¹ Fi wakti de mamlaka te samai bija linganisha uwo je bana ashala al bi sulu ta to to umon moja uwo ligo badu me la lisi. ² Lakin akwana kamsa umon kaana awiri me kamsa umon ya kani endi agili. ³ Kalam bakan umon sul to umon ma ja sulu din taki. ⁴ Lakin alkan endi agil umon sul din ta fi chupa me toumon. ⁵ Lakin alkanan gura jooju bakan uwo toru umon nomu fofo umon nunu.

⁶ Lakin fi ustu te fileli kelele ja kun ligo gi kelem gal inun al ji joju alsu ojija tala kum bara kede itakum ligo badu mo uwo. ⁷ Bana naade kul moja gum umon jaa dul taa umon.

⁸ Al ja kelem alendi agil gal wedi to kum nena dini ta takum misan tena gi mutu. ⁹ Lakin alendi agil umon gibisha ligo umon kelem gal mabiti mina kul akeli ruwa kum ne aligi uza kede itakum biyo neitakum. ¹⁰ Bakan umon kan guruwa fi biyo al gi joju rusu ojaja me dolinde al kan tayalisha umon jadakal no'uwo fi goju arusu baba jago fo.

¹¹ Bada wede bana wadini nade uwo mon jaja, umon ja kelem gal sidi teena sidi teena futu ne ena. ¹² Lakin uwo gibisha oja kelem fihaki anagi kelem neitakum ana ma arufu itakum.

¹³ Asede ayinu kum kalam itakum ma arfu yom ama sa nyereku te binadum abu uwo bijaja fogo.

¹⁴ Misan mamlaka te Rabbana fi je binadum al kan gulu safiri fi bere te boyi, oja nadi anas labito, ojasebu no'umon sokolin nato. ¹⁵ Oja wedi ne wayi shilingi kamusu, metani owedi nowo tanin, metani owedi no wayi; killa ajol je wezo to kan fi, uwo jaruwa, ¹⁶ Fi gwamu nade al ligo silingi kamsa uwo ja aruwa oja so mo biashara to ja tala fogo faida tani kamsa. ¹⁷ Me jede nade al ligoshilingi tinini uwo kaman somo biashara ja talafogo faida te shilingi tinini taani. ¹⁸ Lakin nade al ligo wayi uwo ruwa owa afuta lufura oja dusu shilingi wayi te sidi to.

¹⁹ Bakan wakti towil futu, sidi te anas labi nade oja, oja isabu me umon idadi. ²⁰ Me nade al ligo shilingi kamsa uwo oja uwo jibu shilingi kamsa taani, oja kelem nesidu to je sidu tayi te sebu nana shilingi kamsa; ayinu ana so faida te shilingi.

²¹ Side ja kelem na uwo gal asenti ita abi al seme al muwaminifu kan ita muwaminifu fi sokolina al siya ana bija selemu neita al minani furai dakal ne sidi taki.

²² Me nade al wedi na uwo shilingi tinini uwo ja kelem gal sidi tayi ta sebu nana shilingi tinini ayinu ana somo ja fayidu tinini tan.

²³ Sidi ja kelem na uwo kal asenti ita labi al muwaminifu kan ita muwaminifu fi siya, ana bija selem miln furayi dakal ne sidi taki.

²⁴ Me nade al wedi na uwo shilingi wayi uwo kaman ja uwo kelem sidi tayi, ana faham ligo ita gi amurugu fi bakan al ita ma agira fogo logo ita gilim fi bakan al ita ma setetu tira. ²⁵ Ana jo kafu, ana ja ruwa, ana ja dosu fi tura shilingi tawayi, ayinu taki kan ita fi mom.

²⁶ Lakin sidi to uwo gibisha, oja kelem na uwo gal ita labi al batal, al kisilan, ita fahamu je ana gi ma amurugu fi bakan al ana ma agira fogo me ana gilim fi bakan al ana ma setetu fogo tira. ²⁷ Asede ka gifu neki wedi shilingi takide al giso biashara ana, kaman bakan ana bija umon kan bi wedi na ana tayi me fayida to. ²⁸ Asede amurugu kum mi nuwo shilingiwayi de kede itakum wedi na nade al me shilingi ashra. ²⁹ Misan kede ajjo kun me milan, me nade al endis ma, bija amurugu min uwo me nade abu uwo endi. ³⁰ Me labi nade al ma gi nafa jada kum uwo fi duluma ta bara: al bikun fogo kore me ayinu tabu.

³¹ Lakin nyereku te binadum kan fi hishima to, me Malaika kulu ksn uwo, bija gen fi bambara al te heshima to: ³² Me belana kul bija lim umon gidam uwo, lakin uwo kaman gija gesim kooru me galamaya. ³³ Kooru obija kutu fi ida yemin to, lakin galamaya fi idda sumal.

³⁴ Ini Sultan obija kelem na nas al fi idda yemin gal taal kum, itakum nas al baba tayi wedi no'mon barak, kede itakum ja sul mamlaka alja adul neitakum min fi abidu te duniya. ³⁵ Kalam kan ana endis jian umon wenana sokol te akul: ana kan endis stan moyotom wenana sokol asurub: ana kan diffan tom wedi nana bakan num. ³⁶ Ana kan aryan tom wedi nana sokol lebisi, ana kan ayan tokum dooru nana, ana kan fi jela tokum ja ayin ana.

³⁷ Anas aladil mon bija jibisha gal sidi teena, ena ayinu ita miten? ligo ita endi jiyan dukur ina akilisha ita? aw ligo tendis stan moyo dukur ne wedi neita sokol asurub? ³⁸ Nain ita mitealigo ita difan ne wedi, neita bakan nuum? aw ligo ita aryam ne lebisita. ³⁹ Nain ita miten ligo ita ayan aw te fi jela neja jainta?

⁴⁰ Sultan bija arja fogo ligo ogi kelem no'umon fi hakki ana gi kelem neitaum ja namnaal tokum ja so ne aku tayi wayi ab sakar tom so naana.

⁴¹ Ini anas al fi ida te sumal to'o obija kelem no'mon wasa kum jambu, ana, anas al laana ruwa kum fi naari al aul ne Sayitani me Malaika to'o. ⁴² Kalam ana kan endis jiyan, tokum ma wedi naana sokol akul; ana endis stan moyo takum ma wedi naana sokol asurub: ⁴³ Ana kan biffan tokum ma wedi naana bakan num, ana kan aryan tokum ma lebis ana, ana kan ayan fi jella toku maso nana ziyaara.

⁴⁴ Ini umon kaman bar ja fogo ligo mon gi kelem sidi teena, ina miten ligo ita jiyan, dukur naaba wedi neita akil nain ita mten ligo ita endis stan moyo, aw ligo ita diffan aw ligo ita aryan, aw ta yan, aw te fi jella naaba ja fimidu neita?

⁴⁵ Ini obija gibisha umon ligo gi kelem no'mon jeffi haki neitakum je itakum ma soo wayi fustu doole al saakari itakum maaso naana.

⁴⁶ Me dolinde umon bija luwa fi Ezabu ala gi kalus ma, lakin anas al adil umon bi ruwa fi hayi al gi kalas ma.