¹ “Ambi hakimo ngongo wumi tanaka yemi njango hakimo nggumi. ² Oronaka ene a hakingo pawami pa hakimo wai'mi, yemi nja'ha -kingo nggumi, yemi eme a hakimo nggumi, mono ene a ukuro ene yemi pawaimi diwajoka eme wadi pa uku-ro wadunggumi.

³ Mono, pena yemi buice-moyaka a kaluduko ghayo la matana angu wuy'mi, tap-pi inja peghemunika bana eni patenga na eni la mata dalomu manga wu'mu? ⁴ Ndewena, pena patana bana mapikongo yemi bu wemini lambarada lolede-mu, Henabaka yayo tana ku hali ngguni kaluduko wali la matamu,' tappi ice baka, eni patenga la mata manga wu'mu? ⁵ Hei, toy' munafiko, hali ulu dunguni a patenga lamatamu, mo-no tanaka yemi ice ndaha-ya bu hali nani akaromba ella matana anguwu'mu.

⁶ Ambi woy'jamoka a doyo na biha ela mbarada ngara ha bangga, ambi waddi bu kapattina amutiarami ela mbarada hawawi tanka ha wawi netu tana ambana na ndali- ndali netu ba waini witina mono na bali weng-ganggu yemi nono na hagharo ngggumi. Karey'baka, Kadababaka, mono Katedebanika

⁷ Karey'byaka, mono tana-ka etuwayo a woy'nggumi. Kandaba baka, mono yemi kolengoka. Katede banika, mono etuwayo eme a bung -gero nggumi. ⁸ Torana, ngara toyo nakareyo, diyo nahimba, mono a toyo na kandaba enge kolena, mo- no ene diyo na katedeni bi-nya nabunggeronggumi.

⁹ Ndewana, nggaranika wa -li lam yemi, hengo anamu bana kareyo kadepeto inja woy' walini watu netu a ana mu? ¹⁰ Ndewena, hengo a anamu bana kareyo igha, diyo inja woy' walini kabo-ko lambarana netu anamu, inja henya? ¹¹ Dika, hengo yemi nadira-ko napegheni pena patana bawoy'ndi ngara ha anamu ngara pawoy'dandi narehi njaha, rehi pikiyo Bapamu ela huruga, Diyo eme awoy' ni narehi ndaha lambarana ngara eme na kareyo lam-bara-Na.” Hukumo na rehi Baningo

¹² “Oronaka netu, ngara ke- he baka e yemi pakambu a-tena toyo papaghilina lam-barami, hewyajongoka ye-mi wadi yemi bu pahalako-ya lambarada a toyo orona iyiya ihinya Hukumo Taura-to mono huratoda ngara ha nabi.” Lara Naarongo Mopiro

¹³ “Tama banika liy'ni bi-nya na kahahi oronaka nggalaro mono nadialo lara na arongo pa meli mad-da, mono na danga natama-ni liy'ni. ¹⁴ Torana, nahang -gipyotoka binya mono na kahahika a lara na arongo lamopro, mono hakicoloni pa tobokona.” Pa apengo tutuda Hanabi Paluho

¹⁵ Dimoka, ndanggawyumi la aroda ngara hanabi pa- luho na emeni lambarami mono bana panggana mbe -mbe wuna, tappi na heco-pinjana ngara heme didohi-ki ngara ha serigala a muy' kabiyo. ¹⁶ Wali ela wuy'na yemi dika patanda wamini ngara heme. Na mapiko mongoka ene a toyo bana kahaya ngara a wuy' anggu-ro wali la ngara lamboroto dalo napatara mono ngara hawuy'da kapuloto wali la ngara ghay' patara? ¹⁷ He-wajonaka, ngara baka a pu-nge ghayo nandaha nahahi-longo wuyo na ndaha, tap-pi a punge ghayo na njana ndaha na hahilongo wuyo na njana ndaha. ¹⁸ Punge ghayo na ndaha njana mapiko bana wuy' ngo wuy' na njana ndaha, mono punge ghayo na nja-na ndaha njana mapikongo bana wuy'ngo wuy'ndaha. ¹⁹ Ngara baka a punge ghayo na njana hahilongo wuy'ndaha ponggoyaka mo -no beti nikya la api jalo. ²⁰ Diyaka, wali ngara wuy'-na ghayo yemi dika pata-nda wamani ngara eme.

²¹ Njana handakango a toyo bana takiya lambara-Nggu, Mori, Mori, appa na tamani e dalo la Kalandana Huruga, diyaka diyo na pa-halakoya hambenya Bapa nggu o la huruga. ²² Hengyo yi'ia loddona ne-tu, na danga a toyo na we-na lambara-Nggu, Mori, Mori, pena yama bama ma-nikya ela ngara-Mu mono mahokoya ngara huru ma-rapu waini Ngarami, mono ma pahalakoya tanda ma- ngaraho waini Ngara-Mu? ²³ Mengeka, Yayo eme ku-panegheni la mbarada nga -ra hehe, 'Yayo njahandaka baku peghenggumi! Kapo-roko baka wali la mbara-Nggu, yemi napaghilini ngara ha kandoku hala!”' Rongoya mono Paghilini

²⁴ “Torana netu, ngarake-he toyo na rongoya ngara pa paneghengo-Nggu iyiya mono na pahalakoya neme nameraka toy' manggana na pakedeya umana la pa-nu watu. ²⁵ Menge, nambu -ruka ura mono na kedeka wango, mono a paringi na kambuko a lahakoya netu uma mono a uma etuwayo njana mbappa orona ba pa kedeya lapanu watu.

²⁶ Mono, ngara baka toyo narongoya pa paneghe-Nggu iyiyi mono njana pa-ghilini eme na mera doka toyo na kambanga na dari ni umana la panu halayo. ²⁷ Menge, mburuka ura mono emenika wango mo- no kedeka a paringi na ka- mbukoka mono nalahako-ka netu uma na mbappaka, mono na bokolo langataka- ka ruhana.”

²⁸ Mengeka Maramba Ye-hu bana ndukango pane-ghena ngara baka etu, iyi-ya, a toy'danga na manga-ngarahoni ene ngara ha pa-neka-Na, ²⁹ torana Diyo na pakanekani ngara heme nggabango toyo na kuwa-ha, mono njana meraya ngara ha maniko Taurato ngara hehe.