¹ Galo gae yesu, anena go tepelo, Baetani bande besunganende pwe djo letshage mbele. ² Kasi abea abo: bwendeni momotshubu? djende beeisenu loongene, Lilaangali ooli mbo moti pkese.

³ Engaendese gotshe ngolo dje olive. La baetani besungaenende boobangene gongoe djande gotshundja gee motuna bwe: Beisse suu, Geeinandji geaodjoee, laa gani adjonga ilembegidjo djo nga bwago laa goliolo li huma?

⁴ Yesu aeselabo mbisa: keebei mbo boto atsho limiseenu. ⁵ Pwe baaidje beedjaande a lina liaai, Obeambo: Emi nde angae kilisito. Laa beepengwisande baito baidje. ⁶ boindi loolusaa lo gimo la losele lo gimo: Bingongai a bogasa, pwe te djo mbeo djigee. Kasi moopangaite mbala djaina suka. ⁷ Gekolo geemaelande bokondji obwii, laa mongande, bisee bitshubu, tosige la omotshama bo nele. ⁸ Momotshubu mongaande geepaangelo ge bolondji.

⁹ Ooho bekandenu a bolondji, laa belwendenu, la bikolo bitshubu beoewendenu obee, Gotshunge lina liaii. ¹⁰ Galo baidje betobaande tobau, bedjaande, beoanande obee bo bangene. ¹¹ Basakoli baidjee obabee be nenande, la be peengwisande baito baidje. ¹² La, pwembo lilefoli li bobeko bongaande a pioo. ¹³ Kasi ogadjoanda botema te go lio enenande. ¹⁴ Djee mboli ilo dji bokondji mobeamande gwete huma tshubu, pwe djopa litatoli a bikolo bitshubu. oho suka edjaande.

¹⁵ “Momo, oho gaadjeenenu ndelo mwapaa, mwemaale gesee gesatu, ogadjoo tanga ndele keba! ¹⁶ Galo, sidjaa obadjongaa go yudea baakime go ngolo; ¹⁷ Ogadjongaa goliolo li losambo atsho suluga pwe djudjaa mwangae gwete mbele djaande; ¹⁸ lambo ogadjongaa gwete gelanga atsho djambisa pwe djoosa tshulu djande eeliolo. ¹⁹ Ngandi pwe bogali obadjongaa baaemi pe a obadjoo loomisa losigo lwaho! ²⁰ Mbondelei pwembo okimabwino botshongaage ge piyoo, too losigo lo sabata. ²¹ Pwe geegwo, boolondji mwasoelama gaai tee gwatiambo mwasoelama ndaete. ²² Laa, soko sigo djaho djitimbe djigbeee, booto laa omoa apuhee; kasi, gotshugee baabinaami, sigooodjo djingaande djigbee.

²³ Soko boto omoa ebeaino mbo: kilisito engae aane, Too: Eengaee gote, bingoimidji. ²⁴ Pwe baa kiisito baa bwela la baasakoli ba bwela benenande, beelande mbeo djilene la bikamwiseli, pwe djo peengwisa, Mogelanambo, Aata baabinami. ²⁵ Leti, djaakebiselenu pelo. ²⁶ soko bebeambo aino: Leti, Eengae gwete lisobee, bingoi, leti, Eengae gwete bisege bi mbele, bingwimidji. ²⁷ Pwe, Gelenge gea mikalikali gwe nenela liso li bwina laa ongenga te gwe potaa isi, odja bo bona ga boto moongaande galo. ²⁸ Gesee gengae geebembe, djou djisaanganande goo.

²⁹ “Kasi gombise bekolo looso, looha loongaande pwui, songe apa peitale loosoose, tosweswe topkandese, la oohia bo liolo bo motshamande. ³⁰ Aaho gelembo ge bona ga boto genenande gwete mapata, babota batshubu banenele bengaande a geleli, la beenndee boona ga boto odja gotshe mapata a nyuyaa la kembo bolene. ³¹ Etomande mweandje beaande aa loseba loo lokito, la totshela tonei tee lioo li liolo tee go lioo.

³² “Udjei liteya liemo ikoo dji figi age ginya betibeemoo oiga belembu belembu, peemboo kasi djeende nena, lubeimbo geesoge geaiga bagu. ³³ Gelenge gemoa, ge geadjo neenu mbeo djee djitshubu, lubimbo bona ga boto engaa baagu, mo bomee. ³⁴ Djeende beisenu mo loongene, losasa lwe loopeete, soko mbeo djitshubu djee itshigee. ³⁵ Loola laa nele ietande, kasi baog baai bopaete lodjea.

³⁶ Aa mwe mwalete bokolo la gee, boto laa omoaa aatimoluba, et meandje bee loola la bona, kasi tata geangene. ³⁷ Mwaige aa gee genoowa mwingande gelenge gemoa gwaodja bona ga boto. ³⁸ Pwe, bembende aa bwelala mwete sigoo ipelo, Baito belende laa beemwende, osonga la osongisa baana babo, tee losigo alogote Nowa gwete masuwa; ³⁹ Laa baati tee geelikwa laadjea, tee galo gaadjee bwela laa obwega botshubu: Odja bo bona ga boto mongaande galo. ⁴⁰ Aa galo, Baaito baele obaadjongaa gwete gelanga, omoa eudjamande laa ogoi etialande; ⁴¹ Bogali baele obadjoongaa gwete gelanga, omoa eudjamande laa ogoi eetialande; ⁴² Mongaambo gaalo mikengelei, pwembo boti molubi losigo lwaodjaa IOngia ongia djino. ⁴³ Lubei lolwe loo, soko ngeneambele eelubende aa okengela bwina dji bo lotigo boto gabwina edjaande, Aandi ati pote ilo laa andi atisidjeele ambo babukee mbele, mi leengelei, pwe bona ga boto edjaande aa gee getshiambo bokanisi.

⁴⁵ “Gjangae bosali bo loongene la djebweli, ono ngeneande eselege ga liolo li baito, pwe djo paboo bia ge gelanalo? ⁴⁶ Olo boo baaho, soko ngeneande, Gwadjuigage, aitshege eendelaa gaalo! ⁴⁷ Djende beisenu molooongene, Eeseelandege pelo dje bia biande bitshubu. ⁴⁸ Kasi, soko mongaambo bosali bo matata geende ai ende bito, ⁴⁹ Pee oga panga gee otoba baninga bande oga gee laa omwa bwa boolepu bee baagana, ⁵⁰ Ngene eebaasali bo edjaande losigo eluba, ⁵¹ Eendege getumbelo, laa eepande ge lifuti liande gesee gemoa aa baito ba bwela: Aahonda djoo ngaa biileli laa oo geletanya baaino.