¹ Mutilo wa kibuti cha Yesu Kilishitu Mwana wa Daudi mwana wa Bulahimu, ² Bulahimu abutagha Isaka, Isaka ing'abuta Yakobo, Yakobo abutagha Yuda nu mibuto saghe, ³ Nu Yuda na mughole waghe Tamali babutagha Pelishi nu Shala; Peleshi abutagha Hesiloni; Hesiloni ing'abuta Alamu; ⁴ Alamu abutagha Aminadabu; Aminadabu ing'abuta Nasoni; Nasoni abutagha Salomoni, ⁵ Salomoni na mughole waghe Lahaba babutile Boashi; Boashi na Luta babutagha Obedi; Obedi ing'abuta Yese; ⁶ Yese abutagha Daudi. Mwami Daudi ing'abuta Solomono na mukashi wabagha wa Ulia; ⁷ Solomono abutagha Loboamu; Loboamu ing'abuta Abiya; Abiya abutagha Asa; ⁸ Asa ing'abuta Yosafati; Yosafati abutagha Yolamu; Yolamu ing'abuta Ushiya; ⁹ Ushiya abutagha Yotamu; Yotamu ing'abuta Ahashi; Ahashi abutagha Hesekia; ¹⁰ Hesekia ing'abuta Manasi; nu Manasi abutagha Amoni; Amoni ing'abuta Yosia ¹¹ Yosia abutagha Yekonia nu mibuto saghe mu bindi bibendagha mo ku bukobe kwa ku Babeli.

¹² Mu kushila kwa bukobe ku Babeli, Yekonia abutagha Salatieli; Salatieli ing'abuta Solobabeli; ¹³ Solobabeli abutagha Abihudi; Abihudi ing'abuta Eliakimu; Eliakimu abutagha Asolo; ¹⁴ Asolo ing'abuta Sadoki; Sadoki abutagha Akimu; Akimu ing'abuta Eliudi; ¹⁵ Eliudi abutagha Eleasali; Eleasali ing'abuta Matani; Matani abutagha Yakobo; ¹⁶ Yakobo ing'abuta Yosefu munache wa Malia, wabutile Yesu, ukumanwa Kilishitu.

¹⁷ Kashi kweli bibuti ikumi nu binai, kulingila Bulahimu kwikila Daudi, kulingila Daudi kwikila ku bukobe bwa Babiloni; bibuti ikumi nu binai; kulingila ku bukobe bwa Babiloni kwikila ku Kilishitu; bibuti ikumi nu binai.

¹⁸ Kubutwa kwa Yesu Kilishitu kwa bagha buno: Nina Malia andwagha na Yosefu, nu babagha tabemanana nenshi, isangile ite nsolo mu mpumba sa Muusa Musogha. ¹⁹ Yosefu, munache abagha muntu musogha nu ntashimagha ku mwitya nsoni, ashimagha amushighe mu lu bisobiso. ²⁰ Ghabagha akughanilila kwibyo, lola, mugheshi wa Mukota amwikilagha mu ndoshi nu kumubula: Yosefu, mwana wa Daudi ntukwe boba kutola Malia mughole wobe kubuno mwana wite munda atuka kweli Muusa Musogha; ²¹ akabuta mwana wa mulume, ukamwanika ishina lyaghe Yesu; u ukonia bantu baghe ku bwaghi bwabo. ²² Bibyo binsai bikile buno bikuke byatendagha Mukota kutingila mulenganya: ²³ Lola kikumi ki temana mulume kikek' ishimi nu kikabuta mwana wa mulume, akanikwa' ishina lya Manueli, u kutenda buno Ghongo eli ghamoi na beshwe. ²⁴ Gha bukile Yosefu inga'kita bwamubulagha mughenshi wa Mukota nu atolagha mughole waghe. ²⁵ Tondo ntamumagha kwikila busi bwabutagha mwana wa mulume, amwanikagha ishina lyaghe Yesu.