¹ Gombisa sabata, anongo ye bwina bo li moa bo posho, Malia ba Mangandala la obai Malia baa gooleta Baili. ² La letei, Nele dje bilimende lo hia; Poa yembo Moanje bomoa bo Ngene esuluge nde go Lola, ailitsha litale la angaase go liolo. ³ Gelenge geande bembe nde ambo kaki, la Tulu chance boelu pee. ⁴ Bekengeli bebilimende abogasa, la baiga ambo Beligo.

⁵ Alo Mwanje aosa liogi, la abea la Bagali: Poayenu, ingobangi; Po yelubembo Boende sili Yesu oga loebo mo ge kulusu. ⁶ Atialeane; afufuga, galo abege. djoi letei gesee ogepote ge.

⁷ La tei saga bobegisei Baetani bande ambo afufuga mo logoo. la letei, endea pelo go galilai: gonda ngoenenu be. letei ya begisenu.

⁸ Baotoga saga bongonga ye kinda, abogasa la gae sai, la baa mango goo paa mboli goangae Baetani. ⁹ La letei, Yesu as guudjana abo, la abea: mbote yaino, basugana Mbo babunde baolo bande, la badjase go pelo djande. ¹⁰ Abalo Yesu abegisabo Mbo: ndongai abogasa; taa begisei bandeko bai badge go Galilai: Gondangoena beenei.

¹¹ Ageleko agembebo mondole, ndambo ye Baito moete obambe mokengela bagota goete mbau, batamboli imoatangamelo go pelo be Kondi be Ba Kanga Imungu. ¹² Mogombiudjana a tonino la ogota iumbe, bapaa Bakengeli ba Baili bauta baiye, ¹³ La obea: Bei Mbo Baetani bande bayaa lotigo goo Iba ge, inde tongae mo ilo. ¹⁴ La Guvernere elubambo loo loaho, Mbo aese botemase ambo botoudji looso. ¹⁵ Basoda Baosa bauta, la batonga galo and bebea abo. lamboli ya enda goete Ba Yuda, tee o la buina.

¹⁶ Baetani Liu la Baele baa go Galilai, gotie ngolo oya begisei Yesu abegisabo. ¹⁷ Geleko ogenebo be, bafoa baluisee go felo yande. kasi ndambo djei bembende atembe. ¹⁸ Yesu asugana goangaebo abegisabo gai: Bokondji botubu bwa paamelei go Lola la go Nele, ¹⁹ Tei, boigisei mobei betubu Baetani, olifiabo, Alina li Ise, la bona la Boende boelu, ²⁰ La olaisabo balube otosa mbeo aibegise ye begisenu, la letei, yengae ino bekolo betubu, tee suka dje ge Huma.