet, cuma hopi pacok membedako tando-tando zaman.
4
Suatu generasi nyo jahat ngan pezina nie menuntut sebuah tanda, cuma sikok tanda pun hopi nak deboriko ngan enya, kcuali tando Nabi Yunus.” Mengka, Enye meninggalko mike ngan bejelon.
(Penjelason tentang ragi urang Farisi ngan Saduki)
5
Tekalo murid-murid sampoi de seberang denou, mike pi teringot ngunda roti.
6
Ngan, Yesus buik kenempat mike, “Perhatikolah ngan waspadalah terhadop ragi urang- urang Farisi ngan para Saduki.”
7
Ngan, mike mulai ngomongko hal nie de antaro mike dewek ngan buik, “Nie ulenyo kite hopi ngunda roti.”
8
Cuma hambok, Yesus tahuko hal nie ngan buik, “Hai, urang nyo kurang iman, mengka kowe mbuikkonye de antaro mike dewek tentang hopi ado roti?
9
Ibo kowe lagi tereti ngan jugo hopi teringat nak lima roti untuk lima ribu urang, ngan berape lobot bekul sisanye nyo kou kumpulko?
10
Atau, tujuh roti untuk empat ribu urang, ngan berape lobot keranjang sisanye nyo kou kumpulko?
11
Upa mone kowe hopi tereti bahwa Ake hopi sedang buik ngan kowe tentang roti? Cuma hambok, waspadalah terhadop ragi urang-urang Farisi ngan para Saduki.”
12
Mengka, mike tereti bahwa Nye hopi ngehatoko untuk waspada terhadop ragi roti, cuma terhadop ajaron urang-urang Farisi ngan para Saduki.
(Yesus adolah Mesias)
13
Tekalo Yesus sampoi de daerah Kaisarea Filipi, Enye betanyo kenempat murid-murid-Nye, “menurut pembuik on urang, siape Anak Mendesio iye?”
14
Mike menjawab, “Beberapa mengehatoko Yohanes Pembaptis, nyo loin ngehatoko Elia, ngan nyo loin lagi ngehatoko Yeremia, atau saloh sikok jak para nabi.”
15
Mengka, Yesus betanyo kenempat mike, “Cuma hambok, menurut kowe siape Ake nie?”
16
Simon Petrus menjawab, “Kowe adolah Mesias, Anak Allah nyo hidup!”
17
Yesus buik ngan enye, “Deberkatilah kowe, Simon anak Yunus, sabab bukon dageng ngan deroh nyo menyatoko nie kenempat kowe, meloinko Bepak-Ke nyo de serga.
18
Ngan, Ake jugo ngehatoko ngan kowe bahwa kowe adolah Petrus. Ngan, de pucuk batu nie, Ake nak membengun jemaat-Ke ngan gerbang-gerbang Hades hopi nak menguasainye.
19
Ake nak memborime kunci-kunci Kerajoon Serga. Ngan, ape bae nyo mike kobot de behumi akan tekobot de serga. Ngan, ape bae nyo kou lapasko de behumi nak telapas de serga.”
20
Mengka, Yesus memperingotko murid-murid enggak konyo hopi menelako siape bahwa Enye adolah Mesias.
(Yesus Memboritahuko tentang Kemation-Nye).
21
Jak saat iye, Yesus mulaki menunjukko ngan murid-murid-Nye bahwa Nye harus bejelon ke Yerusalem ngan menderita lobot hal jak padong tua-tua, imam-imam kepalo, maupun ahli-ahli Torat, mengkah debunoh ngan debangketko singgo ari ketiga.
22
Mengka, Petrus menarek Yesus ke topi, menegur-Nye, ngan buik, “Tuhan, kironye Allah menjouhko hal nie jak Kowe! Hal nie hopi akan pernah terjedi pado-Me.”
23
Cuma hambuk, Yesus bebelek ngan buik kenempat Petrus, “Enyahlah jak hadopon-Ke, hai belis! Kowe adolah betu sandungon bagi-Ke sabab kowe hopi menetapko pekeronme kenempat hal-hal deri Allah, meloinko hal-hal jak mendesio.”
24
Mengka Yesus buik kenempat murid-murid-Nye, “Munye ado endok meholou Ake, enye harus menyangkal badannyo dewek, memikul salibnye, ngan mehalou Ake.
25
Ulenyo siape nyo amat menyelamotko nyawo nye bakal kesayauon nyawo nye. Cuma hambuk, siape nyo kesayauon nyawonye ule Ake, enye nak mendapotkonnye.
26
Ape untungnye munye seurang buleh seluruh denia, cuma kesayauon nyawonye? atau, ape nyo pacok urang boriko upah gintai nyawonye?
27
Sabab, Anak Mendesio bakal njongok delom kemuliaon Bepa-Nye bersama dengan padong malaekat-Nye ngan kemudion bakal membelos setiap urang menurut perbuatonnye.
28
Ake ngehatoko nyo sebonornye ngan kowe, ado beberapa urang nyo togok de sie nyo hopi bakal mengalami kemation sampoi mike ngoleh Anak Mendesio njongok delom Kerajaon-Nye.”