¹ Abraaõ Manre ribi ròhònyre, kia rare Kanaã iraru weribi-ò, kiata tai rahãwanymy raremyhỹ Cades kia Sur bedeki. Irahudita taederehemy kia Gerar ki rahãwanymy raremyhỹu, ² Abraaõ rarybemy raremyhỹ Sara iseriòre raremy. Taita Abimeleque Gerar Iòlò teòdu riteònyre Sara tamy ididykremy iki wana roikremy. ³ Irahudita, rumy rasimy Deuxu Abimeleque-ò rexitỹnynyre, kia tamy rarybere: —Kai heka mararytxykre rubunadi, kiemy dori hãwyy-ò tarariòwyta heka ihãbu-di rare. ⁴ Abimeleque Sara tyy-ò reseõhyylere, iurenana myỹ rarybere: —Inynyrỹ,-diarỹ bede reeryõmy watxireri! Kia aöbo biwarubunykre, waijoi aõbo birubunykre? ⁵ —Kia Abraaõ òbitile rarybere Sara iseriòre raremy, kia tii iyrybutyhyle rarybere.-diarỹ tuu rewinyra irybe retyhynymy, kia-diarỹ ixi waòrarumy aõkõ. ⁶ Rasiki Deuxu rirawyònyre: —Diarỹ reeryra, òbitimy tuu tewinyta. Kiaremyta, kai waòludumy òraruna biwinyõkremy,-diarỹ adee rewahinyõre, kai tamy ityy-ò besekemy. ⁷ —Kata wiji hãwyy ixybyle biwahinykre kai buruõkremy. Ka txibo hãwyy biwahinyõkre wana,-diarỹ arateòarinyreri òbitimy burukre, kai kia ibutumy aõnaõna wanareny. ⁸ Ijõ txumy Abimeleque rudihikỹ rỹire, kia ibutumy teòdu mahãdureny-ò rarariòwyre, kia ikoreny relyyre aõhebo rutỹỹnyremy. Kia tii boho sõemy ruberurenyre. ⁹ —IuIe Abimeleque Abraaõ-ò rarariòwyre tamy rarybere: —Beteheini aõbo kai tewinyta? Kia aõnaõnabina-diarỹ adee rewinyra, kia kai tewinyta watyrehekỹle reseke rare, kia wahãwahãkỹrenytyretxi, kia òraruna nihikỹ? Aõbo kai tewinyta, kia iny tuu riwinyõmyhỹre. ¹⁰ —Aõmybo kai tahõtinymy atxiniyhỹ, tuu wadee tewinyte? ¹¹ Abraaõ rirarwyònyre: —Diarỹ rahõtinyre kaki inyõ Deuxu rityhynyõmyhỹremy, kia wahãwyy òraruki riwarubunykelau. ¹² –Kia ribita Sara uriki waseriòre rare, kia waha weribi-ò. Tai kawesemy-diarỹ aõwaxina iki wana raire. ¹³ Kia Deuxu waha hetowo ribi riwatare bedeu, kia riwariradỹỹnyre hãwã witxirawitxiramy,-diarỹ Sara-ò rarybere: Kia ibutumy bede bedeniy iny roimyhỹreu, txioini wadee biwinykre, kia marybekre-diarỹ aseriòre raremy. ¹⁴ Taita Abimeleque, Sara riwahinyre Abraaõ-ò. Ihãremyta tamy budoeni, broreni, teòdu hãwyy, teòdu hãbu, tamy riwahinyre. ¹⁵ Kia rarybere: —Beteheini Abraaõ, kia wasu roire. Ixideewimy tibedekibo masỹnykre. ¹⁶ Kia Abimeleque, Sara-ò rarybere: —Diarỹ aseriòre dee 11-my quilo weeremy manarỹsỹòtaòta rewahinyreri, kia akireny ratxirenyreri rieryrenykremy, kia kai bedeeryõ tatemy. Kawesemy tahe ibutumy rieryrenykre, kia kai aõ ibinamy tewinyõhyytemy. ^17-18 Kia Sara tuu rutỹỹnyre òraruki, Abraaõ hãwyy, Deuxu Tyhyhykỹ riwinyre, kia tiu hãwyy mahãdu Abimeleque Palácio ki rỹimyhỹrenyre rariòrenyõrenykremy. Tai Abraaõ rexitòenyre Deuxu-ò, Abimeleque dee tòemy, kiata Deuxu riteytenyre. Kia ihãwyy riteytenylere, teòdu hãwyy, kia wesemy tahe ixybyle rariòrenyrenyre.