¹ Fi wakti de Kerode ke biri te Bakan uwo asma sifa te Yesu. ² Uwo kelem na laabi to ojja kelem gal wede ya Yokana al gi Batiza otala min kaburi yagi kutu ogi so kalama te mastajab.

³ Kalam Kerode amsuku Yokana ojabu suo fi jela kalam amaino i mariate Filipo al asuma to Kerodia. ⁴ Misani Yokana kelem no uwo je batal uwo kunu me amai to. ⁵ Kalam uwo kan aju katul uwo lakin ojji kafu anas misan kan umon gi fekeri je uwo ya Nebbi.

⁶ Bakan yom rasul hal weledu fogo Kerode biniya te Kerodiya ajja tomburu gidam umoni oja furaisha Kerode. ⁷ In ya Kerode alif wede no uwo kila uwo baaju. ⁸ Bakan mama to wedi no uwo ya abiniya asadu rasul te Yokana ali kan gi batiza. ⁹ Sultan asuma singa lakim kalam alifu abu uwo alifu me anas al kan fi o uwo logo umon fa akulu bakan wai mo uwo amuriha kede wedi no uwo rasu. ¹⁰ Ya uwo rasul kee gata rasu te Yokana fi jela. ¹¹ Monja jibu rasu ligo fi tabaga ja wedi ne biniya monja wedi ne mama to. ¹² Ya anas swahaba to monja ja arufa meiti to monja difunu monja rua kelem ne Yesu. ¹³ In bakan Yesu asua uwo ja ja fi fulika uwo ja rua fi bakan al pengere fi shuri bakan kom asuma umon ja tala min medina umon ja fataia uwo logo gi futu fi tura. ¹⁴ Uwo ja tala na oja ain kom kebiri ojai no umon uruma oja ponyesha ayani to umon.

¹⁵ Satara siya bakan timu swahaba to ja nowo ini moni kelem nowo fi bakan al pengere mesa futu zayidi weri nanasi kede moni ruwa biyo noumon akili.

¹⁶ Yesu kelem noumon mafi sokol ama sababu aligukutu umoni ke alidakedeyi itakum wedi numon akili.

¹⁷ Umon kelem nowo inam endi sokol akul lakin mukati kamusa me samaga tinini.

¹⁸ Okelem noumon jibu to kum ini. ¹⁹ Uwo amrisha komu kede geni falata wamu suku mukati kamusa me samaga tinini oshukuru Rabbana oja kashuru mukati oja wedi ne swahaba to me swahaba ja wedi nanasi. ²⁰ Umon kulu akul umon jasaban me taani ja faduru gifutu itina shari jafadur. ²¹ Me lajal ali ja akul kan alfu kamsa bila kutu fogo nusuwani me yali.

²² Uwo amurisha swahaba da kul fi fuluka de umoni ruwa gidamu uwo kede umoni ruwa fi dula te bahari uwo kede kalasi safari in anasi. ²³ Bada sokaweri ne anasi uwo ruwa fi gala fi sala ya fi lel rasul ligo or fina oh wai. ²⁴ Lakin fuluka kan kalas rasul fi ustu ta bahar logo gi izu izuo me lobu misani lobu tala gidamu umoni. ²⁵ Ustu fileli oja no umon logo uwo gimasi fi bahari. ²⁶ Swahaba to bakan mon ai no uwo ligo uwo gimasi fi rasu bahari umon kafu no'uwo ja kelem gali wede jinni. ²⁷ Fi guamu uwo wonus nomon mu ligo ogi kelem no umon kunu kum gowu mata um kafu ana ya wede.

²⁸ Petero kelem no'uwo sidu tai kan de ita kelem nana ana kaman kede masi fi rasu moyo ana kede ja ne ita.

²⁹ Yesu kelem no'uwo tali Petero tala mini fuluka oja masi fi rasu moyo ligo oguruwane Yesu. ³⁰ Lakin bakan Petero ainu libu okafu owabidu ketis fi moyo oja kore ligo ogi kelem sidu tai Rabbana ponesh ana.

³¹ Fi guamu Yesu arufa ida to oja kelem no'uwo ita alendi imani siya de sunu ya kutu te kun me wasi wasi. ³² Bakan umon dakulu fi fuluka lobu ja kalasu.

³³ Me anas al kan fi fuluka umon ja abudu umon gi kelem ita asil ita nyereku te Rabbana.

³⁴ Bakan umon kalas futu fu bahari umon rasul fi torafu bhari te Genesareti. ³⁵ Anas te na bakan umon faham uwo moja rasul fi belana al fi jambu to ja jibu no'uwo aba ya nini.

³⁶ Umon na nguo kede umon amsuku fi gumasi to me anas kul aba amsuku fugo uwo umon pona.