¹ Mengeka Yehu mengeya ngara patakina iyiya, Diyo otumika wali la Nggalalia mono nahangga-ka la kabihu Yudea, ela hambalina loko Yorondana. ² Mono, a kawongi langa taka toy' danga a namoya Diyo, mono na patanggaho hika ngara ene a nyene. ³ Napiri toy' Farihi emendi lambarana Yehu tanna kaba wani Diyo mo-no a kaliaronika, “Payaka pa ndoy' ghene wangoya tangguda ha kabani tutuna bana pahegha dengeni ari wenya banenggo huru ka-tokana?”

⁴ Makka, Yehu nawalahoya mono wenandi, “Yemi inja mbaca-ya ene Diyo, na padadini he-diyo walingo kawungana ngara ene ha kabani mono ha waricoyo, ⁵ mono Diyo alinya, 'Orona netu, ha kabani ndukana na mandalani abapana mono inyana, mono nadadi pahawuy' dengeni ariwe-nya ha pakaduy'ngo netu ene nadadi hamboloda? ⁶ makka, hediyo inja duy' hika, tappi hawuy' mbolana pola toyo. Oronaka netu, paya na ndoli pa hawuy'na Maramba Alla, toy'piyo am-bi hegherohi.”

⁷ Nngara ene wedaka lam-barana Yehu, Mak-ka, Muhha a paretana tutu-na bawoy'ni hurato pahe-gha mono na pahegha de-ngeni arwenya?”

⁸ Yehu wenandi lambarada ngara ene, “Oro-na tonggorana atemi, Musa na padialo nggumi ye-mi pahegha dengeni ariwe-mu. Taba hewyalina, ene a kawungana inja henya. ⁹ Mono, Yayo kutaki nggu-mini lambaramu ene ngga-rani na pahegha dengeni a ariwenya, likkena bamali-ngo nani, menge na mbola dengeni a waricoy' heka, di-yo malingo donanika.”

¹⁰ Ha ana hakolana weda-ka lambarana, “Hengo na mera iyiya hadana laghinya dunggu ariwenya, rehi pa-ngo ndaha hobangoka a mbola baka.”

¹¹ Hewyalinya, Yehu wenandika lambara-da ngara hehe, Njana han-dakango toyo bana himba-ya patakina iyiya, likkena ngara ene na pakanuruya. ¹² Torana, eni toyo njana mbola orona henyeka bana dadi hememana walingo la kambu inyana, mono eni to-yo na njana mbola orona bana highuka wali la toy' heka, mono ewyadini na pa highuya pola toy'na manga wuy'na tutuna Kalandana Huruga. Nggara banika na himbyaya hadana iyiya, pa wali banikya diyo bana himbyaya.” Yehu mno Ngara halakeda katappa

¹³ Mengeka, napiri lakeda katappa la ngandiya lamba -ra-Na tanaka Diyo na kom-bokoni limya-Na mbarada ngara ha lakeda netu mono na hambayani hediyo. Taba hewyalina, ngara ha ana hakolana a herindi nga -ra ha toyo netu.

¹⁴ Dimoka, Yehu wenandi, “Pa kaloko nggan -ha ana lakeda katappa ne-tu. Amba herindi hediyo emendi lambara-Nggu tora -na Kalandana Huruga dido -yaka doy'na ngara hatoyo na meraya ngara ha lakeda lakeda katappa iyiya. ¹⁵ “Mengeka Yehu bana kombokoni limya- Na ngara ha lakeda netu, Diyo otu wali nyene. Penawena Paranggami a Mopiro Njango Ndukana?

¹⁶ Makka, emenika na hatoyo lambarana Yehu mono nakaliaroni-ka, “Ngguru, hada ndaha payaka ene yayo pa halako nggu tanaka kukole wani mopiro na njango nduka-na?”

¹⁷ Mono, Yehu wenanika lambarana to-yo netu, “Pena yemi bukali -aroni lambara-Nggu tutu-na rehi ndaha? Diyaka eni Hawuy'ni na ndaha. Hewya-linya, dika yemi mbengo ta -ma ela mopiro, pa akandi ngara ha pareta netu.” ¹⁸ Atoyo netu nakaliarongo la, barana Yehu, Pareta payaka diyo?” 'Wala-hoya Yehu, Amba hamate ole toy'mu, amba malingo, amba kedu, amba hakahiy' boleto, ¹⁹ hamboto-ya a bapamu mono inya-mu, mono manawaroni ole toy' pimu hengo ihi manga-wuy'mu.” ²⁰ Lakeda mone netu wena lambara-Na, Ngara keheba-ka hadana netu ndoli naka yayo baku namatoya, pay' dukuluy' payaka na kura-ngo?”

²¹ Yehu wena lambarana, “Hengo yemi mimironi na taghana. Tibyaka mono hamaha ke-hendi ngara pa doy'mu. Me-ngeka, baghe banika lam-barana toy' milla, mono ye-mi eme doy'ndika a doyo la huruga, mono mabika namatogha Yayo.”

²² Malla, hengyo lakeda mone netu bana rongoya patakingoyaiyiya, diyo otu nika nduka huha ateya tora-na diyo heka ratona.

²³ Makka, Yehu wenandi lambarada ngara ha ana hakola-Na, “Yayo ku paneghe nggumini naheco-pinjana lambarami, huha la -nga takka tanggun toy'ra-to bana tamani ela Kalanda -na Huruga. ²⁴ Panda bali-nggumi, Yayo kupaneghe nggumini lambarami ba re-hi mapikongo pango ene na haiha unta bana tamani mata kariho wali pango toy' rato bana tamani Kalan-dana Maramba Alla.”

²⁵ Mengeka ngara ana ha-kolana bana rongoya patak-kina netu, hediyo kedde heka mangarahona mono wena, “Dika bawengoka, nggarani na mapikongo pa hamanumara?”

²⁶ Na hamatarondi hediyo, Yehu wenandi, “Mbarana toy' piyo, hadana iyiya njana mapikongo, tap-pi lambarana Maramba Alla, ngara hadana netu na mapikongo.”

²⁷ Mengeka, Pyetu wenaka lambara-Na, “Ice bakala, ya-ma ndolinyaka bama man-dalani ngara kehebaka mo-no manamatoghu Yoyo. Dika, payaka ene yama pa-himbyama?”

²⁸ Mono, Maramba Yehu wenandi, “Yayo kutakinggu mini na hecopinjana lamba-rami eme yemi, na namato-gha Yayo ela panu tana na mawungango, nggeni Ana Toy'piyo bana londo la ka pondi bokolo-Na, yemi wa di eme londo lapanuna ha-kambulu duyo kapondina bana hakimoni hakambulu duyo kabihu Israelo. ²⁹ Mono, ngara baka toyo na mandalani umana, du-ngo kambuna kabani, angu wuy'na waricoyo, bapana, inyana, ha anana, ndewena mangona oro ngara-Nggu eme nahimbaya hangahu panda kawalikona mono e-me na heluya mopiro nja-ngo ndukana. ³⁰ Taba he-wyalina, danga toyo na ka-wungana eme na eni la ka-ndupuna, mono la kandu-puna eme enika la kawu-ngana.”