¹ Min wakti de Yesu futu fi shamba te ngano fi yom ta sabbit swahaba to ji yan so umon dukur abidu naga ena te ngano mon akul. ² lakin nas Falisayo bakan umon ayinu mon kelem nowo ayinu swahaba taki giso kalam al batal fi so yom sabbit.

³ Dukur okelem noumon itakum lisa agara ma jo Daudi so yom alji an so bakan wayi manas alkan uwo endi. ⁴ Bakan uwo dakalfi juwa ta Rabbana waakul mukati alkan giru duwo ne kabarina te kanisa barraw. ⁵ Sunu ya itakum gi maanisha itakum gi agara ma shariya? kubarina te kanisa joumon kan so shariya te yom sabit me umon. ⁶ Lakin ana gi kelem neitakum al fin uwo kebir gi sinda kanisa me heshima. ⁷ Kan kan itakum alfu maana te kalam wede ana kan bi amsuku neitakum huruma ma kalam sadaga takum itakum kan ma bi ruwa mona ajol mendisi makosa. ⁸ Kalam nyereku ta binadam ya sidi ta Sabbit.

⁹ Bakan Yesu taala min bakan de ajaa fi kawm toumon de. ¹⁰ Fi kawm toumon de kan fi fogo ajo al idda to abis dukur asaduuwo sey seme ponesha ajol fi yom Sabbit? mon kan gi gusu sika te asiki uwo.

¹¹ Mon fustu itakum al kan bikun kooru dukur waga fi jo lufra dukur uwo bi amrugu ma? ¹² Ajol aw binadum ma gi singa kooru bikunkuwessi so kuwessi yom sabbit. ¹³ Dukur okelem na ajol wede alfa ida taaki, uwo dukur warfu dukur poona dukur beni je ida ta naade. ¹⁴ Lakin nas Falisayo mon tala fi gata agil takatul uwo.

¹⁵ Yesu bakan faham dukur uwo tala anas milan ruwa wara uwo dukur oponeha umon kulu. ¹⁶ Lakin uwo komesha umon ma kede weri uwo. ¹⁷ Kede rasul al ja wonusu fi Isaaya nebbi ligo gi kelem gali. ²² Dukur jibu nowo ajol al endisi jinni ligo ena to sidu ma kasmato Yesu ponesha uwo ajol al kan kasma to sidu de uwo wonusu, uwo ayinu. ²³ Kawm kuli shanga mon wonusu seyi wede ya nyereku ta Daudi?

²⁴ Mon kelem gali ajol de ma gi turuju jinni lakin Beelizebui kebir ta jinni.

²⁵ Bakan uwo faham fikra toumon okelem noumon mamlaka kan gi fateku baara gi kati me kutta sokol sala kan juwa mon gi fatetakum ma agder gesim. ²⁶ Ladi shaitan kan gi turuju shaitan aku mon gi fatekum barraw wu mamlaka to bi toolu ke fin. ²⁷ Kan ana gi turuju jinni fi asma te beluzebuli yala takum gi turuju shaitan fi asma toumon? yala ke umon yabija gata noumon case ²⁸ Kan ana gi turuju jinni lajal te Roho ta Rabbana yala mamalaka te Rabbana ja neitakum.

²⁹ Ajol agder ke fin dakal fi juwa ta zol al sidu gudra onyakam sokolina to ligo alisa ma robutu uwo? dukur osul sokolina de.

³⁰ Ajol al ma gi gen maanasaduyi tayi ma azol al ma gi lim maana ogi ferefere.

³¹ Bija sama anas zambi kul lakin alisi Roho alnedif ma bija sama. ³² Gikelem uwo kila ajol al bi alisi nyereku te binadum bija sama sala kan fi wakti al gija.

³³ Seder kan itakum bikkutu kede gum kuwesi ma fawakih to bigum kuwesi aw seder batal fawa kih to kaman bi kun batal kalam seder gi arfu uwo fi fawaa kihfo. ^34-35 Itakum yala te debiba itakum agder wonusu ke fin kalama ab seme ligo itakum batal? kalam kalama algi am la fi gelba ya kasma. Ajol al kuweesi sokolina abseme ogi amurugu minjo gugu to ab seme ma ajol albatal ogi amurugu batal minjo gugu to albatal. ³⁶ Ana gi kelemm neitakum killa kala al binadum ya ginaba mon bijo weri yom al ye mwisha. ³⁷ Kalam kalam taki ya gi wedi neita kun nedif me kalama taki yabija kutu ita shinda kesi.

³⁸ Ini anas al gi katib taa min nas faa lisayo mon jibisha uwo mon kelem malim weri neina alama kedeina ayinu.

³⁹ Yesu arja noumon okelem gal anas te wakti wede batal al te zzina mon gi gusu alama al bija weri noumon alama ma illa alama te nebbi yonna. ⁴⁰ Kalam je Yona kalas yom talata fi batana te samaga ya fi jede nyereku te binadum obija kalas yom talata minah har mifatel fijo gelba te tuura. ⁴¹ Anas te Ninevi mon bija yegifu bakan wayi manas te wakti wede fi yom te kiyama bija sinda umon kesi kalam Yona bakan naba noumon dukur mon sotaw ba ayin ajol al gisinda Yona ofi ini. ⁴² Sultan al ariya al te kussin obija wegi fu fi kesi manas te wakti wede obija sinda umon me kesi kalam otala min mwisho te de nni ya ojatala min mwisho te duniya kalam kede uwo ja asma kalam Sulaiman abur ayin uwo ajol al gi sinda Sulaiman ofi in.

⁴³ Lakin jinnial batal kan bitala min ajol ogi massi fi bakan al abisi ogi gusu bakan te stareeh lakin oligo mma. ⁴⁴ Asede ana gi kelem gal kede ana arja fi juwa tayi al ana tala fogo kan obi rasul fogo obi ayiu ligo saki ligo assasi ligo addulu. ⁴⁵ In ya uwo ga arja ruwa ogura jibu jinni ssaba ab gisinda uwo fi kun batal mon kaman dakal mon gen nna ladi fi mwisho ta ajol wede agder shinda batal to ajol de altawlan ya bija kun jede me wakti al batal.

⁴⁶ Bakan lisa ogi wonus me kaw dukur mama to e akwana to ligo umon yegi fu baara mon aju wonus mowo. ⁴⁷ Ajol dukur kele abur ayinu mama taki umon yegif bara umon aju wonus meita.

⁴⁸ Warja fogo okelem noumon ajol al kelem nowo mun mama tayi? akwana tayi yanas munu? ⁴⁹ Dukur uwo arfa idda na swahaba to, okelem ayinu dolde ya akwana tayi me mama tayi. ⁵⁰ Kalam killa ajol al biso sokolina al baba tayi aju ya akutayi, yaaku tayi biniya, ya kaman mama tayi.