¹ Konjingise mono n'kpa bojede n'owe kobike mono koba ka ntuaa ngongo ² nga kindo obisia nowe obande nobe ne. ³ Ekende oonjia na butwa ome kiswa a munamaku, nokuita nde asubi iso ako? ⁴ Otoki n'ogi ka munamako, bondea nakophe butukuande akiswako, bu ghutuka, e asubi iso ako, ⁵ owe ntoa mbea; mosaghoa nde akiso ako aunge otoka nde ona anja kpoa a gbutuka a me nde a subi nwoako.

⁶ Kobophe mono ba mbwa iisi takatifu, na kosikisie bangea bondo mosa abo, ngbobaujande na deteagayi ne echinji, goto beketionande kuwena takuako gbutuka-gbutuka ⁷ Mema n'owe atotokisande. Kaba n'owe obande ne bondoa endu bako bukuyande. ⁸ Kabubuake mbe akondi sombea, na bubuake mbe aobetu iso endu bambukuyiande.

⁹ Koma kampheanu mbe, aoba enake namemi gbutuka bondo abaomopha etae? ¹⁰ Toba namema suu na ye amophande anja? ¹¹ Kabo, auba benu ibunde bakpwa ajede bouba koba anaphane kemonjia bundo baomema je?

¹² Kanyongo nde okondi bagee bubu kabyongo ako, nowe phande amonde kanyongo a bangu. Kagya ndo boabin ndae bame.

¹³ Ngiodi ka nyena kaphe obede. Kaghea aphe aokodokana aogesa na bojede, na bakpa nasi bunde baonyena kwaphe ndo. ¹⁴ Aphe obebe, ophe abebe aogesa kafe aonda baboa baunge batoki na baoni.

¹⁵ Bakota na baotu nyongoa mbea, babiki na baoli nkekta a nkondoo, ande domi ande oogbo akae. ¹⁶ Kambuka ndebo bobuba. Bakpe baenei dungua a mbuka ndebo subya ngenye, ao mee a mbuka a tobe? ¹⁷ Kabo, me anja bubui aobokota mbuka anja, kabe me ajede aobokota mbuka ajede. ¹⁸ Mbe anjanja katoki nabokoti mbuka ajede aobokota mbuka ajede, na mee ajedekatoki na botoki mbuka anja. ¹⁹ Me bhubhui nde naobokota mbuka anja bayaonde na makayi ka nsa. ²⁰ Ndo gake, odigimosa ka tikana na mbukayi.

²¹ Na n'kpa buake mbe aomoghea eme, moko moo; aambe angiande ka kokota ana koba, ansde mbo aogea ekondi ndea abe. ²² Bakpa basi bamongodea nde esa ndo, “Moko moko baketokpoi otoannyongao ki inako, na beba angisi ba kema adjede na ki inako? ²³ Tungo nengodeande mpomo, kedonogigimisi benu! Tokani motemo, benu batwa bojede!

²⁴ Kabo, n'kpa moti mbe aoka nyongo nemo na phonga abaiba bya n'kpa utapha opheki ndobo ndeke ghua mamba. ²⁵ Mbua abaoka, itembo aobika, maifiano abaobika abaobeta endu ndo, kadotoki nagu kaado, nga batapheki guu etae. ²⁶ Ande mbe aoka nyongo nemo, nana obisa abande bea n'kpa mbobo mbe apheti endu ndeke guu a mbwame. ²⁷ Mbua abaobika, itembo abaobika, na maiphiano aobika na beta endundu. Na abaogua, na ujukanai abagkena” ²⁸ Kadua buu Yesu agobi nyenyaa a nyongo nde, madondano bataotanya aga na egoisigi ndeke. ²⁹ Kagea nga egoisigi ntoa basaga, nana bya ndundugi ndebo.