¹ Yesus nyarui'k ka dua balas murit-murit-Te ba mare kuasa ka kabatne untu ngajang roh-roh jahat ba untu ngilangan sagala panyakit ba sagala kalamahan. ² Nyianlah dama ka dua balas rasul koa: nang Pertama Simon nang disabut Petrus ba Andreas adik e, ba Yakobus anak Zebedeus ba Yohanes adik e,

⁵ Ka dua balas murit koa di ngutus di Yesus ba Ia bapasatn ka kabatne: “Amelah kao nyempang ka jaatn bangsa lain gek taama' ka daapm kota' urakng Samaria, ⁶ tapi ampuslah ka domba-domba nang ilang dari umat Israel. ⁷ Ampuslah ba baritaatnlah: Karajaan Saruga udah samak. ⁸ Samuhanlah urakng sakit; bangkitatnlah urakng mati; tomoanlah urakng nang balaeko; ba gajanglah setan-setan. Kao udah narima cuma-cuma, untu koa bareatnlah ugak cuma-cuma. ⁹ Amelah kao ngicakng amas gek perak gek timaga ka daapm ikat pinggang nyu. ¹⁰ Amelah kao ngicakng bahata daapm pajaanan, amelah kao ngicakng baju dua baah, kaus paha gek tungkat, barang urakng nang bakaraja patut narima upahe.

¹¹ Kade kao taama'k ka kota gek ka kampokng, gaguiklah di koa urakng nang pantas ba diapmlah sampe kao barangkat. ¹² Kade kao taama'k ka rumah urakng barelah salam ka dangan. ¹³ Kade kabatne koa pantas narima iya, salam nyu koa turutn ka atas ia, kade ina, salam nyu koa muakng agik ka kao. ¹⁴ Ba kade urakng ina narima kao ba ina nangar pakataatnnyu, kauwar lah ba tingaatnlah rumah gek kota koa ba kibasatnlah dabu e dari pahanyu. ¹⁵ Aku bakata ka kao: Sasidie ka ari pangakiman ana tanah Sodom ba Gomora akan labih rehetn tanggonganne dari pada kota koa.”

¹⁶ 'Tee'lah, Aku ngutus kao aya tolen domba ka tangah-tangah sarigala, barang koa haruslah kao caradik aya ular ba tulus aya burukng dara. ¹⁷ Tapi waspadalah ka samua urakng; barang ana ada nang akan nyarahatn kao ka majelis agama ba kabatne koa akan ngukum kao ka rumah sambayange. ¹⁸ Ba karna Aku kao ana di tarikatn ka muha panguasa-panguasa ba raja-raja untu jaji saksi untu kabatne koa ba urakng-urakng nang ina kanal ka Jubata. ¹⁹ Kade kabatne nyarahatn kao, ame lah kuater ana aya mae ba ahe nang akan kao kataatn, barang samua koa ana di karuniaatn ka kao pada waktu koa ugak. ²⁰ Barang buke kao nang bakata-kata, tapi Roh Apaknyu; ia nang akan bakata-kata ka daapm dirik nyu.

²¹ Urakng akan nyarahatn kamaruk' e untu di bunuh, yakoa ugak seko apak ka anake. Ba kamudak-kamudak akan memberontak ka urakng tuhae ba akan munuh ia. ²² Ba kao ana akan di tegetatn samua urakng barang karna dama-Ku; tapi urakng nang batahan sampe kasudahane akan salamat. ²³ Kade dangan nyiksa kao daapm kota nang sete, darilah ka kota nang lain; barang Aku bakata ka kao: Sasidie sanape kao ngabisatn ngampusi kota-kota Israel, Anak Manusia udah atakng.

²⁴ Seko' urakng murit ina labih dari pada gurue, gek seko' urakng amba dari pada tuane. ²⁵ Cukuplah untu murit kade ia sabaya ba gurue ba untu amba kade ia jaji sabaya aya tuane. Kade tuan rumah koa di sabut Beelzebul, ahe agik sa insi' rumahe.

²⁶ Jadi amelah kao gai'k ka kabatne, barang ina ada sete pun nang ta tutup nang ina akan di buka ba ina ada sete pun nang tataporatn nang ina akan di tauatn. ²⁷ Ahe nang ku ngataatn ka kao daapm galap, kataatnlah koa daapm tarakng; ba ahe nang di misikatn ka tarenyekng nyu, baritaatnlah koa ka atas atap rumah.

²⁸ Ba amelah kao gai' ka kabatne nang bisa munuh tubuh, tapi nang ina bakuasa munuh jiwa; gai'klah tarutama ka Ia nang bakuasa nang bisa membinasatn baik jiwa gek pun tubuh ka daapm neraka. ²⁹ Buke'k me burukng pipit di nyua dua ekok saduit? Tapi seko' pun dari koa ina ada nang jantu' ka bumi ka luar dari kuasa Apaknyu. ³⁰ Ba kao, buuk kapalanyu pun taetong samuae e. ³¹ Karna koa amelah kao gai', barang kao labih baraga dari pada manyak burukng pipit.

³² Satiap urakng nang ngakoi'k Aku ka adapatn manusia, Aku ugak akan ngakoi'k ia ka adapatn Apak-Ku nang ka saruga. ³³ Tapi sae pun nang masangkaatn Aku ka adapatn manusia, Aku ugak akan masangkaatn ia ka adapatn Apak-Ku nang ka saruga.

³⁴ “Amelah kao nyangka, kade Aku atakng untu ngicakng damai ka atas bumi, melainkan pedang. ³⁵ Barang Aku atakng untu misahatn urakng dari apak e, anak nang bini dari uwek'e, minantu nang bini dari datu'k e nang bini, ³⁷ Sae pun nang ngasihi apak gek uwek'e labih dari pada ngasihi Aku, ia ina pantas bagi-KU; ba sae pun nang ngasihi anake laki-laki gek pun anake nang bini labih dari ngasihi Aku, ia ina pantas bagi-KU. ³⁸ Sae nang ina mikut salip e ba nunaan Aku, ia ina pantas bagi-Ku, ³⁹ Sae pu nang mempertahankan nyawae, ia kailangan nyawae karna Aku, ia akan namuan iya agik.

⁴⁰ Sae pun nyambut kao, ia nyambut Aku, ba sae pun nang nyambut Aku, ia nyambut Ia nang ngutus Aku. ⁴¹ Sae pun nang nyambut seko' nabi sabagai nabi, Ia akan narima upah nabi, ba sae pun nyambut seko' urakng banar sabagai urakng banar, ia akan narima upah urakng banar. ⁴² Ba sae pun mare ai'k dingin sacangkir maan pun ka salah seko' urakng nang enek nyian, karna ia murit-Ku, Aku bakata ka kao: Sasidie ia ina' akan kailangan upahe dari pada ia.”