¹ Mengeka hediyo lende tu-keya ene Yerusalem mo-no ndoli dukika ela Betfa-ge, ela letena Zaituno, Yehu na patumba-ndika duy' toyo ana hako-lana;

² Wena Diyo lambarada he-diyo, Tibyaka ela desa na eni la hadapamu, mono ye-mi eme lilangango bana to -bokoya na habeyo ndara pa karuki mono na habeyo ana ndara a marengeka. Pa-halabaka patanana ehehe mono ngandi pa kaduy'ndi eme lambaranggu. ³ Dika banengo na Toyo na kalaro -nggumi yemi nduka we-mini, Myori, na perluya, 'mono Diyo eme malende pangandindki.”

⁴ Hori hadana iyiy nadadi tanaka na hangga wanngo payaka patakina nabi: ⁶ Ngara halakeda otundika mono palakuka namato pa-ndolina Maramba Yehu pa pareta nandi halakedana. ⁷ Halakedana a ngandiyaka ndara manga anana netu, mono ahapilo ndika ngara hajubada la kabendona ndara netu, mono Maranba Yehu, na kaleteka lakaben-dona. ⁸ Narehi janga wali la toy' danga netu a talaro-ndika hakahihija ngara ne-ne la lara, mono ha hawde-ko toyo a katarika huru ka-rangga ghayo, menge a ha-baronika la lara. ⁹ Danga a toyo na uluni ha-lako la hadapa-Na a kayokongo, “Hosana tangguna Anana Daudto. Namaringi malala Diyo na maiyo lapanu ngarana Myori.' Hosana la pandoy'na na rehi madeta!”

Mazmur 118:25-26

¹⁰ Makka Yehu natama nika Yerusalem, ngarakehe kota na ndanda-roka. Ngara ene a kaliaro-ngoka, “Nggaranika Diyo iyiya?”

¹¹ Mono, toy' danga netu a pawalahoka, “Diyo didoka Nabi Yehu, wali Nazareto la Nggalilea.” Yehu Nahabiha-ya Baito Alla

¹² Makka, Yehu na tamaka la Baito Alla mo-no na hokoyaka nara a toyo na tengero hamahango ka-hi la Baito Alla, menge na kawalikohika ngara hameja pandoy' tukarongo ndingi mono ngara habangkuda ngara ene na hamahango ha kahilo merpati.

¹³ Diyo wena lambarada ngara ene, “Ndoli matura-hona, 'Uma-Nggu eme pata -kingo uma hambayango,' tappi yemi pakabalinika habbuna ngara nakarebo.'”

¹⁴ Mono, toyo na kambura mono na kaliku na maiya la mbara-Na la Baito Alla, ma-ka Diyo na patanggaho hi-ka ngara ene. ¹⁵ Hewyalinya, hengo nga-ra ha imama kapala mono ngara ha maniko Taurato a iceya ngara tanda mangara-ho pa ndoli pa palakuna a Yehu mono na iceya ha ana lakeda na ka-yokongo ela Baito Alla, “Hosana tangguna Anana Daudto,” ngara hehe pake-deyaka mbanida.

¹⁶ Makka, ehehe akaliaro-ngo lambarana Yehu, “Pena Yoyo arongoya ene patakida ha ana lakeda iyiya?” Mono, Yehu na walahoya ehehe, “O'o. Inja handaka pango yemi bu mbacaya, 'Walila ghobada ngara ha lakeda rara na hu-hu ndoli handiy'naka hang-gelico tutu pola toy'-Mu mangawu'na?” ¹⁷ Malawe-ngoka, Yehu na mandalandika ngarahehe mono nalohoka wali la kota netu la Betania mono a mandahi hika enyene. Yehu Napahiy'ni-ka Kuwaha Ate waya

¹⁸ Henene, a kapa huddo-na, makka Makka Yehu na baliyaka la kota, Diyo kede-ka kalambaka. ¹⁹ Mono, maka na iceyaka punge ka-puloto la hingi lara, Diyo na tukkeyaka mono njana to-boko pa-paya, dimoyaka a haroy'na na eni. Mono, Di-yo wenanika a punge kapu-loto netu, “Inja helu wuy' wadika wali lambaramu lu-ndu lappa muriwali muriwa-li!” Rapana netu wadi, pu-nge kapuloto netu keddeka hadukotona.

²⁰ Menge ngara ana hako-lana a iceya horina iyiya, ngara halakedana a manga -ngarahoka mono a kaliaro -ngoka, “Penaka apunge ka-puloto netu bana haduko-to memapangu netu wadi?”

²¹ Mono, Yehu nawalahohi ha lakedana, “Hepinja panguna yayo ku-takiya lambarami, hengo yemi bane'jongo ate waiy' mi mono inja nggela ngga-ngga doyo, yemi inja dimo-yaka payaka pa palakung- gu lambarana kapuloto iyi-ya, appa diy'wadibayaka ye-mi bawemuni a letena iyi-ya, 'Makeketobaka mono magheghu bangoka ela waimahi,' hori hadana iyiya netu nduka dadinani. ²² Mono, ngara baka etu yemi bukareyo wango ham bayango, wai'bangoka eme diyaka a himbana.” Pemimpida Yahudi Parahu-ni Kuwahana Yehu

²³ Makka Yehu natamanika Baito Alla, nga-ra Imama kapala mono ngara penatua toy' Yahudi emendi lambara-Na bate-ngerona Diyo bana pa kane -kani mono a kaliarongo, “Apa kuwahaka ene Yoyo bu palakuya ngara hori ha-dana iyiya? Mono, nggarani-ka a woy'-Nggu kuwaha iyi -ya?”

²⁴ Yehu na walahohi ehehw, “Yayo wa-di kukaliaro na hawuyo ha-dana lambarami, hengo ye-mi bumapikongo walaho-ya, Yayo wadi apa kutaki-nggumini paya kawaha pa wai'nggu Yayo papaghili ngara ahori hadana iyiya. ²⁵ Nggek' pawlinyaka pai-hona Yohaniho? Wali la hu-ruga ndewena wali la toy' piyo?” Mono, ngara hehe bunggeroka paneghengo la paduna ngara ene kane-hongo, wedaka, “Hengo ghi-ca bawendaka, 'Wali la Hu-ruga,' Diyo enge wenaka, 'Dika bahenyaka pena yemi ba inja wai'ni Yohaniho?' ²⁶ Hewyadingo, dika ghica bata walahoya, 'Walina la toy' piyo.' Ghica takambohi -ni lambarana toy' danga orona ehehe ngarakehe ba -na dendo ene Yohaniho ba nabiya.”

²⁷ Makka ehehe a walaho-yaka Yehu, “Ya- ma njama pegheni.” Mono, Yehu we-naka, “Dika bawengoka, Ya-yo wadi njaku taki wading-gumini payaka kuwaha Ya-yo baku palakuya ngara ha-dana iyiya.” Tuda ngendo tutuna Duyo Toyo Haanana

²⁸ Malla, pena parangga-mu? Eni toyo na manga duy'da ha ana kabanina, mono diyo emeni lambara-na paghagha mono wena-ni, 'Ananggu, otu donggu mono paghilini yia loddo-na la mango angguro.”

²⁹ Mono, diyo nawalohoya, 'O'o, Bapa,' tappi mengeka etu wayo diyo njana layo.

³⁰ Mengeka bapana netu otu walinika la kamuri mo-no natakiyaka hadana na-meraka. Lakeda netu nawa-lahoya, 'Njaku wawa,' me-nge walika nambula ateka mono otu nika.

³¹ Nggaranika wali la hadu-yo ha anana netu na nama-nunduni a bapana?” Yehu wenaka la-mbarana halakeda, “Hepi-nja panguna, yayo kutaki-nggumini lambarami ene ngara toy'kaha wekataku mono ngara na laghodero eme dika na tama ela Kala-ndana Maramba Alla naulu nggumi yemi. ³² Torana, Yohaniho eme nika lambarami ela lara na ghene mono yemi inja wai' ni, tappi, ngara nakaha we -kataku mono ngara na la-ghodero a wainika. Mono, yemi, menge ba iceya hada na iyiya kumaya atemi inja maghilya bana langango didoyaka yemi bangole apa waingo.” Tuda ngendona tutuna Mo-rinya mono Nakahewa Kali-gho Angguro

³³ Rongobakala tuda ngen-dona heka wali. Eni mori ka-ligho natondoni na hamba-tu kaligho angguro, mono nawolo nika gallu la lilona, mono na kondaka pandoy' polohongo angguro, mono na pakedenika wutulete. Mengeka, diyo na kahewa-ka kaligho anggurona lam-barada napiri toy' manerro, mono diyo otunika la hawu negara. ³⁴ Tutuka wulla pa wuy' wada malende dukika, diyo napatumbandka nga-ra ha atana lambarada nga-hato' netu tanna himbya wni ha wuy'da. ³⁵ Monno, ngara toy'mane-ro a danggalo hika ngara pelayano netu mono na pa-lu hiki na hatoyo, mono na hamateyaka na hatoyo, mo -no na hwadeko a gheghu yaka watu. ³⁶ Handaka wa-li, mori kaligho netu na pa-tumbani ha atana na hawa -deko, narehi janga wali-ngo na ulu. Mono, Nagra toy' manero netu na palaku yaka hori hadana namera mbarada toy' hetuwayo. ³⁷ La kandupuna, morinya kaligho netu napatumbani ka anana lambara ngara hehe, wenaka, 'Ngara ene enga pa aka donani ana-nggu.'

³⁸ Tabahewyalinya, inja hekanaka ngara hatoy' ma- nero netu baiceya anana, hediyo a pawedaka wuy' da-ka. Iyiya didoyaka na helu doyo, maika ghica ta hama-teya diyo mono ta karebo-ya ngara ha doy' paheluna,' ³⁹ Makka, ngarahehe ada-nggaloyaka anana mori ka-ligho angguro netu, a ghe-ghuyaka la hambali kaligho angguro, mono a hamate-yaka. ⁴⁰ Oronaka netu, hengo mori kaligho angguro netu emenika, paya ene pa pala-kuda ngara ha toy' mane- ro netu. ⁴¹ Ngara ene we-na lambara-Na, “Diyo eme na hamadaya na hamada-ya ngara a toy' diryako, ne-tu mono na kahewaya kali gho anggurona lambarana ngara toy' manero heka wa-li, ene na harakani lamba-rana ngara ha wuy'da tutu rahi wuy'da.”

⁴² Maramba Yehu wenaka lambarada ngara ene, Pena yemi inja mbacaya ela Hura-to Biha: Watu ene patolakona ngara hatukango ngara huruna uma pakede ndoli dadi na-ka watu penjuru. Hori hadana iyiya nadadi la kalibyona Myori, mono hadana iyiya ajaibpo ela matanda ghica?

Mazmur 118:22-23

⁴³ Oronaka netu, Yayo kuta-kinggumini lambarami, Ka landana Maramba Alla eme dekeya ela mbaramu mono eme wodanika lambarana ngara atoyo na hahilongo wuyo wali diyo. ⁴⁴ Mono, nggarani na kanabu ela pa-nu watu iyiya eme pogho-ro pa kambibi-mbibikuni; mono nggara panguni pa dimba watu iyiya eme na mubuko.”

⁴⁵ Inja hekanaka ngara ha imama kapala mono ngara ha toy' Farihi barongoya ngara pa patuda pangendo-Na ngara ene a mangati ni-ka ene Maramba Yehu te-ngero paneghena tutuda hediyo. ⁴⁶ Taba hewyalina, nggeni hediyo ba kandaba dialo ka longga danggaloya Yehu, hediyo kambohi-ni lambarana toy' danga netu ba pangaranika Mara mba Yehu didoyaka nabi.