¹ Buna bafadisi ye ba nsoniki ba yenda ku Yelusalemi ga mbela Yesu ye ba goga: ² mudiambudi nki ba n'longoki b'aku ba vuezilanga kinkulu ki bambuta? Kadi kaba sukulanga moku ko, muntangu ba dianga ma dia mau. ³ gu ba vutuluedi: Ye benu, mudiambudi nki lu vuezilanga ntumunu yi Nzambi mudiambudi ki nkulu kianu ⁴ Kadi Nzambi gu goga: zitisa tat'aku ye ngudi'aku; ye: yu si gu loka tat'ani go ngudi'ani si ka baka ndola yi lu fua. ⁵ Kansi benu, lu gogedi: yu si gu goga ku tat'ani go ngudi'ani ki kani yi ku sadisala kina nkayilu gu Nzambi, konda ku zitisa tat'aku go ngidi'aku. ⁶ lu ta katula buna gogu Nzambi mudiambudi ki nkulu kieno ⁷ Bantu ba disu kunsi lukaya, Yeseya u bikula bu mboti ku benu, muntangu ka goga: ⁸ gu nkangu gu ku nzitisanga mu bi koba; kansi ntim'ani guna ku, nda ye munu. ⁹ i mu mpamba nde ba nzitisilanga, ba longilanga ma longi mena mi n'siku mi bantu. ¹⁰ Buka bokila kibuka ku yandi, gu teledi: Lu wa, ye lu bakisa. ¹¹ ka ki kikokanga mu nua ku ki sumunanga muntu; kansi ki kitukanga mu nua, yi kina ki sumunanga muntu. ¹² Buna ba n'longoki bani ba finama, ye ba'n ntela: zeyi nde ba fadisi bata masakuba mu mambu ma ba wa? ¹³ gu ba vutuluedi: konso nti wuna tat'amu di mazulu ka kunini ku si gu vuzuka. ¹⁴ Lu ba yambula: bena bi fuemesu bina bi tuadisanga bi fuemeso; go ki fuemeso ta tuadisi ki fuemeso, si ba bua ba bodi muna muna bulu ¹⁵ Petelo, u baka gogu, gu nteledi, gu tu bangudila kio kingana. ¹⁶ Ye Yesu gogedi: benu mpi, ka lunima diaka ngangu kue? ¹⁷ Ka lu ta bakisaku nde kiakulu ki kotanga mu nua ki kuendanga muna ki vuma, buna ki getokedi muna bufunu bi kinsueki? ¹⁸ Kansi ki kitukanga mu nua ki tukidi mu ntima, ye kina ki sumunanga muntu. ¹⁹ Kadi yi muntima mutukanga ngindu zi mbi, mi gondi,

ba kua kinsuza, bakua kitiengi, ba kua mbuifi, ba n'te kimbangi kiluvunu, ba kua zi ntiakula.

²⁰ Tala bima bi sumunanga muntu; kansi ku dia konda ku sukula moku, dina kadi sumunanga muntu ko ²¹ Yesu, buka katuka gana, gu yenda ku n'lambu gu Tilo ye Sidoni. ²² Ye tala, muana nkentu gu mosi gu muesi kanana, yu gu tuka muna bi zuinga bina, gu kaya: gu fuila nkenda, Mfumu, Muana David! Muan'amu gu ta toma kuamusua ngolu kibeni ku mpefi yi mbi. ²³ ka vutidila gogu mosi ko, ye ba n'longiki b'ani ba finama, ye ba goga ye ku nikisina: gu vutula, kadi ta kaya ku nim'etu. ²⁴ gu vutula: yi fidusua kaka ku ma memi ma fila ma yi Isalayele. ²⁵ Kansi gu ye fukama ku ntual'ani, muku goga: Mfumu, gu nsadisa! ²⁶ gu vutudila: kadina di mboti ko di mpa di bana, ye ku gata diau ku bana ba m'bua. ²⁷ Inga, Mfumu, gogedi, kansi bana ba m'bua ba dianga bi gesu-gesu bi buanga ku nsi mesa ma ba mfumu zau. ²⁸ Buna Yesu go n'teledi: Muana nkentu, minu kiaku ki neni, maku gangimina bonso bu zoledi. Ye, muna ntanguyayina, muan'ani gu nkentu gu beluka. ²⁹ Yesu gu katuka muna bu fulu bina, y gu yanda ga mbele m'bu gu Ngalili. buka tombuka gana mongo, gu fonda gana. ³⁰ Buna kibuka ki nene kifinama kuna yani, ki kala ye bifue malu, bifue meso, ma baba, bi nsombu, ye ba befu ba mbidi ba nkaka. Ba ba tula ga manu mani, ye gu ba belusa; ³¹ mu mplila yina nde kibuka ki yituka muku mona ye kiese nde ma baba magoga, nde bi nsumbu bi beluka, nde bifue malu bi diata, nde bifue mesu ba mona; ye ba kedi zitisanga Nzambi yu Isayeli ³² Yesu, buka bokila ba n'longoki b'ani, gogedi: ngina ye kiadi mudiambudi kio kibuka; kadi tala bilumbu bi tatu bena ga mbela munu, ye ka bena ye kima ki ku dia ku. kizoledi ku ba vutula ye nsatu ko, mubu nkuta ngolu ka si zi ba kondi ko mu nzila. ³³ Ba n'longoki ba'n teledi: bue tu lendi bakila go ki fulu kio ki makanga mampa mafuana muku yukitisa kio kibuka ki neni? ³⁴ Yesu u ba yufula; mampa ma kua luna ye mau? Nsambuadi, ba vutuluedi, ye ndambu bi mbisi-mbisi bi masa. ³⁵ buna gu fondisa kibuka ga ntotu ³⁶ gu baka mampa Nsambuedi ye zi mbisi, ye, kunima ku vutula matondo, gu bukuna mo ye gu gana mo ku ba n'longoki b'ani, ba ba kabula mau ku kibuka. ³⁷ bakulu ba dia ye ba yukuta, ye ba nata bi tunga Nsambuadi bi teba bi ye ntini zi sala. ³⁸ Bo ba dia bakala mafunda maya ma bantu konda ku ba nkentu ye bana. ³⁹ kunima, gu vutula kibuka, gu mata mu n'lungu ye gu yenda muna kizuinga ki Magadani