¹ Tiu bedeu irahudi Deuxu Abraaõ-ò rierytyhykremy tamy riwinyre. Deuxu tamy ryryre inimy, kiata tii rirawyònyre: —Kakile watxireri. ² Taita Deuxu rarybere: —Ka tahe wiji Isaque ariòre bimykre, ariòre sohojityhy wahe tuu sõemy terinanymyhỹte wahe, kia moriá suòhòkỹle makre. Kuaki hãwãlò ki adee ariteòsinykre, kia ariòre bisõkre xiwena wesemy. ³ Kia ijõ txuu Abraaõ txu ijara iòhòdi rỹire, tajumento riòtisananyre, hee riyròre xiwenamy riworonykremy, kiata ròhònyre tamy Deuxu riteòsinyre bede-ò. Isaque ta inatxi teòdu boho wana ibutumy ròirenyre. ⁴ Kia txu inataõ-di Abraaõ bede my irehe ribi tuu robire. ⁵ Taita teòdu mahãdureny-ò rarybere: —Kaki maribenykre jumento wana.-diarỹ, weryry wana aròirenykre akorenymy, kia Deuxumy arerinanyrenykremy. Kia iòhòtyhylemy adòòsedenykre. ⁶ Abraaõ hee rimyre xiwenamy riworonykremy, kiata Isaque axiòti-ò ritidire. Kia may heòty wana rimyre, kia iny inatximy ibutumy ririranymy ròirenyre. ⁷ Ilemyta weryry rarybere: —Waha! Abraaõ rirawyònyre: —Aõherawe, wariòre? Isaque ritỹỹraxinyre: —Inykireny hee heòty wana ijõdire, tibo tahe budoeni riòrere xiwenamy rasõkremy? ⁸ Abraaõ rirawyònyre: —Deuxu kidiwahinykre aõbo rasiranykre; tii budoem riòre kidiwahinykre xiwenamy rasõkremy, wariòre. Kia ririranyrenymy ibutumy ròirenyre. ⁹ Kia ritehemynyrenyreu tamy Deuxu riteòsinyre-ò, Abraaõ bede ratò-ò riwinyre, kia hee riywiywinyre ityre. Irahudita Isaqueriywiywinyre, kiata bede ratòò tyre ritidire, hetyreki. ¹⁰ Ilemyta may rimyre rirubunykremy. ¹¹ Kia iutyhyle biu bede ribi, Deuxu Anjo tamy ryryre myỹ: —Abraaõ! Abraaõ! —Kakile watxireri rirawyònyre tii. ¹² Anjo rarybere: —Uritre weryry wotõmodỹỹõmyke, uritre tamy aõnaõna binabina widỹỹõmyke. Ka tahe wiji araeryra kaí Deuxu lau taberumy tetyhymyhỹre, kiemy dori walau ariòre sohoji kiekie tetoenyõhyyta. ¹³ Abraaõ retehere tiòtiòmy, kiata budoeni riòremy robire rararytxymy iò idi rỹterỹtenymy roimyhỹ bede ykyki. Abraaõ tamy rare, kia budoeni rimyre, kia riwahinyre xiwena wesemy, tariòre deròwymy. ¹⁴ Abraaõ kua bede myỹ rininire —Deuxu Tyhyhykỹ riwahinykre aõ rasiranykre. Iurenana heka tuhyyle iny mahãdureny *wiji bede dorile rarybemyhỹrenyre: Ta hãwãlò ki Deuxu Tyhyhykỹ riwahinyre aõ rasiranykre. ¹⁵ Kia ixyby Deuxu Anjo biu bede ribi Abraaõ-ò ryryre kia rarybere: ¹⁶ —Aõherekibo kai tuu tewinyta, kia ariòre walau tetòenyòta, ariòre sohoji kiekie,-diarỹ inatyhymy rarybereri wani òbitimy rarybere Deuxu Tyhyhykỹ kia warybewiwi adee ariwahinykre ityhymy aaõdimy bunykre. ¹⁷ kia ariòreriòrereny ariwinykre, kia rasõerenykre taina biumy rỹimyhỹre wesemy, ada bero nihikỹ ỹnyra node wesemy; kia tii boho taòludurenymy rahãỹnanyrenykre ¹⁸ Ibutumy hãwã hãwã bede bede mahãdureny, kia ariòreriòrerenyheki warybewiwi tamy ariwahinykre, kiemy dori kai tewinyta aõbo biwinykremy rarybere. ¹⁹ Abraaõ roosere tai teòdu boho ratximyhỹreny-ò, kiata ibutumy ròirenyre Berseba-ò, tai Abraaõ rahãwanyre-ò.