¹ Ya Yesu nadi swahabu to(12) dukur owedi noumon hukum kede umon gituruju Roho al batal ma ayan me kislan. ² Wedede ya asam te swahaba(12) 1-Simoni Petero, Andereya aku to'o, Yakabo nyereku te Zebidayo me aku to'o Yokana. ³ Arja fogo Filipo, arja fogo Bosolomiyo, arja fogo Thomas me Matayo ajol ta murugu ushuru manastinen, algi arja fogo Yakobo nyereku Alifazi me Thadiasi. ⁴ Anas alte mwisho ya fi fogo Simoni Ziloti me Yudasi Eskaryoti, Yudasi ya min anas alkan gura wedi Yesu na aduyi to.

⁵ Yesu rasul anas(12) dolde ligo ogiwedi noumon shariya dolde makede umon ma dakal fi medina yoyote alta Samaliya. ⁶ Lakin kede umon ruwa na nas te Israel kalam deya kooru alja woduru te juwa te Israel. ⁷ Kanita kum giruwa fi kelem aw fi nabba noumon injil te mamlaka ta samayi gal fi geri. ⁸ Ponesha kum ayanin, gum tokum meitin, ponesha kum anas al endisi ayan te gildu turuju kum jini wedi neitakum me wedi ya fijede wedi kum mewedi. ⁹ Matakum sul sokol yoyote je; zabu, fetha, kopa fi missipi takum. ¹⁰ Matakum sul habika al fogo; gumasa, wala silipa, wala Iasaya pakasa aju kede wedi nowo sokol al waju. ¹¹ Kan itakum dakal medina aw kambi ayinu to kum ajol yoyote al agder karibisha itakum geni fi be tajol naade laadi wakti kan bi tim te ruwa. ¹² Ja namna al bidakum kal fi juwa selem saabal juwa. ¹³ Kan be de karibisha itakum wedi kum ne be rahma to ma amani kan ma matakum rahma to. ¹⁴ Anas tan agder ma karibisha itakum aw asma fi kalam ta kum kan umon ma karibisha takum kunus kum vvumbi te kura takum kan itakum gi taala min be de ama medin de. ¹⁵ Kalam alana geri guruwa kelem neitakum adil yomte kiyama biya kun raisi ne Sodom me Gomora min medina naade.

¹⁶ Ana gira sul itakum je kooru fustu moro foyi ya fijede kun kum negi je de biba ja nas alma endisi taabu ja hamam. ¹⁷ Chunga itakum, anas bija wedi itakum na mahkama ta kambi bija chapetakum fi kawm al mon lim umon fogo. ¹⁸ Bija sulu itakum ne anas algi hukum me na sultan kalam tayi kalam magi amin. ¹⁹ Lakin biwedi itakum matakum kun ma kuwaf gal ina bi wonus sunu kalam bija wedi neitakum fi wakti neede kalama al itakum bija wonus. ²⁰ Kalama ma itakum ya gwonusu lakin Roho ta baba takum oja gi futu fugu itakum. ²¹ Aku bi wedi aku to kede katul ma baba biwedi nyereku to kede tatul yala bija assi nas baba tomon min katuru umon. ²² Anas kulu bija abe takum kalam tayi, ajol ladi fi mwisho oya bikum ajol al shinda. ²³ Kana toruji takum fi Mediyan nade jare fi tana ate asiasi agi kelem natakum ita ma bika lasi Medina kulu ate Isreali ladi nyereku ta binadum bija.

²⁴ Nyereku algalim ma sinda mwalimu ya me gisinda sidi to. ²⁵ Gitim na ajol gi alim kun jamalin me ladi kun sidi to aw nadi sidu juwa Beelzebul mon bija ma sinda aw anas al fi juwa to!

²⁶ Yala ma takum gi kafu umon kalam mafi al dusu kalam alkati yala ma takum kafu aduya taku kila sokol al dusu bija fata. ²⁷ Kalam al ana gi kelem neitakum fi duluma, wonus tokum minnahari kalam al itakum gi wonus. ²⁸ Fadi ma takum gi kafu anas algi katul gildu kalam mon ma agderi katul Roho, aju kede itakum kafu ajol algi keregi gildu me Roho fi jahannam. ²⁹ Titi tinen agder tunda fi sente? wu ma bija waga fi midan ta abu taki. ³⁰ Kaman me Suras takum jahisab. ³¹ Yala ma takum kafu, to kum gi sinda teeran al milan. ³² Yala killa ajol al bija wonus asma tayi gidam anas, ana kaman bija wonus asma to gidam baba to. ³³ Ajol kulu al bija abba ana gidam anas, ana kaman bija abba uwo gidam Rabbana al fi samayi.

³⁴ Makum fekeri gali ana raha fiduniya, ana jibu panga. ³⁵ Kalamanaja fi ferteku baba min hyereku to, biniya min mama to arusu me mo biniya. ³⁶ Aduya te binadum mon bija kun anas to te jjuwa lakin ajol albi aju baba. ³⁷ Aw mama to futu ana omagi faa naana ajol bi aju nyereku to yowele omagi faa naana. ³⁸ Ajol al mabi alta musalaba to dukur uwo fatiliya ana uwo ma gi faa naana. ³⁹ Al gavin hayi to bija wodur, min uwo ajol al al bi woduru hayi to kalam ana obija ayinu.

⁴⁰ Ajol al birudu bidum me itakum obi kum ogi rudu badum maana, ajol al biruda nan obi kum ogi rudu baba tayi ab rasul ana. ⁴¹ Ajol al gi rudu nebi fi asma te nebbi bija wedi nowo thawab je te nebbi ajol aladil fi asma te ajol al adil bija wedi nowo thawab te ajol al adil. ⁴² Ajol al gi wedi nanas sokol te asurubu wayi min umon fi milan kubaya wayi te moyo al bari lakin, min asma te malin Hakki ana gi kelem neitakum thawab to mabi woduru ladi siya.