¹ Moete gio gee, Yesu oho aakatisa bilanga bi basangu osigo lomoa lo sabato. Baetani bande, obambe la isige, Ba panga otshwa masangu laa opanga goola. ² Bafalisai, Goenebo galoo baabea ande: Letaa, baetani bago bengae motanga mwatshia bekoka gotonga moete losigo lo sabato.

³ La yesu oho aeselebo mbisa: Botshibali mwasiginye Bawiti, Gee gembe gee laa isige, Geangene la Obambee ande, ⁴ Geni gelenge geayogotaboo go mbele ye Iongiaongia, la ola tokuma otolonganyamelo, la ototshia tolonganyame gombo alee, ototongamelo mpo ye obangae ande gesee gemoa, laa mwaselame mpo ye bekumi boobangene? ⁵ lambo botshibali mwete bobeko obokomamelo mo bekolo be sabato, bekumi bengae mobkesama bwabo? ⁶ Injembo, yende beino, mongae anee gea gelene ogeete gehumbelo. ⁷ Eengaambo enu bolubindi mwangaemo: Yelembe nganji, La itshimolemba looso, Botshikoki gobkesa baito obatshia betonge loo. ⁸ Mpo yembo bona ga boto engae bwekesi bo sabato.

⁹ Gee geotoge yesu hoo geoho agota goete Sinagoge. ¹⁰ Laa leta, boto omoaa ogambe la yoogo yigasu. Bobo batshundja yesu: Mongelane gouhisia boto losigo lo sabato? Mombende mpo yotubage.

¹¹ Geoho abea abo: Inji moete yino, engaambo la pundaemoa laa ogumagee molihia losigo lo sabato ogapea gee gonyenya gee? ¹² Gani boto omoa eet punda la loeti! moetende gotonga oolo losigo lo sabato. ¹³ la galo geoho abea la boto: Libola yoogo yago. Geoho aalibola, laa geoho auha ambo galo auhe genoi ohoi. ¹⁴ Bafalisai boo baanena, laa baaugana goosongana gombo baloe ge.

¹⁵ La Yesu, Aowa galo, Geoho aatotoga ho. Lilene li baito ba biale batshubu, ¹⁶ L geoho aabegisia baito mbo batobegisia baito baasina. ¹⁷ Mpo yembo liogi olibee bekumi yisaya likokisame, ²² La galo bobo bayela boenda bobe laa atshimoselenga, Laa geoho auhisiage, la gelenge gembo ogatshia eselenga aaselenga laa oena. ²³ la liemba litshubu liakamwa ko ebea: Ono atshi bona ga Dawiti?

²⁴ Bafalisai, gwaowe bo galo, bobo baaselenga: Boto ga golome ono eendebitsha beenda beebe.

²⁵ Ogalo lubi yesu bageelegi babo, Geoho abea: Bokondi botubu bo bokondi boboakabwana la otshinega bisege bisege, Laa iyula yitubu to mbele yo yaakabwana yoangene la mopapwanese. ²⁶ Engaambo boenda bobe ebitsha boenda bobe, Aakabwana goete yande geangene, Gani aayoeeemala bokondji bwande? ²⁷ Laa beelezebulu, Bana baino, Bebitshande la bandji? La galo bengaande bobangene basambesi baino. ²⁸ La mongaambo goete boenda bo Iongiaongia nde bongae mobitsha beenda bebe, bokondji bo Iongiaongia bongaande mpo yino.

²⁹ La Gani aayokoka boto bogota goete mbele ye boto bopia la goiba biimabia biande lotshonga mbo bobunde gee la oandage mobenyololo? Gombise yeho agkokee oiba biya goete mbele yande.

³⁰ Boto ogatshia engae lai gesee gemoa atshi molembei, laa ogatshiambo esunganande lai gesee gemoa aotoge ae.

³¹ La galo yengae mobegisienu: Basumu batubu laa obona botubu bolimbisamande gwangae baito, la oga yobona boenda bolo bo Iongiaongia. ³² Indji oga yoemaela geselenga obe goete boenda bolo bo Iongiaongia, Mopalimbisamelege, La motonga bilanga bokama obiata, laa mo bilanga bokama obiayoya.

³³ Boendibei mbo yiloo yebotande yuma yilo, la yuma yibe; Mpo yembo bende moluba ikoko la yuma yande. ³⁴ Liemba lindjoo ye ngenge, Gani ayobeenu mbeo yilo, Indje bongai babe? Mpo yembo bonya bwende moselenga loo oloyale bwiye goete botema. ³⁵ Boto bolo ende monyenya mbeo yilo oyingae goete gemamelo giande, Laa boto bobe ende monyenya mbeo yibe goete gemamelo geande gebe. ³⁶ Yende begisenu: Losigo loosambisama, Baito belubande la gelenge ge gaogi babo batubu babe obambebo moselenga. ³⁷ Mpo yembo goete baogi bago balo bobo bwayu uhisia gee, Laa goete baogi bago babe bobo bwayobkesage.

³⁸ La galo boloongo bo baito ba sikilibe laa ba FAlisai bo baosa baogi, La ko bebea: Boekesi, Esu tolembande oenangee botonge ogemisa.

³⁹ Geoho aabea abo: Losasa lobe laa obaenda la bogali baito bendetshundja baene ogemisa bo kanga ye Iongiaongia. ⁴⁰ Mpo yembo, Gelenge gemoa gi atonge Yonai bekolo beseso laa lotshoigo loseso goete ndaa ye pwe ndene, Gelenge gemoa gi ayotongabona ga boto bekolo beseso laa lotshigo loseso gose nele. ⁴¹ Baito baNiniwe beemalisamande losigo loosambisama, Laa liemba li losasa gesee geenga la beksesandebo, Mpo yembo bekokoliye nde baopi babo goete olaisama bo yonasi; Laa letaa, Ogaete yonasi engae ane. ⁴² La bokondi bo go gali bo loha eemalande losigo loosambisa, Laa liemba li losasa lobksesamande, Mpo yembo gee etotogende go lio li huma mpo yoya gowa bweli bo salomo, Laa leta, ogaete salomo engae ane.

⁴³ Gee genene boenda bobe goeteboto omoa, Geoho alingola mo bisee obidjange baye mpo yosila geogomelo geande, Laa atuye gesee la gemoa. ⁴⁴ La galo ko ebeya: Yeandembisa goete mbele yai gwanenele la gee giige ge, Geoho aaitsha mbele bwasi, Aahoombama laa olongayama. ⁴⁵ Geoho aa, laa geoho aosa geangene boenda biasina bosambale oba betema bebe oeta gee, bobo baagota goete mbele, gongaee bopia oeta gee; Bobo baagota goete mbele, gongaase, la bobeko boliyo bo oho golome bongae bopia oeta ogapelo. Mongaande gelenge gemoa la lisego libee.

⁴⁶ Ogalo ambe yesu moselenga la liemba, letaa, inango ande laa lisego liande olimbe golusa bembende mosilage gambo basololee ande. ⁴⁷ Boto omoa oho abea lande: Letaa Inangoago laa basego bago bengae golusa laa bendesila gosolola ago.

⁴⁸ La Yesu oho abeala boto ogatshundjegee gombo: Indjingae Inango ai, laa bandji bangae basego baai? ⁴⁹ Ko la galo, Geoho aaletsha baetani bande yoogo, la ebea, letaa inangoai la basego baai. ⁵⁰ Mpo yembo boto botshubu ogatongele mwalemba Ise gai oga ngae go liolo, boto oho engae lisego liai, la engae bwelo gai, la engae Inago ai.