¹ Yesu ubatela diaka mu bingana: ² "kimfumu ki mazulu ki fuaneni bonso ntinu mosi uyidika nkinsi longu u mwanani. ³ Yani ufila bisadi biani benda ba bokila ba batumusua ku n'kinsi longu kansi bawu ka ba zola kuisaku. ⁴ Ntiniu ufila diaka kisadi kinkanka uta:" luzayisa ku bawu babokilua:" momu ngidikidi madia manu ngombi zamu zi ba kento ye zi makoku zina ye mafuta zi ngondolu ye bima biakulu bi lunga bina. Luisa ku nkinsi longo." ⁵ kansi bantu bana ka ba landa moku, bawu ba yenda yu mosi kuna sodi diani yu unkaka mambu mani. ⁶ Ba ba sala ba baka bisadi bi ntinu, ba bazuba ye bagonda. ⁷ Ntinu wu bakama ngansi, yandi ufila bi nwani biani benda ba n'gondi bana ye yoka mbasa zau. ⁸ Ku nma yani uta ku bisadi biani:" madia balembi mu diambu di longu, mena kansi ba bakokulu ka bena ba fuana ku mu kudia mo. ⁹ Buna luenda muna mpambu zi nzila ye lubokila bantu bakulu beesa muna nkinsi longu. ¹⁰ Bisadi ba yenda mu zi nzila ye bakutakasa bantu bakulu ba mona ba ba mbi ye ba bamboti. Buna, suki di nkinsi longo diteba ku bawu babokulua. ¹¹ Kansi ntinu bu ka kota mu ku tala ba kabokila yani umona muntu mosi bakala ye nvwatu mi kinsiku. ¹² Ntinu uyufula: "kundi bwe kotedi mumu kondu mvuatu mi nkinsi?" ye muntu yoyo kagana mvutu ko. ¹³ Buna, ntinu uzayisa ku bisadi biani:" lunkanga moku ye malu ma muntu yoyu ye lutuba kuna nzila kuna mpimpa kuna si ku kala bidilu ye nkwetosu menu. ¹⁴ Kadi ba mbidi ba bokulua kansi ba fioti bena ba solua." ¹⁵ Buna ba mfuadisi ba yenda mu yidika bweyi bena bakila yesu mu n'gogu yani mosi. ¹⁶ Bawu ba fila ku yani minlongoki miayu ku mosi ye bantu ba elodi bawu bata ku yesu:" longi, betu tu zeyi nde ngeyi kiedika utanga ye ulonganga nzila zi nzambi mu kiedika. Ngeyi ku ta kanga kifu ki muntu kuyu usalanga nsuasaniko ga kati ki bantu. ¹⁷ Buna ututela bwe uta yindula?: Keti bwena bufuana mu ku futa mpaku ku kayisala kani vo nkatu?" ¹⁸ kansi yesu bukazaya mbi zawu ye wubatela:" bankua mesu kunsi lukaya! munki diambu luta kuntontila? ¹⁹ Lunsonga kisengu ki mpaku." bawu ba nsonga deniya bi mosi. ²⁰ Yesu wubateledi: «kifuanusu kioki kinani ye nkumbu yoyu?» ²¹ Bawu banteledi: «Bikayisala». Buna Yesu wubatela: «buna lugana bima bi Kayisala ku kayisala ye ku Nzambi bima biena ku Nzambi.» ²² Mu ntangu bawa buan, bawu bayituka. kunima bawu na nsisa ya bayenda. ²³ Muna kilumbu kina, ndambu yi basaduki basamunanga nde kakuena ya mfutumuka ku. Bayisa kuyandi. Bawu bayufula: ²⁴ «Nlongi, Mose bu kata:" go muntu fuidi kondu ku muana, mpangi andi wu yakala si kakuela nkentu yu kasisidi mu kubuta yandi bana." ²⁵ gakala ya bampangi nsaambuadi. Yu unteti ukuela ye ufua kondu ku muana. Yani usisa nkentu ani ku mpangi ani. ²⁶ Kunima, mpangi yu uzodi ufua diaka; kunima yu utatu na teye kuna nsambuadi. ²⁷ Kunima bau, nkentu diaka ufua. ²⁸ Bubu ututela ngeyi, mu ntangu lufutumukulu, nkentu nani sikakala yani kubampangi nsambuadi, kadi bakulu bankuela? ²⁹ Kansi Yesu ubagana mvutu ya uta: Munzimbakani luna benu, mudiambu kaluta zaya masonukua ku, kani lendu ki Nzambi. ³⁰ Kadi mu mfutumuka, kabakuela diaka ku ye kasi bafila diaka muntu ku longu ku. Kansi, si bukala bonsu mbasui ku zulu. ³¹ Kansi mu mambu matadidid mfutumuka yi baafua, keti benu kalutanga ku mama lutela Nzambi: ³² "Mono ngiena Nzambi ya Abalayami, Nzambi ya Izaki, ye Nzambi ya Yakobi?" Nzami kena Nzambi yi bantu bafua ku, kansi Nzmbi yi bantu beno moyo.» ³³ Mu ntangu ndonga bantu bawa mana, bawu bayiituka mu ndongolu zani. ³⁴ Mu ntangu ba falisi bawa nde Yesu ukanga nua mi basaduki, bawu ba kutakana. ³⁵ Umosi mu bawu, dokutolu di minsiku, uyufula kiufu mpasi kabaka: ³⁶ «Nlongi, nki nsiku ulutidi mu buneni mu minsiku?» ³⁷ Yesu umvutudila: «"Zola Mfumu Nzambi aku mu ntima aku wakulu, mumuela aku wakulu a mu ngindu zaku zakulu." ³⁸ Wowu wena uneni yaa nsikudusu yinteti. ³⁹ Ye nsikudusu yi zodi yawu yi fuaneni:"Zola mfinangani aku bonsu ukizolanga nge mosi." ⁴⁰ Mu nsikudusu zo zazodi muena nsiku miakulu ya mimbikudi.» ⁴¹ Bukikala nde ba falisi bakulu bakal gana, Yesu uba yufula. ⁴² Yani uta: «Bueyi luyindulanga benu mu Klistu?» Muana unani kena?» Buwu ba ntela: «Muana Davidi.» ⁴³ Yesu uba tela: «Buna buey Daviidi, ubakama ku Mpefi, uta kumbokidila Mfumu": Mu ntangu kata ta: " ⁴⁴ Mfumu uta ku Mfumu amu:" Vuanda ngeyi kukoku kuamu ku kitata, nateye kuna sikyikumisina mbeni zaku kunsi malu maku."?» ⁴⁵ Go Davidi ta bokila Klisto, "Mfumu", bueyi yani kafueti kadila muana Davidi?» ⁴⁶ Ka muntu ku ukala ya ngolu mukutela kani gogu umosi. Ye tuka kilumbu kina, kamuntu diaka ku ulenda mukuyufula diambu.