¹ Mogeaho gee, baetani bande basugana gombale Yesu, la babea: ndiindi foo ogo engaee oteu goete bokondi bo liolo?

² Yesu, ata bona boke, asela goete abo, ³ Abea: yabea laina moloongene, engala mbo boti kikogi la botingae gianga bana bake, bopagoti goete bokondi bo liolo. ⁴ Po yegalo, agangongala l'oyase giangala ono bona boke engalande boteu goete bokondi boliolo. ⁵ La agango yamba molinaliai bona boke giangala ono, agambei ambale.

⁶ engambo, boto akwesa bona omoa goete bana obendei miliemi, mokokende mbo andame lisisi atamee goete libande. ⁷ “okwesama! pomokokembo okwesama mwigee, langandi gangae boto agango yesa okwesama! ⁸ Mongala mbo yogo yago to iolo anga angala ndole y'okwesage tina djo la taadjo gato, po mongane mbo bogotee goete uha getubu, lambo bongalee la baago baele la batamee goete yimbe iyitimbo molimegandjale. ⁹ Mongala mbo liso liago monga ndole y'okwesae, nyenya lio la taa lio gato gola djago, po mwengane mbo bogotee goete oohuha, la liso limoa, lambo bongale la baiso baele la botamee goete yimbe ye Gehena

¹⁰ Elei keba mbo mweta banabee bake bwendeeni bo bwasi mbo batshi baito, la yabeisenu mbo baandjelu babo goliolo bengae gombale ise gai angae goliolo. ¹¹ Mboyembo bona ga boto eyende go uhesa basile go limega. ¹² Boa gelegi mbo gani? mongala mbo boto engalambo la pate bokama, la omoa goete yabo elimegambo, afatie betu libwa la libwa ayimi gotiengolo po aego sila oma aga limega? ¹³ La euyage, yabegisenu moloongene, epandege osagela oeta ango betu libwa la libwa aiti limege. ¹⁴ La galo ati la olembo bo ise gai agangale go liolo mbo omoa goete bee bana bee alimege.

¹⁵ “Mongalambo bwelogago eela ge lisumu, tea la obegisage obe bwande enu baele. eoage, boauhisa bwelo gago. ¹⁶ kasi atshoeambo age osaa boto omoa to baele, po yembo baogi betee goeta baito baele to basaso abambe ho. ¹⁷ Engalambo efea goabo, selenga mo gombele ye IONGIAONGIA, la efea gombele ye IONGIAONGIA, aho osage giangala bapagano la bokongoli bo pako. ¹⁸ Yabegisenu lomoloongene, itubu aingoandenu goni nele indamande go lola, laingo kumbolenu goni go nele mokumbolamande go lola. ¹⁹ Yabegise alenumbo, mongalambo baele goete yino beona goni nele po y'amba geo ko gema, mofamandebo la ise gai ogangale goliolo. ²⁰ Po yembo gesee agangale baito baele to baseso molina liai, yengala goete abo.”

²¹ La Petelo ogo aya bagu laande, la abea; Ngene, mbala yanga ango negeselemi obe? mongalande mbala bosambale?

²² Yesu abea laande, “itimobegisage mbo mbala bosambale, yende mobegisage mbo betuku bosambale la bosambale. ²³ Po yegalo bokondi bo liolo bongalende ogiangale bokondji bo moa galembegoudja lapolo lo baito ande ba bosala. ²⁴ Mo gee agembegemotanga, bobo bayelage emoa ayekoke koto liu li bioto. ²⁵ Ogiambege mbo ati lagea geofuta, bokondji bwande aho baeambo aendjame ge, bogali gande, bana bande, la bitubu bibe laande, lambo nongo yaande asilee. ²⁶ Botoga bosala, oho akwakwase monele, afaa baloi se gofelo yande, la obea: Ngene, oga lelei la botema bosa, la yefutande nongo yago itubu. ²⁷ Langande, bokondji boono botoga bosala atagese aee, la otafutesage bolima bwande. ²⁸ Gosilege onena, ono botoga bosala auyana la omoa ye batomba bande agambe la nongo yande falanga bokama oyo ho abundage la etage bokoso, la obea; futaa bolima bwai.

²⁹ Mbogo yande, akwase monele, alelelage, l'obea; ngalelemi la botema bosa, layefuta ndjage. ³⁰ La ote atilembe la atolage go bayaka, tee ogiafutege bolima. ³¹ Ba mbogo bande, gaenebo galo, baowa ngandi angandu, la baa gangale bokondji bwabo batelagemboli itubu aiete lo.

³² “Bokondji ata ono betoga bosala liogi, laa ebea lande; botogabo saa ga botema bebe age, iti futeseae bolima bwai, pwayembo bolele ndei. ³³ Botikoke goeta mbogo gago ngandi, gelenge geoi ambo po yago ngandi? ³⁴ La bokondji bwande la gesundja atage mobago ba baito bebe la ogiafutage bolima. ³⁵ la galo ndamotonga ise gai agangale go lola, mongalambo kila omoa gaino atimesegele gande la botema bwande botubu.