¹ Yesu, Goosa liogi, abea laabo liila mbala djasina, ge mbo: ² Bokondji bo lola bongae ambo bokondji abombe la; isano li lisonga li bona gaande. ³ Aatoma basali bande goota baetani go lisano li lisona; kasi bati lembe go dja. ⁴ Aeshela basali baasina, la obeambo: Bei la baetani letei, Dje longanye nde bia; Ngombe djai laa nama djai ai baina dja loa, mbeo yitubu dja gelna, djo go lisano li lisonga. ⁵ Kasi, Ngomba labooha bo atama, bo abaa, ono go gelanga geande, a goi go bembongo biande. ⁶ Baasina obunda basali, baa bona bo, Laa loa bo. ⁷ bokondji esundje nde; Aesha ba sola bande, baa loa baloi ba baito baho, laa ohumba djiula djilene djabo. ⁸ la galo a bea la basali bande; lisano li lisonga lia gelana; kasi a ba etama la bati lembe. ⁹ kei mo baseganelo ba ndole, tee liogi go lisano li lisonga boto botubu a gaaa ngo enu. ¹⁰ Basali baho beende motunge ndole, baa sanganya baito batubu a ba itshe bo, laa ababe laa a balo, la mbele dje lisano li lisonga lie djale nde la baetani. ¹¹ bokondji egote nde po djo ena aba mbe mola bia, Ge aga ena mosisiabo boto omoo agaati bate tulu dje lisano lilisonga. ¹² Aa ea laande: Tomba djai gani a gote ae goni ngomba la tulu dje lisano li lisonga? Boto ogo ati mbe la liongi. ¹³ La galo bokondji a bea la basali, andei ge baago la baolo la ngeletete. ¹⁴ Po Mongale la baetani baidje, kasi babinami bake.

¹⁵ La galo ba falisai beende go iyingi asila gelenge geo ubia yesu la baogi bande a ngene. ¹⁶ Betomende gongale ge baetani bande laa baito ba Elode, Bo mbo: Boekesi, Tolube mbo bongae loongene, la mbo boende etesa ndole dje Iongiaongia mweta dje soolo, Ngoma la booha bo boto, po boti moleta po dje bousu bo baito. ¹⁷ La Begese mbu esu galo a enage. Mokoke, Tombo moti koke, gefuta pako dje kaisala.

¹⁸ Yesu, golubege oili bwago, Aesha mbisa: po dje giangaenu mo tufiei, selenge? ¹⁹ Letshei lofalanga a luta bo la pako. la bo aba letsha ge likuta li moo. ²⁰ Geaga tundja bo: Gelimi gie laa basigi bengae bandi?

²¹ Baisala bo, Bo aba esha mbisa galo. La galo abea laa bo: Fei kaisala mongae mo kaisala, la Iongia ongia mongae mo Iongia ongia tiage, bo a baa.

²³ mokolo mo, baduse, bobo babeambo motshale la otaa liolo, boo bataa gombale yesu la ba tundjage botuna bo. ²⁴ Boekesi, MOSE abea; Mongaambombo boto angba la atshibote, boelo gande esongande bogali gande, la eumogilande obadja gombisa po dje boelo gande. ²⁵ Indimbo mombaande goeta djino baelo a baoli, la geoho angba la gelenge getsha embe a bana, geoho atshia bogali gande a boelo gande. ²⁶ Geoho aela ge ga baele, la ga baseso tee oga sambo. ²⁷ Gombise yabo batubu. ²⁸ Goota liolo, pombo sambo bengalande bogali? poombo bo batubu beugiende ge.

²⁹ Yesu alimbola bo: bongai goeta libunga, po yembo boti molubi ata basigi, atshi la opia bo IONGIAONGIA. ³⁰ Poombo, goeta otaliolo, bolome baositale bogali, atshaambwale bogali osa balome, kasi bengaande ambo baandjelu ba IONGIAONGIA go lola. ³¹ Poeloo, l'ootaliolo boongba botshi tangi mobee IONGIAONGIA braino: ³² Djengaee IONGIAONGIA bo ABALAYAMA, bo ISAKA, la dje YAKOBO? IONGIAONGIA atshi Iongiaongia dje bangbi kasi dje bauhi.

³³ Baito obembe oowage, bobo baasagela la olaisama bo Yesu.

³⁴ Ba Falisai, baowa mbo Yesu aigisa ba saduse go suka, badja goadjala gongaege. ³⁵ Omoa goeta djabo embende obaela mebeko, la eongwende omeka Yesu. Geoho atundjage gai: ³⁶ Molaisi, Mobeko molene oeta mio metshubu?

³⁷ Yesu alimbola: Boenda ngene, IONGIAONGIA djago, goeta botema bwago, goeta boenda bwago la goeta bakanisi bago. ³⁸ Momo engae omo pelo la omolene goeta mebeko metubu la basaoli. ³⁹ La letaa mobeko mo djele, mokokane age: Boembande oganae lago gesee gemoa igia lembage bindo biago age la ngene. ⁴⁰ Mo bebeko bio bieke monde leta bebeko labasaoli.

⁴¹ Ogiangaembo ba falisai biuganende isee imoa, Yesu atundjabo. ⁴² La obea: Bonde kanisi gii poe kilisito? Gee engae bona gandi? bobo baesela ge mbisa mbo engae bona ga DAWIDI, eosande isee djande djoo ngase.

⁴³ Yesu atundjabo mbalasina gelengi inanji boenda bwelu atshi laise Dawidi mbo atee Ngene bokondi bwande? Poyembo Dawidi endemobea galo: ⁴⁴ Ngene abeya la ngene djai: Ngaase gombale djai desee gelo; djetaande abatsha beembage gose baolo bago. ⁴⁵ Mongaambo Dawidi ende motaa Ngene bokondi boai; la galo gelenge inandji Ngene ekoke ongaa bona ga Dawidi, ogaosa too isee djande? ⁴⁶ Boto ata omoa atshikoke ooeselage mbisa. La oetaa bokolomo boto ata omoa atshi koke ale otundjage btuna bo.