28
1
Taita Isaque rarariòwyre Ijaò-ò, kiata tarybewihikỹ tamy riwahinyre. Kia myỹ ritohonyre tuu riwinykremy. —Kia Kanaã ijadòòmaõ wana uritre heriõmykre.
2
—Bexiywinyke, kiata makre Mosopotâmia-ò. Kia alabie Betuel hetoki matxikre, kiata alana Labaõ riòreõ wana hãwyy my boikre.
3
—Kia Deuxu tabedeery nihikỹ-di tarybewihikỹ riwahinyke, kia adee sõemy ariòreriòrereny riwahinykre, kia kai aribi hãwã hãwã bede bede ròhònykremy.
4
—Kia Abraaõ-ò tarybewihikỹ riwahinyre wesemy, kia suu ridinodunykremy, kia kai tai tahãwanymy ahãte wahe iwitxira hãwã ludu wesemy, kia Deuxu heka suu Abraaõ-ò riwahinyre.
5
Kawesemy heka Isaque riteònyre Ijaò Mesopotamia-ò hãwãmy rakremy, Labaõ heto-ò, kia heka Betuel riòre, Arameu, kia Rebeka seriòre rare, Esau, Ijaò wana isereny rare.
6
Esau bede rieryre Isaque tarybewihikỹ Ijaò-ò riwahinyremy, kia Mesopotamia-ò riteònyre ibedekile hãwyymy roikremy. Kia rierylere iu tyby tarybewihikỹ tamy riwahinyreu, kia tamy rarybere uritre Kanaã hãwã ludu hãwyy wana heriõkreniy.
7
—Kia rierylere tyby tadi wana rybereny rityhynyremy, kia Ijaò raremy Mesopotamia-ò.
8
—Taita Esau beðe rieryre kia tyby awiniy aõkõ retehere Kanaã mahãdu hãwyyreny-di.
9
—Iurenana tahe Ismael heto-ò rare, Abraaõ riòre wahe, kiata Maalate wana rexilidire, Ismael riòre wahe, Nebaiote seriòre wahe.
Ijaò Rarasinyre Betel Ki
10
Ijaò Berseba ribi ròhònyre Harã-ò rakremy.
11
—Txiorotyhymy tii bede brebutyhyna-ò rehemynyre, kia tai rõrõre. Kia ibedeki manaõ rimyre tamy rarahynanykremy, kia taihyyle rexilidire rõrõkremy.
12
—Taita Ijaò rarasinyre. Tii robire-òwònamy kia su ribi biuòhòkỹle raonananyre, kia Deuxu Anjo boho idi raòwònymy idi rubehemy rỹimyhỹ.
13
—Deuxu Tyhyhykỹ ibireki rỹimyhỹ, kia rarybere: —Diarỹ Deuxu Tyhybykỹ rare, alabie Abraaõ, buu Isaque wana iDeuxureny heka-diarỹ rare. Adee ariwahinykre, ariòreriòrereny-ò ka suu roire, tai kai herimy taiteriki.
14
—Kia ariòreriòrereny heka su node wesemy rasõerenykre. Tii boho roberarenykre txu-òlòna ribi, txu ròtena ribi, ibrà ribi, beàra ribi, kia ibutumy hãwã hãwã mahãdureny-ò warybewihikỹ ariwahinykre. Kia kaa su-ò bydoosekremy adi arisỹnykre.
15
-diary araatyõtyhy, kia adee rarybereri ibutumy tuu adee ariwinykre.
16
Kia Ijaò rexixareu, myỹ rarybere: Inatyhymy Deuxu Tyhyhykỹ kabedeki ratxireri, kia-diarỹ reeryõhyyre.
17
—Tai ruberumy myỹ rarybere: Kaa bede roire heka iny dee brebu riwahinymyhỹre. Kaa heka Deuxu heto rare, kaki heka biu ijòtòbòna roimyhỹre!
18
Ijaò rudihikỹ lamamy rỹire, kia mana rimyre tamy rarahynanyre hewa, kiata lamamy ridere owo wesemy. Irahudita Azeite ityre ritxiwire Deuxu dee tamy tuu robenyre.
19
—Kua bedeki ijõdire hãwãõ, juhuu raninimy raremyhỹ Luz my, kia Ijaò tahe ini riwiurònyre Betel my.
20
—Ibedeki Ijaò riwinyre Deuxu dee myỹ rarybere: Txibo kai wawana makreki biwararenymy kaa-diarỹ rariamy rareri; txibo kai tyy, rỹsỹna wana wadee biwahinykreki;
21
—kia txibo-diarỹ aroosekreki arahenymy waha heto-ò taita kai Tyhyhykỹ, waDeuxumy atxikre.
22
—Kaa mana retamadỹỹnyre owo wesemy, kia ahetomykre, Deuxu, kia-diarỹ tahe adee ariwahinykre, debòitue hynamy ibutumy aõ wadee tewahinyte.