¹ Yesu egotende goete gebea mpo yo leta mbale ye loye aa goete mbau yande. ² la letaa betoele nde ge Getshutshu bgemoa elale gotshe gelalo. Yesu, ana huwimya bwabo, geoho aabea getshutshu: Ngaa bohia, bona gai, Basuma bago baalimbisamelae.

³ Goliolo li gi, liemba libakomeli bepangende oselenga mwete yabo: Boto ogaabona. ⁴ La yesu, elubende bagelegi babe goete betemajiino? ⁵ laa, giengae gelo goete, goselenga: age emalaa, la endaa. ⁶ Indje, Lubei mboo bona gaboto, engaee abokondji gonele yolimbisia basumuu: age emala, Aabea getshutshu, osa gelalo geago la teambisa gombele yango. ⁷ La eemalande, la eende gombele yande. ⁸ Gee geene liemba galo, Baya lanele nde la bogasa, La bemimie nde Mungu, agaa pa bokondji bogi a Baito.

⁹ Goete go, ahoo aege gola, Yesu, Aena golome omoa engaese goliolo limboloo ye bwato, la etame a lina Matayo. aabegisia ge: Lingolei. Golome gaho aemba, la aalingola ge. ¹⁰ Ogi ambe yesu gotshe mesa goete mbelee, Letaa, Bakondji baiye bo baaya, Baangaa gesee gemoa la yesu la baetani bande.

¹¹ Bafalisai bo baena galo, Boobaaselenga a baetani bande: Mpo yegi boekesi bwino engaee mola gesee gemoa abafutisa pako la baito ba basumu?

¹² Mwa owe yesu, Aabea: Motshimbo obatshia bengaee a beale bo nde bangae mosila benganga, onji baito ba biale. ¹³ Teei, la gelegiei mwa bea magi: yelembe la botema bo nganji, Latshi likabo. mpo ye mbo iti yee goota baito balo, ye yeende mpo ye baito babe.

¹⁴ Ago galo, Baetani ba yoani baya go ngonge yesu, labaabea: Mpo ye gi esu laa bafalisai tongae moete oila, Inje baeani bago batshi moila?

¹⁵ Yesu aaeseela bo mbisa: Bambogo ba bolome ga libala bekoka nde golela bolome ga libala mogee ogengaee geaho? Losigo bwa yoya bolome ga libala... nde abo, galo ogailabo bia.

¹⁶ Boto laamoa apasole gesege getshubu ye sika go liolo litshubu ye kala, mpo yembo molutana nde, la pota eeetelande olene. ¹⁷ Batshimo bwanya bangana ba sika, laa bangana bakala; A gelenge giaina, bolangi bondegande, Bagana bebelegandese bolangi bosegamande. lambo bebela nde bagana basika goete boalangi bosika, la mogotshubu mwele mobatelamande lolo.

¹⁸ Injembo aabegisiabo baaho, letaa, bokondji bomoa aiga, aayelagesi gopelo yande, la gioho, aabea: Bona gai ogali emega ongba, inje yoo, telaage baago, mpi euha nde. ¹⁹ Yesu eemalende, laa baetani bande belingoe nde ge. ²⁰ Laa lete, ogali omoa otola bwale bo nena baila tee bilanga liu laabiele osungana mbisa, la obunda go ngonga dje tchulu djande.

²¹ Indi geangene ebende mboo: Indi djebunda mboo tchulu djande, Emi djee uha nde.

²² Yesu akigoga, laa abea, laa oena ge: Udjanga ngudja, Biosea gai, kondima djago a uhicha age. laa ogali oho euhe nde oagwo ge.

²³ Ge geige Yesu gombele dje bokondji, laa bene nde batobi bo litimbaa la gage baito bee ngenge nde. ²⁴ A begisha bo: Otogei, pwembo bona ogali eembgite, kasi ende poota. La betolimende ande. ²⁵ Gee gembee baito monena, A gota, uadja bago bo bona ogali, la bona ogali eemalee nde. ²⁶ Losele lopandogende bisee bitshubu

²⁷ Gee gembeege moa go, Yesu eligolameende a baito baele ba mbgee baiso, bee hamoo gende: Owa ngandi pe djiso, bona ga tawiti! ²⁸ Gee geige gee goo mbele, baito balimege baiso beseganende gongoee ande, la Yesu abea aabo: Bwimidi mboo dje gelanande oela mo? Eee, Iongiaongia, baeshelage mbisa.

²⁹ Aho aabunda baiso bahoo, obea: Moelamelenu aa geelenge gwimidja gino. ³⁰ La baiso blipoga boo. Yesu apee ndebo lio ligwa lihia: Mibateli boto atsho luba, ³¹ Gambo aho gwa mbeebo monena, be pandolende mbol djande gwete huma tshubu

³² Angalagwa mbe bo moa, Ago, bee toelende yesuboto ga bolimo bobee gangae fefe. ³³ Engala gwabitshamee djabulu, Fefe aselenga la liemba betolimende: Ata gelenge ge Mbeo gwe geonegite go isalaele!”

³⁴ Ago ba falisai bebea: “Mongae pwe bona bokondji boba djabulu abitshe ba djabulu.”

³⁵ Yesu eende mbau totshubu la mootoula, Alaesaa gwete sinagoge, otea mboli iloo dji bokondji, La eitshende biale betshubu la bitutu bitshubu. ³⁶ Oena liemba, beetiele nde moo teboga pwebo, pwaembo beepandoge nde la otobama, ambopaatee oitsha bokengeli. ³⁷ Momo abea a baetani bande: Gelanga gengae gelene, kasi baito ba ligwa bati baidje. ³⁸ Bondelei pwe ngene ga gelanga atome baito ba ligwa gwete gelanga giande.