¹ Muna ntangu yina, elodi yandi uwa mambu ma yesu. ² Yandi uzayisa ku bisadi biani:" yani yi yowani mbotiki, wu futumukini mu bafwa. Yi dina lulendu lutasadila mu yani." ³ Mu nkala elodi ukanga yawani, wu kanga n'singa, ye utula mu boloku mu diambu di elodiya nkrntu mpangi ani filipu. ⁴ Kadi yowani untela:" ngeyi kwena ye luve ku landila nsiku mu ku baka yani bonsu nkentu aku. " ⁵ Elodi uzola ka gonda, kansi ukesi tinanga bantu, kadi bawu ba kesi ku mbakanga bonsu mbikudi. ⁶ Kansi lumbu ki nkinsi mbutukulu Elodi bu ki fwana, mwana unkentu wu Elodia wu kina ga kati ki bantu ba kala gana ye Elodi uyangalalal. ⁷ Bonsu mvutu, yani wu sila ye udia ndefi, mugana biakulu bina si ka lomba. ⁸ Ku nima bu ka baka ngindu ku ngudi'ani, yani uta:" ungana bubu, galonga ntu u yowani mbotiki." ⁹ Ntinu utoma mona kadi mu ndombolu zani, kansi mi =u diambu di ndefi yi ka dia, ye mudiambu di bakulu babakala gana mu kudia ye yani, yani tuma mpasi mana mavangama. ¹⁰ Yani utuma nde bznd mu kuzenga ntu yowani muna boloku. ¹¹ Ye ntu yowani wunatwa ga longa ye ugana go ku mwana nkentu yu unata wo ku ngudi ani. Ku nima, minlongoki miani miyisa, ba baka nitu ye bazika yo. ¹² Ku nima mana makulu, bawu ba yenda ye bazayisa Yesu. ¹³ Mu ntangu yesu kawa mo, yani ukatuka gana, mu n'lungu mu kwenda ku fulu ki kinsweki. Mu ntangu bantu ba wa mo bantu ba tuka mu zi mbansa ba landa mu malu. ¹⁴ Ye yesu utuka ga kayi ki bawu ye umona ndonga mbidi yi bantu. Yani umona kiadi mu diambu di bawu ye wu belusa bimbefu biawu. ¹⁵ Nkokila bu yikuma, minlongoki miyisa ku yani ye ba tela:" nki ki fulu nsi yinkatu ye kuna kuyididi. Vutula ndonga bantu musande benda mu magata mukusumba madia." ¹⁶ Kansi yesu ubatela:"bawu ka bena ye mfunu mu kwenda ku. Lu ba gana benu mosi ndambu bima yi ku dia." ¹⁷ Bawu ba ta ku yani:" kansi beto kima kiena ye yeto gaga mampa ma tanu kaka ye mbisi zodi zi masa." ¹⁸ ye wu tedi: lundatina bio." ¹⁹ yesu wuta ku ndonga bantu ba vuanda ga masinda. Yani wubaka mampa matanu ye mbisi zodi zi masa. buka zangula mesu mani kuzulu, usakumuna mampa ye uzengununa mo ye ugana mo ku ban'longoki bawu ba kaba mo mu n'longa bantu. ²⁰ Bakulu ba dia ye ba yukuta ku nima ba nata mampa ma sala bitunga kumi ye biole bi teba. ²¹ Ba ba dia ba kala kitesu ki mafunda ma tanu ma bakala, kondu ko tanga ba kentu ye bana. ²² Muna ntangu yina ku nima yani umatisa minlongoki mi n'lungu mpasi bawu ba tekila ku simu di nkaka mu ntangu yani mosi ka singika ndonga bantu. ²³ Ku nima bu ka sindika ndonga bantu yani utombuka yani mosi kuna mongo mu ku sambila mu ntangu nkokila yi kuma, yani ukala kuna yani mosi. ²⁴ Kansi masuwa ga kati ki mbu ka yi lendi kesi ku kwenda ku mu diambu di mupepi kadi mupepi ukesi tukanga ku lweka lunkaka. ²⁵ Mu mbela ntangu yayi yi mpimpa, yesu ufinama kuna kukala bawu mu diata mambu. ²⁶ mu ntangu bonlongoki ba mona ka diata ga ntandu masa, bawu ba mona bunkuta ye ba goga: "tebu diodio", ye ba kaya mu diambu di bunkuta. ²⁷ kansi yesu ubagogisa muna ntangu yina ye ubatela:" lukala ye kikesa monu yoyu! ka lukala ye bunkutaku." ²⁸ Petelu tedi ku yani ye ugoga:" mfumu, go ngeyi untuma ngisa kuna kwena ngeyi mu ku diata ga ntandu masa." ²⁹ Yesu tedi:" Nza wisa!" Buna, petelu utuka mu masuwa ye udiata ga ntandu masa mu kuenda kuna ndambu ku kala yesu. ³⁰ Kansi mu ntangu petelo ka mona mupepi yani umona bunkuta. Bu ka yantika mu ku dimuka mu masa, yani ukaya:"mfumu, unvukisa!" ³¹ Muna ntangu yina yesu ulambula koku kwani ye ubaka petelo ye untela:"muntu wu minu ki ndwelu mu nki diambu sididi mpaka?" ³² Ye mu ntangu yesu ye petelu ba mata mu masuwa mupepi uyambula mu ku pepila. ³³ Buna ba n'longoki ba kala mu masuwa ba yantika mu sambila yesu ye ba goga:"mu kiedika ngeyi wena mwana nzambi!" ³⁴ Mu ntangu ba sabuka ba kuma kuna simu di ngenesaleti. ³⁵ Mu ntangu bantu ba kuna ba zaya nde yesu, bawu ba fidisa nsanggu kwakulu mu nsi kala gana ndambu yina ye bawu ba nata ku yani yonsu mutu ukala ye kimbefu. ³⁶ Bawu ba kesi bombidilanga ku zimbefu mpasi ba simba kani nsingi kinkutu kiani, ye bakulu ba simba bio ba beluka.