¹ Bafalisai la Basadukai beyende gougana la yesu, mpo yootage, batshunjage gombo aenisiebo gelembo gemoa geotoga go liolo.

² yesu asielabo mbisa; liolo boabeimbo; goliolo gongaande golo, mpo yembo goliologongae gwelu, la anongo ³ Moele gee ge nongo tongae a botoo, mpo yemno go liolo gongae gwelu la liima. Enu bwendelubi ogolotanya bilembegiyo bi gee. ⁴ Lisego libe la loteli baatshunja baenisiebo ogemisia bo go liolo, la bapuye geeniselo la gemoa beuyande geeniselo ge yona. Geohoaatshiabo aatotogaho.

⁵ Baetani bandebo baalea goete mbale, bobo baabosala tokuma. ⁶ Yesu oho aabegisiabo; Ngaei la liangee mpo ye bweli bobe bo bafalisai la basadukai.

⁷ Baetani bembende la bagelegi babo bangene, labobo baabea; Mpo yembo totshiyee a tokuma.

⁸ Yesu elubende galo, ko ebea; poye giangaenu mogelegia la gelengegino bangene, baito ba oimiliaboke, go liolo li mwatshia buuyi tokuma? ⁹ Enu botshabweli, a botshi mogelegi mpo ye tokuma tano otolesiei aito koto tano la belumba bianga bebia la tokuma obitshiale enu bo baatola bii, ¹⁰ la tokuma bosambaele oto lesei baitokotoyinei, la belumba bianga bitolenu? ¹¹ Gelenge inanji getshia bolubi mbo itshimbe mo beeinompo ye tokuma? Ngaai la lnge mpo ye fulu ye bafalisailaa basadukai. ¹² La galo bobo baapanga ogolotanya gombo motshimbe fulo ye tokuma nde bombebo moleta, baletee olaisama bo bafalisai laa basadukai.

¹³ Yesu, gwaige ge goete injulayi kaisalia la Filipo, geoho aatshunja baetani bande; ga boto?

¹⁴ Bobo baaeselage mbisa; baasina baabeambo yoane bolupesi baasina mbo Elia; la baasina mbo yelimia. too gombo kanga yilene Y'IONGIAONGIA.

¹⁵ La enu, boendebei gombo emi yendenji?

¹⁶ Simona Petelo oho aabea mbo; Age bwende kilisito, bona ga IONGIAONGIA yi luuho.

¹⁷ Yesu oho aosa liogi, la aabea ande; Bongae bolo, Simona, bona ga Yona; mpo yembo motshi bonugu la liila nde bwenisiae mwende Iseai ogangae go liolo nda enisieae. ¹⁸ La emi, yeende begisiae mbo age bwende PETELO, la goete yayo itale ye pwesande linginda, la galo beome be bingbelo bi pakoke golibwamela mpo yande. ¹⁹ Yee pandeage gelibwelo ge bokondi bo goliolo; lambo age boinegelande goni se ogiinegelamamo goliolo, la mwayolibolae goni se molibolamande go liolo. ²⁰ La galo geoho aabegisia baetani bandi batoobegisia boto laa omoa gombo ge embende kilisito.

²¹ Gee geaho yesu oho aapanga gobegisia baetani bande gombo mokokende ande gowa go yelusalema, la owa looso anganju mpo ye bogolo ba boi la kanga yilenela ba sikilibe oloama, la gombisebekolo beseso ogataage liolo. ²² PETELO oho aapanga obea ande gopeiyage mbo, IONGIAONGIA auye luuma, Ngene! mopatongame la mo mopii geleage.

²³ Galo yesu, oho aaletambisa, ko ebea la PETELO mbo; etaa gombise yai, satana! Age bwende ibau yibe goelo yai; mpo yembo bagelegi bago batshi bagelegi ba IONGIAONGIA mwende ba baito.

²⁴ La galo yesu oho aabea la baetani bande; Engaambo boto esila goyaa gombise yai, siyaage geangene aenegisee bindo bianfe, la oimiliye gototola gekulusu giande, la alingolei. ²⁵ Mpo yembo boto ogasila uuhisia bindo biande esgesande bio mpo yai euyande luuho. ²⁶ Lambo boto engaande la ligwa inanji gombo eosa gehuma getshubu, oga limiyage Boenda? toombo boto ekokoyande bindo la boenda inanji? ²⁷ Mpo yembo bonaga boto eyande moete gemengi giseande, laa baanjelu bande; la galo epanda boto la boto boeba bwande ogelana la bagwa obatonge ge. ²⁸ Yeende begisienu moloongene, baasina mo baito obangae ane bapangbe laa yea, pelo yembo bona ga boto ayee goongase goete bokondi bwande.