Pasal 3

Khotbahna Yohaniho Pem- baptiho

1 E napaihha loddongo etu, butilo wenaka Yohaniho Pe- mbaptiho, na khotbahka el-la marada ndilako Yudea. 2 Diyo wenaka, “Diki darra bakala oronaka Kalandana Hurrga na denggetoka.” 3 Torana, didoyaka pa pane -ghena Nabi Yesaya ne ba-na wena, “Aliy'nya na hatoyo na jo'jo'na la marada ndilako, “Handiy'baka lara tut' tang-guna Myori, pepa bayakala lara-Na na manduduko.”

Yesaya 40:3

4 Mono, Yohaniho kaneho-ngo na tay'ka kahihi wulu unta mono kalorro wangge kalulla ella benggena. Ha-muy'na ndukka nanikya ngara hakapudu mono ka- nena la kandaghu. 5 Me-ngeka, ngara toy' Yerusa- lema eme nika la mbarana, mono ngarakehe toy' Yude- a, mono ngarakehe kabihu la mbarrana Yordana. 6 Makka, ngara hehe napa ihohika Yohaniho ella Yor-dana, lapaka ba paddani ha akico dirakoda ngara hehe.

7 Hewyalinya, hengo Yoha- niho bana iceya dangaka toy' Farihi mono Saduki e-mendi ella pandoy' paiho- na, diyo wenandika hediyo, “Yemi, wuy'walla nanggumi a kaboko malere, nggarani-ka a paape nggumi yemi tu -tuna bupalayo wali mbani- harina enne na emeni? 8 Toranaka netu, tanna wuy' bangoka wuyo name-ra baka padki-darrango, 9 mono amba tay' moka la pangadami tutuna bawemi -ni a polla toy; mi, 'Yama en-ni Abrahama, bapa ambu- nuhima yama, 'oronaka ya-yo kutakki nggumini lam-barrami ba wali la ngara ha watu iyiya Maramba Alla na mapikongo banna pakedde hi ngara ha anana Abra-hama! 10 Ndolinyaka, henene, a kataka tehukonika ella amu -na ngara ha pungeda ha-ghayo, mono ngara punge ghayo njana wuy' ndaha po -nggo hikya mono betindi-ka la api.

11 Yayo hepinja panguna kupaiho ghumi yemi wai-ngo weiyo tanggu dikidar-ra, mengeka eme walini Di -yo lighoronggu yayo dido- yaka narehi kuwaha wali la yayo, hengo ha kopawiti-Na panguna yayo njana la-kango baku ngandi nani. Diyo didoyaka na paiho wa- nggumi yemi wangyo nggu -mi Hungato Bihha mono api waddi. 12 A kalidi eni-kya la limya-Na, mono na pahingiroya ella pandoy' pakalimbyango-Nani, mo-no eme nakahaya a wihana ella lepeto. Mngeka, Diyo eme natunu yaka a kugha-na ella api njana badda,” Yehu a Paihoyaka Yohaniho Pembaptiho.

13 Mengeka, Yehu emenika wali la Nggalilea olla Yor-dan mono na mbaranika Yo -haniho tanna na paiho wa-ngga Yohaniho. 14 Hewya- linya, Yohaniho na kandaba lara pahili-Nani mono we-na, “Yayo dika na lakango paihogha Yoyo, mengeka Yoy' walika na emini lamba -ranggu?”

15 Mengeka, Yehu na wala -hoyaka bana wenani lam-bana, “Henene, pakaloko banggaka toranaka henya-ka nahecopinjana nadadi la ghica tutu pahangga wani ngarabaka na maghene-ngo. “Mono, Yohaniho wadi na pakaloko nikya Diyo.

16 Mengeka bana paihho, Yehu lilangangoka loho wa- li la weiyo, mono icebaka, huruga namabunggeroka mono icebaka Hungatona Alla na mburuka meraka kahillo merapati randako la taddu mbali-Na. 17 Mono, rongobaka a liyo wali la ka- ramba na wena, “Iyiya Ana- Nggu ha Pamanawarong-gu, lambara-Nala Yayo dika na maghenengo.”