¹ Mwago mango Yohana mubatiza ayinja, ayigiriza omu mpinga z'e Buyahudi. ² Aderha: muhungame ebyaha byenyu, bulala obwami bw'empingu buli hofi. ³ Bulala oyu yiwaderhagwa n'omulebi Isaya, aderha: Omulenge gw'omuntu gwayamira omu mpinga, murheganye enjira ya Nahano, muyumanyanye emiharuro.

⁴ Yohana aligwerhe omushangi gwage gw'amoya g'e Ndogomi n'omukaba gw'oluhu omu mpindi. Alyaga e'Nzige n'obuchi bw'e lubala. ⁵ Abantu b'e Yerusalema, bw'omu Buyahudi bwoshi na b'e bihugo by'e burhambi bw'e Yorodani, baja emundali. ⁶ Bahungama ebyaha byabo, ba batizwa naye omu lwinji lw'e Yorodani. ⁷ Aliko, abera abona Abafarisayo bayinjire oku bu batizo bwage banene na Basadukayo, ababwira: Mwe buko bw'enjoka, nde wababwirire muyake obuhanya nji bwayinja? ⁸ Muburhe amalehe ginja gw'oburhimanya, ⁹ na ntyo murhachibwiraga mpu muli bana b'Abrahamu! Bulala mbabwirire oku Nyamuzinda akakulira Abrahamu abana mwagamabale ¹⁰ Mira embasha ekola eri aha chihanda ch'emirhi: Ngasi murhi gurhajira malehe menja nji gwa chibwa n'oku kwebwa omu muliro. ¹¹ Nyono, yinab'abatiza oku menji, yimbalerha oku burhimanya; aliko owayinja ebuzinda bwani ali munyabuhashe kundusha, ntakwanene okuhuma oku birato byage. Yewe, nja b'abatiza oku Muka ochere n'oku muliro. ¹² Agwerhe Olwibo lwage omu fune; ayinja yerula echibuga chage, n'okulunda Obulo omu nguli, aliko nj'ayosa ebihahala omu muliro gurhazima.

¹³ Lero Yesu arhenga e Galilaya y'e Yordani emunda Yohana ali, mpu y'abatizwa naye. ¹⁴ Aliko Yohana alahira, amubwira: We wanka mbatiza, kurhe wayinjire emwani! ¹⁵ Yesu amubishuza: Oyemere ntyo, bulala bikwanene rhuyeneze ngasi hyoshi hishinganene. Na Yohana arhachimuhanzaga. ¹⁶ Amango Yesu abatizwaga, arhengere omu menji. aho honaho, empingu za chinguka, n'okubona Muka wa Nyamuzinda amuyandagalira nka ngukuu n'oku mujako. ¹⁷ Mulole, omulenge gwa yunvikana omu mpingu n'emyazi: Onola ye mugala wani muzigirwa, oyu yinchishingiramwo.