1
(Silsilah Yesus Kristus)

1 Kitab keturunan Yesus Kristus, anak Daud, anak Abraham. 2 Abraham adolah bepak Ishak, Ishak adolah bepak Yakub. Yakub adolah bepak Yehuda ngan dolor-dolor nyo. 3 Yehuda adolah bepak Peres ngan Zerah, induknye adolah Tamar. Peres adolah bepak Hezron, Hezron adolah bepak Ram. 4 Ram adolah bepak Aminadab. Aminadab adolah bepak Salmon. 5 Salmon adolah bepak Boas, induknye adolah Rahab. Boas adolah bepak Obed, induknye adolah Rut. Obed adolah bepak Isai. 6 Isai adolah bepak deri Rajo Daud. Daud adolah bepak Salomo, induknye adolah bekas bini Uria. 7 Salomo adolah bepak Rehabeam. Rehabeam adolah bepak Abia. Abia adolah bepak Asa. 8 Asa adolah bepak Yosafat. Yosafat adolah bepak Yoram. Yoram adolah bepak Uzia. 9 Uzia adolah bepak Yotam. Yotam adolah bepak Ahas. Ahas adolah bepak Hizkia. 10 Hizkia adolah bepak Manasye. Manasye adolah bepak Amon. Amon adolah bepak Yosia. 11 Yosia adolah bepak Yekhonya ngan dolor-dolornye, tekalo pembuangan ke Babel.

12 Sesodah pembuangan ke Babel, Yekhonya adolah bepak Sealtiel. Sealtiel adolah bepak Zerubabel. 13 Zerubabel adolah bepak Abihud. Abihud adolah bepak Elyakim. Elyakim adolah bepak Azor. 14 Azor adolah bepak Zadok. Zadok adolah bepak Akhim. Akhim adolah bepak Eliud. 15 Eliud adolah bepak Eleazar. Eleazar adolah bepak Matan. Matan adolah bepak Yakub. 16 Yakub adolah bepak Yusuf, laki Maria. Deri Maria dilahirko Yesus, nyo disobut Kristus.

17 Jedi, segelo generasi deri Abraham sampoi Daud ado empat belas generasi, ngan deri pembuangan ke Babel ado empat belas generasi. ngan deri pembuangan ke Babel sampoi Kristus ado empat belas generasi. Kelahiran Yesus Kristus
(Kelahiron Yesus Kristus)

18 Kinie, kelahiron Kristus Yesus adolah upa nie. Tekalo Maria, induk-nye sodah bertunangan dengan Yusuf, sebolumnye hidup bersamo, nye ternyato mengandung deri Roh Kudus. 19 Namun, olenyo Yusuf, lakinyo adolah urang nyo bonor ngan hopi endok mempermaluko Maria di moka umum, Yusuf bermaksud untuk membebasko Maria secaro diom-diom. 20 Cuma sebeleknyo, tekalo Yusuf sedang mempertimbangko hal nie, kolekola, malaekat Tuhan nampak dengan nye delom mimpi ngan bepelabe, “Yusuf, anak Daud, jengon takut untuk ngambik Maria sebagoi istrime sabab Anak nyo dikandungnyo adolah deri Roh Kudus. 21 Nye nak melahirko seurang Anak jenton ngan kowe nak menyobut namo-Nye Yesus ulenyo Enye nak menyelamatko umat-Nye deri doso-doso mike.” 22 Segelo hal nie terjedi untuk menggenapi nyo difirmanko ule Tuhan melalui nabi-Nye. 23 “Kolelah, seurang perawan akan mengandung ngan nak melahirko seurang anak jenton. Enye nak menyobut namo-Nye Imanuel,” nyo deterjemahko retinye: “Allah beserta kite.” 24 Tekalo Yusuf jego deri tidurnye, enye melakuko upanyo malaikat Tuhan perentahko ngan enye, ngan enye ngambik istrinye, Maria, 25 Cuma hopi bersetubuh dengan Maria sampoi nye melahirko Anak jenton. Ngan, Yusuf menyobut namo-Nye Yesus.