¹ Ya Yesu weledu uwo fi Bethelehem al fi fi Yudaaya fi wakti ta sultan kerode ayin anas al negi al taala mi masharik dukur mon ja fi Jeruslem. ² Ligo umon gi assadu owenu ziol al weledu ma Sultan ta anas ta Yudaya? kalam ina jaayinu nezima min masharik ya ina kede ina ja ti abudu uwo.

³ Kerude Sultan bakan uwo asma uwo ligo wasi wasi ladi m'anas ta Yerusalem kulu. ⁴ Olim kubarina te diin kuluma anas alkan gi katif anas dukur waasadu umon gal Kristo bija waledu uwo wen. ⁵ Mon kaman kelem nowo gal fi Bethelehem na nas Yahuudi kalam ya kan katifu uwo jede me Nebbi jede gali. ⁶ Ita bethelehem bele Yuda itama sakari min yala ta Sultan Yuda kalam ajol algi hukkum ja tala min it obija hukkuru anas ta Isreali.

⁷ Ya in Kerude onadi anas al negi fi sirri dukur wa saad umon wikiti al nezima kalasu ligo ben. ⁸ Dukur orasulumon fi Bethelehem dukur okelem noumon kede umon ruwa gusu nyereku de namna aluwo gi beenu mo lakin kan itakum biayinu uwo taal tookum kelem naaanadukur umon ruwa anaja abuduuwo.

⁹ Bakann uwo asma Sultan dukur umon ruwa ayin nezima na almonayiinu fi mashrik dukur weeri nouwon sika nezima ejaa yegif foo bakan ab nereku de fogo. ¹⁰ Bakan umon ayin nezima de umon furai adte gudura. ¹¹ Mon dakal fi juwa mon ayin nyereku me Maryam mama dukur mon sujudu mon adudu nyereku de mon fiku hakiba toomon mon wedi nowo zawadi abte gold meliban me taanin al milan. ¹² Rabbana ja famisha umon fi telim kede umon ma ruwa ne kerode dukur mon arja fi bele toomon ligo umon gi futu fi sika taan.

¹³ Ayin bakan umon kala ruwa Malaika ta Rabana dukur ben ne yusuf jeremo fisiri ligo ogi kelem nowo gum kede ita sul nyereku me mamato kede ita jere uwo kede ita gen nna ladi kan ana bija kelem neita kalam kerude gija ogigusu nyereku dewaju katul. ¹⁴ Dukur Yusuf ogum osulu nyereku ma mama filel dukur mon ruwa fi Missiri. ¹⁵ Ogen nn ladi kerude mutu kede kalam de rassulu Ab Rabbana wonusu fi nebi ligo gi kelem ana nadi nyereku tayi tala min Missiri.

¹⁶ In ya kerode ayinu ja anas algiso fi kalam ab te gidam (negi) ozalan zaidi dukur orasul kede ruwa katul yalwele kulu al fi fu Bethelehem jirana to'o yala kulu abu endusi sana tineni ma ablisa ma tim sana tinen me ab lisa tiku ma saana de wakti ab wasadu mo anas ab negi je kan fi. ¹⁷ In ya kalam ab Nebbi Yeremiya ja wonusu kalam al uwo ja wonusu, bakan okelem gal. ¹⁹ Lakin kerode bakn kalas mutu Malaika te Rabbana ja beenu na Yusufu fi telem fi misiri. ²⁰ Ligo ogi kelem gum sulu nyereku me mama alja kun fi Isreal kalam anas alkan gi gusu nyereku de umon mutu kala. ²¹ Ogum osul nyereku me mama to'o dukur ojja fi beleta Isreal.

²² Lakin bakan uwo asma gal alkelawo ya Sultan te yahudi ligo uwo ya arja baada Kerode Yesufu kafu arja naa lakin bakan Rabbana Onya uwo fi telim dukur owagilib uwo ofutu fi Galilaya. ²³ Ojja fi kambi al asma to Nazzareti kalam al kan ja wonusu uwo ma Nebiya gal bija naduwo ajol alte Nazareti.