¹ Ki lumbu kina, Yesu gu ntuka munzo, ye gu mvuanda mu kumu di zanga. ² Kibuka kinene ki kala ki kutakana ga mbela yani, gu mata mu n'longu mosi, ye gu mvuanda. Kibuka kiakulu ki telema mu kumu. ³ Gu ba gogila mu bi ngana mu mambu ma mbidi, ye gogedi: kuni mosi gu tuka muku kuna. ⁴ Buka kedi kunanga, ndambu yi nkuna yi mbua mu nzila-nzila: bai nuni ba yisa, ye ba dia zau. ⁵ Ndamba yi nkaka yi bua mu bi fulu bi matadi, ku ka kukala ntotu wu mbidi ko: wa ntuka muna ntangu ya yina, mudiambu ntotu kawu yenda munsi ku; ⁶ kansi, muntangu ntangu yi tuka, yi ya ye yi yuma, konda ku miansi ⁷ Ndambu nkaka yi bua ga kati ki nsendi: nsenndi zi tuka, ye zi fietikisa yau. ⁸ Ndambu yi nkaka yi bua gana ntotu gu mboti: yi gana bundu, yina nkeni nkama, yi nkaka makuma sambanu, yi nkaka mkuma tatu. ⁹ Yambula yu wuna ye makuta maku wa ka wa. ¹⁰ Ba n'longoki ba finama, ye ba'n ntela: mudiambudi nki gu ku ba gogilanga mu bi ngana? ¹¹ Yesu u ba vutuledi: mudiambu nde benu balu gana muku zaya mansuekama ma kimfumu ki ma zulu, ye nde mana ka maba ganukina ko. ¹² Kadi si ba gana ku yuna mvuidi, ye si ka kala gu teba, kansi yuna ka mvuidi ko si ba'n nkatula kani ki ka mvuidi. ¹³ I mu diambu dina i ta ku ba gogila mu bi ngana, kadi muku mona ka ba ta mona ku, ye muku wa ka bata wa ku kani muku ku bakisa. ¹⁴ Ye ku bau yo mbikululu yi Esayi yi lungeni: si lu wa mu makutu menu, ye si ka lu bakisa ko, si lu tala mu meso meno, ye si kalu mona ko. ¹⁵ Kadi ntima u go nkanga ka wuna diaka yi mv'isuluku; ba kanga makutu mau, ye ba kanga mesu mau, mu mpila yina ka ba moniku mu meso mau, ka ba weku mu makutu mau, ka ba bakisa ku mu ntima miau, ka ba vilukaku, ye nde ki ba belusa ku ¹⁶ Kansi kiesi ku meso maya mona, kadi mata wa, ye makutu menu, kadi mata wa! ¹⁷ I ta kulu tela dio mu makiedika, ba Bikudi ba mbidi ye ba masonga bakala ye nsatu yi ku mona malu ta mona benu, ye ka bamona moko, ku wa malu ta wa benu, ye ka ba wa moku ¹⁸ Buna benu, lu wa mbangululu yi kingana ki N'kuni. ¹⁹ Muntangu muntu ka widi gogu gu kimfumu ye kabakisi go ku, satana wisidi ye kutuedi mana ma kunama muna ntim'ani: yo muntu yi yani u ntambula n'kuna mu nzila-nzila. ²⁰ Yu u ntala n'kuna muna bi fulu bi matadi, yi yani ta wa gogu ye tambuedi muna ntangu ya yina ye kiesi; ²¹ Kansi kenina ye miansi ko mu yani ki beni, kondedi lutatumona, ye, muntangu ntontolu zisidi go n'kumusu muki kuma ki gogu, bakidi kinsunsa ki ku bua ²² Yu u ntambula n'kuna ga kati ki nsendi, yi yani. u wa gogu, kansi nzatu yi nza mu yani ye nzatu yi mvilu zi ta fietikisa gogu gogo, ye ka gu ta gana bundu ko. ²³ Yu u ntambula n'kuna gana ntotu gu mboti, yi yani gu wa gogu ye bakisi wau; butidi bundu, ye keni mosi yi gana nkama, yi nkaka makuma sambanu, yi nkaka makuma tatu. ²⁴ U ba yikila ki ngana ki nkaka, ye gogedi: Kimfumu ki mazulu kina ki fuanana ku muntu mosi gu n'kuna nkuna gu mboti muna ya di'ani. ²⁵ Kansi, muntangu bantu bakedi tonsanga, mbeni'ani wisidi, gu kuna nkeni yi mbi gana kati ki blé, ye gu yenda. ²⁶ Muntangu m'futa gu mena ye gu gana bundu, nkeni mbi yi monika diaka. ²⁷ Bisadi bi n'longi gu nzo besedi muku n'tela: Mfumu, ku kuna nkeni yi mboti mu ya di'aku kue? kueyi buna yi tukidi nkeni mbi? ²⁸ gu ba vutuluedi: yi mbeni gu gengi buna. Ye bisadi bi zayisa; keti zoledi tuenda tu vusa yau? ²⁹ Nkatu, zayisi, muku vusa nkeni mbi, ka lu katula ko mu nkumbu mosi blé. ³⁰ Lu yambula bi menina ku mosi kina ye ki nkaka na te ye kuna ngionsika, ye mu nsungi yi ngionsokolo, si yi zayisa ba gedi: lu vusa nteti nkeni yi mbi, lu kanga yau mu mi n'kuta mukusa ba yoka yau, kansi lu nona blé muna sansa. ³¹ Gu ba yikila kingana ki nkaka, ye gogedi: Kimfumu ki ma zulu kina kimfuanana mu nkeni yi seneve yina muntu ka baka ye ka kuna muna ya di'ani. ³² yina yi nduelu kibeni mu nkeni zakulu; kansi, muntangu yi yala, yina yi neni kibeni kulutila ma titi ye yi kumini nti, mu mpilla yina nde nuni zi zulu zi sidi muku zingila muna mbata zani. ³³ Gu ba zayisi kio kingana ki nkaka: Kimfumu ki ma zulu kina ki mfuaneni mu kisi gu funisanga mampa wuna muana nkentu ka baka ye ka tula mu bi teselo bi tatu bi fadina, na te ye kuna potu-potu diakulu di funini. ³⁴ Yesu zayisi ku kibuka mo mambu makulu mi bingana, ye ka gogila kio diaku ku konda kingana, ³⁵ mpasi nde ma lungana mana masamunua ku Bikudi: si yi zibula nu'amu mu bi ngana, si yi samuna mambu masuama tuka nsemono yi nza. ³⁶ Buna gu vutula kibuka, ye gu kota muna nzo. N'longo mi'ani ba finama ku yani, ye ba zayisi: gu tu bangudila kingana ki nkeni mbi mu sodi. ³⁷ vutuedi: yu nkunini nkeni mboti, i muana Muntu; ³⁸ ya, i nza; nkeni mboti, bena bana ba kimfumu; nkeni yi mbi, bena bana ba nkadi mpemba; ³⁹ mbeni yu gu kuna, i satana; ngionsokolo, i sukula nza; ba yonsiki, i ba mbasi ⁴⁰ Nkolo, bonso ba ta vusa nkeni yi mbi ye bu batedi ku tiya, si bu kala ku mosi mu nsukula yi nza. ⁴¹ Muana Muntu si ka fidisa mbasi zani, ba si ba vusa mu Kimfumu kiani kakumusu zakulu ye bo ba ganga masumu. ⁴² Ye si ba ba geta mu bulu di tiya tu lemanga, kuna si ku kala bi dilu ye nkuetoso zi meno. ⁴³ Buna ba lunungu si sema bonso ntangu muna Kimfumu ki tat'au. Yambula yu wuna ye makutu maku wa ka wa. ⁴⁴ Kimfumu ki ma zulu kina diaka ki mfuanana mu kimvuama kisuama muna ya. Muntu yu mueni kiau suekedi kio; ye muna kiesi kiani, we teka biankulu bika vuidi, ye sumbidi dio ya. ⁴⁵ Kimfumu ki mazulu ki mfuaneni diaka ku n'kiti yu ta sosa n'sanga mi ntalu mi mboti. ⁴⁶ gu mona n'sangu u ntalu ngolo; ye gu yenda muku teka biakulu bika mvua, ye gu somba wau. ⁴⁷ Kimfumu ki mazulu kina diaka ki mfuanana ye nkondi ba geta muna m'bu ye kutidi bisi zi masa zi mpila zakulu. ⁴⁸ Muntangu di fuluka, mi mpakudi mi mbisi ba goledi diau; ye, kunima bu ba fonga muna kuma, ba tudidi muna bi ntunga ki kina ki mboti, ye ba getidi ki kina ki mbi. ⁴⁹ Si bu kala ku mosimuna nsuka nza. Ba mbasi si besi gambasa ba mbi ye ba lu lungu, ⁵⁰ ye si ba ba geta muna di bulu di tiya tu lemanga, kuna si ku kala bi dilu ye n'kuetoso mi meno. ⁵¹ Lu bakisi mambu mo makulu? inga, ba'n vutudila. ⁵² ye gu ba tela: i mudiambudina, konso n'sonoki gu nlongaka mu mo matadi Kimfumu ki mazulu wuna gu mfuanana ku n'longi gu nzo yu gu bakanga kimvuama kiani ki bima bi mpa ye bi mbima bi n'kulu. ⁵³ Muntangu Yesu ka manisa bingana, Gu katuka ku la. ⁵⁴ Bu ka yenda muna kin'zuinga kiala, gu n'longedingi muna nzo yi bi sambu, mu mpila yina nde ba ba m'widingi ba yituka ye ba goga: kue zi tukididi zo nduenga ye bio bi mangue? ⁵⁵ keti ka yani ko Muana Salampanti? keti ka Maliya ku wuna ndudi'ani? Yakobi, Yosefu, Simoni ye Yunda, ka bana ba mpangi beni kue? ⁵⁶ ye ba mpangi bani ba ba kentu bakulu ka bena gakati ki betu kue? kue ka bakidi buna mambu mo makulu? ⁵⁷ Ye gu kala ku bau n'tesisi sakuba. Kansi Yesu u ba zayisi: Mbikudi wuna gu vuezuka kaka muna kin'zuinga ki'ani ye muna nzo'ani. ⁵⁸ Ye ka ganga bimangu bi mbidiko gana kifulu kina, mudiambudi ntima miau mi kangama.