¹ Makka, Yehu na paneghe ngoka lambara-da toy' danga mono haana hakola-Na, ² “Ngara mani-ko Taurato mono ngara toy' Farihi a londoka la panu ka-rohina Muhha. ³ Oro naka netu, ngara baka hori hada na, adangana ngara ene ku-taki nggumini lambarami, palaku bayaka mono hama-taro banikala. Ene bahe-wyalina, amba palakuya ngara baka pa pandahada oroda ngara ene batakiya, tappi njan' pahalakuya. ⁴ Ngara ene a paape ngoka paholo-lemba na mboto mono padeco dndika lam-bale detana toy' heka. Taba hewyalina, ngara ene kane-hongo njana wawa pandiki-nani wango walla limyada ehehe. ⁵ Ngara ene apahalakoya hediyo tanaka aice wangga toyo weda. Hediyo a pama-loy'ngo hambayango mono waringo hupu jubahda ngara ene. ⁶ Hediyo ambengo pandoy' ngo pa paakango ela perja-muano, pandoy' londongo la hadapa ela ngara sinago -ge, ⁷ salam paakango ela ngara pandoy'ngo parada-na toyo, mono, takindi Rabi wewadini ngara a toyo.

⁸ Tappi dimoka, yemi amba ataki nggumi rabi orona di-yaka na hatoyo Nggurumu, mono yemi ngara kehe pa anguwuy'ngo. ⁹ Amba taki jamoka nggara banika pa bapamu yila panu tana iyi-ya oronaka ha iha pimoni-ka Bapamu, didoyaka Diyo ela huruga. ¹⁰ Ambi wadi yemi batakinggumi pemim-pino oronaka ha iha pimo yaka Pemimpinimu, didoya -ka Kritu. ¹¹ Diyaka, nggarani na rehi bokolo lambarami yemi, ta-naka diyo na kabalingo pa-layananomu. ¹² Nggaranika na pamade-tani pola toy'na eme a paka wawani mono nggarani na pakawawa wuna eme a pa-madetani.

¹³ Karehinya nggumi yemi, ha maniko Taurato mono ngara toy' Farihi, hatoy' mu-nafiko! Yemi natodiya bi-nyana Kalandana Huruga la hadapana toyo orona ye-mi mangawuyo inja tamani mono handa wadini toyo na tengero mbenya tama wena. ¹⁴ Karehinya nggu-mi yemi, hei ngara maniko Taurato mono ngara toy' Fa-rihi, ngara toy' munafiko! Yemi kabolondi umada nga-ra toy' kawinye mono na pura pura yemi bu pndaha huru hambayango pama-loy'ngo. Oronaka netu, ye-mi eme himbaya hukumo na rehi mboto.

¹⁵ Karehinya nggumi yemi, hei ngara maniko Taurato mono ngara toy' Farihi, nga -ra toy' munafiko! Yemi ha-latoyaka a lorro mono tana mara tutu ngandiya ba ha to-toy' ya tama ela agama-mu. Mono, hengo diyo ndo-li kabokelo ngoka ela ngga-rani na hatoyo, yemi palay' nika ana neraka, duy' lipa-tona wali ela yemi manga wuyo.

¹⁶ Karehinya nggumi yemi, ngara Pemimpin kambura, na wena, 'Nggarani na haro demi Baito Alla, hadana iyi-ya njango artina. Taba he-wyalinya, nggarani na haro wani demi ndoka Baito Alla, diyo na mamanggu de-ngeni ene harona netu.' ¹⁷ Yemi, na kambanga mo-no nakambura! Nggeni na rehi bokolo, ndoka ndewe-na Baito Alla na habiha ma-ndiya a ndoka netu. ¹⁸ Mono, 'Nggarani na ha-ro wani demi altaro, a haro etu njango artina. Tappi di moka, nggarani naharo wani demi marako lapanu etu, diyo namamanggungo tora harona netu.' ¹⁹ Hei yemi ngara toy' kambura! Nggeni narehi bokolo, marako ndewena altaro na ha biha mandiya a marako netu? ²⁰ Oronaka netu, nggarani na haro demi altaro, na ha-ro demi altaro mono ngara kehe na eni la panuna. ²¹ Mono, nggarani na haro wani demi Baito Alla, naha-ro demi Baito Alla mono Di-yo na ndoy'ni ene dalona. ²² Mono, nggarani na haro demi huruga, naharo demi manonggolona Maramba Alla, mono demi Diyo na lo-ndo la panuna.

²³ Karehinya nggumika ye-mi, hei maniko Taurato mo-no ngara toy' Farihi, ngara toy' munafiko! Yemi buwoy' ngo perpuluhanamu wali la selasiho, adaho maniho, mono langa, tappi inja pa halako moyaka hori hada- na ene na rehi mboto wali la Hukumo Taurato, didoka a adilo, milla ateni, mono ate wayo. hori hadana iyiya nepimoka didoka panndoli papa lakumi yemi ba inja pakalokoni hori hadana na hawadeko. ²⁴ Yemi ngara pemimpino kambura, na kanirokohi karanggico mo-no na kabolongo nahabeyo unta.

²⁵ Karehinya ngguika ye-mi, hei ngara maniko Tau-rato mono toy Farihi, toy' munafiko! Torana, yemi pa-hingiroya lakabendona a cangkiro mono tobbomu, tappi ene ndodalongo mba-papareghongo mono katat-tako. ²⁶ Yemi, ngara toy' Farihi na kambura! Pahingi-ro ulu doya ene na ndodala-ngo a cangkiromu mono tobbomu, makka a kaben-dona wadi na mapikongo bana hingiro.

²⁷ Karehinya nggumika ye-mi ngara maniko Taurato mono toy' Farihi, toy' muna-fiko! Torana, yemi namera doka watu rate pa laburo-ngo catta kaka, ene lakade-lokona ba iceya heka kabo-lona, tappi ene nandodalo-ngona mbanu ngara riyo toy' mate mono ngara na diryako. ²⁸ Hewyajonaka wadi ene yemi hunda naghene tang-gu toy' piyo. Tappi dimoka, ene ndoy' dalongo yemi mbanu munafiko mono hu-ru mbunako.

²⁹ Karehinya nggumi yemi, ngara maniko Taurato mo-no toy' Farihi, toy' munafi-ko! Torana, yemi pakedehi ngara ha watu rateda nga-ra hanabi mono na pange-licoya ngara panatokona ngara toy' mangganna, ³⁰ mono wedaka, “Hengo yama bandoli mopiroma pahe hitu nawo ha ambu nuhima yama, yama enge deke tangguma dengendi ela ruttoda ngara hanabi.' ³¹ Enga dinaka, yemi bu ha -kahiyo tutu pola toy' ma-ngawuy'mi diwajoka ngara anana ngara hehe na hama-tehi ngara nabi. ³² Makka, nahanggaka pa ukuroda ngara ambu nuhi-mu. ³³ Yemi, ngara kaboko wala malere, mburu dadimi ha kaboko wala malere, pe -naka yemi eme bupahalla -ya pola toy'mi wali huku-mona neraka? ³⁴ Oronaka netu, ice baka, Yayo ku patumba ngara ha nabi, ha toy' manggana, mono maniko Tauto lamba-rami. Piri toy' yaka wali ene hediyo eme yemi pa hama-temi mono pa teromi, piri-yaka eme yemi pa haplumi la ngara sinagogemu, mo-no yemi pakariya wali la ko-ta otu la hawu' kota. ³⁵ ta-naka, ngara a ruttona nga-ra nambogho la panu tana eme naduki lambarami, wa -lingo ruttona Habelo, toy' ghene netu, lundu lappa la-mbarana ruttona Zakharia, anana Berekha, ene yemi pa hamatemi landongana Baito Alla mono altaro. ³⁶ Hepinja panguna, yayo kutaki nggumini lambara-mi ene ngarakehe iyiya na emeni hori hadana iyiya eme na maiyo la panuda ndalaroda iyiya.” Hukumoda tangguna Yerusalem

³⁷ O'o Yerusalemo, Yerusalemo, ene na hamati -hi ngara hanabi mono na gheghuhi watu ngara ene pa utuho la mbarana. Pena baku ndutu Yayo kuka -haya ngara ha anami de-ngemi, meranaka bey'mya-nu na kabubundi ngara ha-anana la kambu kapana, ta-ppi yemi inja wawa. ³⁸ Ice baka, umamu mandalanika tutanggumi mono na kede-ka karingina. ³⁹ Torana, Ya-yo kutaki mggumini lamba-rami ene walingo, yemi inja helu ice ghaka Yayo wadi la -paka yemi bawemi, 'Nama-ringi malala Diyo na emini la panu ngarana Myori.”'