Pasal 17

Yehu Hunda Ma-rengeni Musa mono Elia

1 Nomo loddo walinya, Yehu nangandiya Pyetu, Yakobus, dika Yoha-niho dungo kambuna Yakobus, mono nangadihiki hediyo detongo kaneho ngoka la letena na madeta. 2 Makka, Yehu na mwungangoka a rupana la aro matada hediyo. Ni-nyo-Na na magheleroka meraka mata loddo mono ngawu la ihi-Nya keddeka kaka wilyangoka. 3 Mono, ice baka, a hunda- ka lambarada ehehe Musa mono Elia, tengeroda ba hambaha mbahango de-ngeni Yehu.

4 Pyetu wenanika a Mara-mba Yehu, “Mori, rehi nda-ha tanggunda ghica tana yingo iyiya, yayo ene ku pa-ndende tallu kema iyiya, hawyo tanggu-Mu, hawuyo tangguna Musa, mono na hawuyo tangguna Elia.”

5 Tengorona Pyetu bana pa-neghengo, nahawuyo ka-ramba na manggakaho a kombokondika hediyo, mo-no ice baka, emenika aliyo wali la karamba netu na we -na, “Iyiya Ana-Nggu ha Pa-nawaro-Nggu, la mbara-Na ni Yayu na maghenengo. Katanga bayaka Diyo.”

6 Inja heka naka ha ana ha-kolana barongoya iyiya, hediyo a manduru ndobaka ha koba matada udokoka a tana mono heka kambohi-jaka. 7 Hewyalinya, Maram-ba Yehu emenika mono na tondo hika hediyo, wenaka Diyo, “Kedebakala mono amba kambohi.” 8 Maka he -diyo a keketohika ha mata-da hediyo, hediyo akeketo-yaka ha matada hediyo, hediyo njan' iceka nggara panguni, likena Yehu kanehongo

9 Ene hediyo mburu wali la letena, Maramba Yehu na wondika liyo hediyo, wena Diyo, “Amba ngara kedoko ni paya pa icemi netu lam-barana nggara panguni lun -du lappa Ana Toy' piyo ba pakede habalini wali para duy'na toy' mate.”

10 Mono, ha ana hakolana a kaliaro nika lambara-Na, “Menge, pena ngara ha ma -niko Taurato ba paneghe-ngo ene Ela nduka eme ulu-ni?”

11 Yehu, “Elia ba-na emeni taulungo mono eme na wunganika ngara baka etu. 12 Hewyalina, Ya-yo kutaki nggumuni lamba -rami ba eme Elia ndoli mai -nyaka, tapi hediyo njan' pe-gheni mono ba njan' pala-koya namatoya hambei' ate -na hediyo. Hewyajonaka Ana Toy' piyo eme na kari-yo ela limya ngara ene. 13 Mengeka, ngara ana ha-kolana a mangatini ba nggeni Diyo paneghe de-ngeni lambarada ngara e-ne tutuna Yohaniho Pembatis. Nahatoyo Lakeda Naham-bembehoya wali Marapu roro

14 Makka Yehu mono ngara haana hakola- na a bali hika lambarada toy' danga, na hatoyo a ka-bani emeni lambarana Yehu dika na kawo-doka la hadapa-Na mono wenaka, 15 “Mori, manawa-ro kinggani ananggu tora-na diyo na hadu wutu ma-nu mono heka kariy'na. Di-yo engana bana wangu ka- nabu la api jalo mono wai' jalo. 16 Yayo kungandi wa-diyaka lambarada ana hako-la-Mu, tappi hediyo njan' patanggahoya diyo.”

17 Yehu napawa-lahoka, “Hei, yemi ndalaro-na na njana wangyo mono na ndoroyo! Piri wali pango -ka mandey'nya baku mare-nge nggumi? Piri wali wadi pango baku maloy' ate nggumi yemi? Ngandi baya -ka a lakeda la mbara-Nggu.” 18 Makka Yehu na kayaka nika a ma-rapu roro netu makka nalo-hoka wali la lakeda kabani netu na tanggaho mema panguka wadika netu.

19 Malawengoka ngara ana hakolana heme ndika lam-barana Marmba Yehu, pa-hengo hediyo ba kaneha denge-Ni mono a kaliaroni-ka, “Pena yama njana ma pikongo bama hokoya a marapu roro netu?”

20 Wenandika Diyo lamba-rada hediyo, “Oronaka ate waiy'mi na katappa. Yayo kutaki nggumini na hecopi-njana lambarami, hengo ye -mi manga ate wai'mi na bokola mera na hawu' wiha balla piyo, makka yemi na mapikongo bawemuni a le-tena iyiya, 'Ndiki baka wali la pandoy'mi iyiya makka na dadi ndikina. Njango nja -na mapikongo tanggumi. 21 [Taba hewyalinya, mara-pu roro hengo iyiya nduka donanika hoko wani ham-bayango mono puaha.”]
Yehu Napaneghe -ni tutuna Hamate dani Diyo

22 Nggeni Yehu mono ha lakeda-Na ba te-ngero makahada la kabihu Nggalilea, Diyo wenandi ha lakeda-Na, “Ana Toy'piyo e-me a haraka nika ela limya-na toy'piyo, 23 mono hedi-yo a hamateya Diyo, mono Diyo eme a pakedde habali-ni a loddo kataluna.” Mo-no, ngara ana hakola-Na he-ka horiya kalaluda. Pakanekongo tutu Woy'ngo Kataku Pahango

24 Mengeka hediyo dukika ela Kapernaumo, ngara ha-kaha kataku pahango duy' mballa ndingi eme ndika la mbarana Pyetu mono na ka -liaro nika, “Pena ngguru-mu njana woy'ngo kataku pahango duy' mballa ndi-ngi?”

25 Pyetu napawalaho, “O'o,” Mengeka diyo na ta-maka la uma dalo, Maram-ba Yehu ndoli ulunaka ba-na paneghengo lambara-na, “Penawena pa pangada mu, Himono? Wali nggara-nika ngara ha tokko panu tana iyiya ba kareyo kahe-wa mono kataku pahango? Wali ngara ha anada ndwe-na wali la toy' heka?

26 Makka Pyetu nawalaho-ya, Walli la toy' heka,” Mara -ba Yehu wena lambarana, “Dika bawengoka, ngara ha anana a mbembeho. 27 Taba hewyalinya, tanaka ghica amba wango haweca -kona lambarada ngara ne-ne, otu bangguka ela hom-ba mono gheghu banika a kawuyo. Deke bayaka a i-gha pa kawungana na hun-da, mono mengeka yemi bunggero bayaka a ghoba-na eme tobokoka hapande-pelomgo handingi. Deke bayaka mono woy'bandika ehehe, tanggu-Nggu mono tanggumu.”