¹ Eri Yesu amalisa kuderh'emyazi yage, abwir'entumwa zage. ² Mumanyir'oku Pasaka ab'enyuma wa siku ebiri, n'oku mwen'omuntu ahanwa alibuzwe.

³ Oku ntyo, abadahwa bakulu n'abajinji bolubaga bajir'embuganan'omumbuga z'omudahwa mukulu oyirikwa Kayafa; ⁴ Banahik'omubulyo bokugwarha Yesu omubwenge n'okumuyirhisa. ⁵ Aliko baderha: Garhabaga mango gw'olusiku lukulu ly'akavulindi karhakaba omu bantu.

⁶ Obo Yesu aliri Ebetaniya omu mwa Simoni, omubenzibenzi, ⁷ Mukazi muguma amushegerera, afumbarhir'ehikebo hyaliri mw'amarashi gengulo nene, namango alemag'alya, amushiga amavurh'okwirhwe. ⁸ Entumwa zabwen'intyo, za hihima za naderha: Bichi bahezeze kwaga malashi? ⁹ gankanguzizwe gagabirwe abakene.

¹⁰ Eri Yesu achikebwa, ababwira: bichi birhumire mwagaya oyu mukazi? Ajirir'echijiro chinja; ¹¹ Bulala muyorha muli n'abakene, si murhayorha nani. ¹² Owashigag'amalashi oku mubiri gwani, omukurhegany'olufu lwani. ¹³ Babwira okuli, ngasi hoshi ogu mwazi gw'obuholo nji gwayigirizwa, omugulu lyoshi, nji baganula, nji bayibuk'oyu mukazi ne byagiraga.

¹⁴ Lero muguma mubal'ekumi na babiri, oyirikwa Yuda eskariote ashimb'abadawa bakulu, ¹⁵ Anaderha mpu: Bichi mwampa yinyinja bahereza ye? Bamuhereza bicheri makumi masharhu g'efuranga. ¹⁶ Kurheng'ago mango, akazi lonz'obulyo bw'okuhana Yesu.

¹⁷ Olusiku lurhanzi lw'emigati erhagagire, entumwa za shimba Yesu, kumubwira mpu: gurh'olonzeze rhukurhaganyiz'eshego ya Pasaka?

¹⁸ Ashuza mpu: Muj'omuchishagala aha mwa lebe, munamubwire mpu: Omwigiriza aderhe ntya: Akasanzi kani kali hofi; najira Pasaka ahamwawe haguma na baganda bani. ¹⁹ Abaganda bajira nk'oku Yesu abarhegekaga, banarheganya Pasaka.

²⁰ Lyaber'egolo, ayikal'okumeza haguma n'abal'ekumi na babiri. ²¹ Babere bali balya aderha mpu: okuli mbabwirire, muguma mumwab'ayinja mpana.

²² Bagaya bwenene na ngasi muguma ayinj'amubwira mpu: Nka nyono Waliha?

²³ Abashubiza mpu: Owahuma oku mbale haguma nani, yewayinji mpana. ²⁴ Mwen'omuntu achigendera kushimbana n'ebimuyandikirwe. Aliko buli buhanya oku wahana mwen'omuntu! Kwakabere kwinja oyo muntu arhaburhwaga.

²⁵ owamuhanaga, orhol'oluhya aderha mpu: Nkanyono muhanyi? Yesu amushubiza: Wederhere ko.

²⁶ Babere bali balya; Yesu arhol'omugati, n'enyuma zo kuvug'omonkwa, aguchamo, aguh'entumwa zage aderha: Murhole, mulye, ogu guli mubiri gwani ²⁷ Ashubirhol'engumbu n'enyuma y'okuvug'omonkwa, ayihabo aderha: Munyweko mweshi; ²⁸ Bulala eri shagama yani, shagama y'echihango, yasheshekal'enyanya zenyu, omukubabalirwa kw'ebyaha. ²⁹ Mbabwire: Ntakachinywa kwelyolehe ly'omuzabibu, kuhika olusiku nji nashubi linywa buhyahya haguma nenyu omu bwami bwa darha.

³⁰ Babere bamaliyimpa baj'okuntondo(musozi) ye Mizeyituni. ³¹ ababawira, omubudufu bwazene, nababera mweshi, njira y'okukumbagala; bulala biyandikirwe mpu: Nji nashurha lungeri n'ebibuzi byobuso byanashandala. ³² Aliko hanomba na mafuuka, nji nabarhanga Egalileya.

³³ Petero arhola omwazi, aderha: Hano mbera abandi enjira y'okukumbagala, nyon'orhayimbera chiro n'ehityu.

³⁴ Yesu amubwira: Nkubwirere okuli, oluhazi lwabika, mubuno budufu eri wamampakana kasharhu.

³⁵ Petero amushubiza: Ntaka kuhakana, chiro kwaba kufa haguma nawe ntaka kuhakana. Nabigirizwa boshi baderha ntyo.

³⁶ Haliri enyanya, Yesu agenda haguma nabo ahantu hahamagalwa Gestemani abwir'abigirizwa bage: muyikale hano, okunanachichunda mpeme Nyamuzinda. ³⁷ Arhola Petero nabene Zebedeo babiri arhonder'okuyunva oburhe na maganya. ³⁸ Ababwira: Omurhima gwani gwagayire kuhika okufa; mubere hano, muyirize haguma nani. ³⁹ Achichunda ntambo zigek'embere, achijugunya okumalanga, ahema ntya: Darha, ongezez'echi eyingumbu akaba byakagalika! saliko kurhabaga kulonza kwani sikube kulonza kwawe. ⁴⁰ aja emund'abegirizwa bali, ababugana bajir'ero, abwira Petero: murha yirize chiro haguma nani! ⁴¹ Muyirize mu naheme Nyamuzinda, yi murharhogera omu marhangulo, omuka gufumbire, salik'omubiri guzambire. ⁴² Ashubi chichunda obwakabiri, anahema ntya: Darha, akaba birhakagalika eyi ngumbu egere ntanayinywere, okulonza kwawe kujirike! ⁴³ Ashuba galuka, abugana kandi balyamire; bulal'amesho gabo galizidohere n'ero. ⁴⁴ Abaleka kandi, ajihuna obwakasharhu, ey'anaderha ebyo binwa byenebyo. ⁴⁵ Ashubi ja emunda abigirizwa bali ababwira: mulyame muhumuke! Tala oku akasanzi kali hofi, na mwen'omuntu ahanirwe omu maboko gabanyabyaha. ⁴⁶ Muyumuke, rhugenda; tala, owampana ayinjire.

⁴⁷ Oku Yesu anachiri aderha, babona Yuda muguma wabalal'ekumi na babiri ayinjira haguma n'olubaga lunene baherh'ebyoji n'orhurhi, barhumirwe n'abadahwa bakulu na bashamuka bolubaga. ⁴⁸ Oyo wamuhanaga abag'aherebo echimenyiso: Mp'olala nakahobera eri yoyo, mumufarhe. ⁴⁹ Agera aha Yesu ali, aderha: Mahyo, Rabi, amuhobera.

⁵⁰ Yesu amubwira: Mwira wani, ebiwayinjaga jira, obijire. Ntyo kwabo bantu bayinja bahira Yesu fune, bamufarha. ⁵¹ Ntyo kumuguma mwabo baliri na Yesu, ashoshola omupanga gwage, alambula okuboko kwage ashurha mwambali w'omudahwa mukulu, anamuch'okurhwiri. ⁵² Yesu amubwira: galul'omupanga ahagubera; bulala ngasi oyirha oki mupanga nj'afa okumupanga. ⁵³ Omanyire oku nta yakuza Darha, antumir'engbo zirhalukir'ekumi n'ebiri zabamalaika? ⁵⁴ Gurhe amandiko, gaderher'ebi nji gahikirira? ⁵⁵ Mwak'okashanji Yesu abwir'olubaga: Mwayinjaga nfarha nkandi nkola maligo, haguma n'ebyoje n'orhurhi. Nalamire esiku zoshi haguma nenyu, ndinayigiriz'omushengero, murhanafarhaga. ⁵⁶ Aliko ebyo byoshi byahikire mpu ly'amandiko ga balebi gahikirira. Ntyo kwabigirizwa bamulekere boshi, bayaka.

⁵⁷ Abafarhaga Yesu, bamuhek'emwa Kayafa mudahwa mukulu emund'abandishi na bashamuka baliri omuhano. ⁵⁸ Petero amukulikira n'okuchiyeguza kugera omu mulango gw'omudahwa mukulu, ajamo, ayikala haguma nabakozi n'okulola okwebyo byahwa. ⁵⁹ Abadahwa bakulu n'ehano lyoshi ly'abashamuka balonz'obuhamirizi bubi bashwekera ku Yesu, bokumuyirhisa. ⁶⁰ Aliko ntabo babwene, chiro abahamirizi banene b'obubeshi bachiyereka, okubuzinda, hayinja babiri, baderha: ⁶¹ Oyula aderhaga, mpu: Nakashanda akanyamuzinda, n'okushubi kayumbaka omu siku esharhu.

⁶² Omudahwa mukulu ayumuka, amubwira: Ntacho washuza? chichi ababalume yi bakuhesa? ⁶³ Yesu achisirira. N'omudahwa mukulu, arhol'omwazi amubwira: Nkulapisize, okuzino lya Nyamuzinda olamire, orhubwire akaba woyo we Kristu, Mugala wa Nyamuzinda.

⁶⁴ Yesu amushubiza, waderhereko, kandi, nshubiri babwira, kurhenga ntya, mwabona mwen'omuntu ayiker'ekulyo okubuhashe bwa Nyamuzinda, n'okuyinj'omubichu by'empingu.

⁶⁵ Omudahwa mukulu eri ayunva ntyo aber'emishangi yage aderha: Agomere! chichi rhwachilonzez'obuhamiriza? Murhayunvirhe mweshi obugomi bwage. ⁶⁶ Gurhe mubwene? bashubiza, baderha: Akwanen'ogufa. ⁶⁷ Bamuchira omu mesho, n'okumushurh'ebigalo; n'ebifundo, n'okuderha: ⁶⁸ We Kristu, orhubere, inde okushurhire!

⁶⁹ Petero aber'ayiker'embuga omulugo, mujanyere mugum'amuyeger'amubwira: Nawe waliri haguma na Yesu w'Egalilaya.

⁷⁰ Aliko Petero amulahira omu bantu boshi n'okuderha: Ntenji echolonzeze okuderha.

⁷¹ Abere ali aj'ebwamulango, owindi mukozi amubona, abwir'abaliri aho: Oyu naye aliri haguma na Yesu we Nazareti.

⁷² Ashuba mulahira n'echilapo: Ntenji oyu mulume.

⁷³ Okubuzinda, abaliri aho bayegerera Petro, bamubwira, kubinali, oli mugumwa wa balira bantu nawe, bulala oluderho lwawe lwa kuyerekene.

⁷⁴ Ntyo ku Petero alemere akaga n'endahiro: Ntenji oyu muntu. Honah'oluhazi lwabika.

⁷⁵ Petero ayibuka omwazi Yesu aderhaga: Ember'oluhazi lubike, nji wandahira kasharhu. Ahuluka, alaka bwenene.