¹ Omulala gwa Yesu Kristu mwene Daudi, mwene Abrahamu.

² Abrahamu aburha Isaka, Isaka aburha Yakobo, Yakobo aburha Yuda na bene babo.

³ Yuda aburha Fara na Zara oku Tamari; Fara aburha Hesroni, Hesroni aburha Aramu.

⁴ Aramu aburha Abinadabu, Abinadabu aburha Nasoni, Nasoni aburha Salomoni.

⁵ Salomoni aburha Boazi oku Rahabu, Boazi aburha Obedi oku Ruta, Obedi aburha Yese,

⁶ Yese aburha mwami Daudi. Mwami Daudi aburha Salomono oku mukaa Uriya.

⁷ Solomono aburha Roboamu, Roboamu aburha Abiya, Abiya aburha Asa.

⁸ Asa aburha Yosafati, Yosafati aburha Yoramu, Yoramu aburha Oziase.

⁹ Oziase aburha Yowatamu, Yowatamu aburha Akazi, Akazi aburha Ezekiyasi.

¹⁰ Ezekiyasi aburha Manase, Manase abrhu Amoni, Amoni aburha Yoziyasi.

¹¹ Yoziyasi aburha Yekoniya na benebabo, eri bali omubuja bw'eBabiloni.

¹² Eri barhenga omu buja bw'ebabiloni, Yekoniya aburha Salatiyeli, Salatiyeli aburha Zorobabeli,

¹³ Zorobabeli aburha Abiyudi, Abiyudi aburha Heliyakimu, Heliyakimu aburha Azori.

¹⁴ Azori aburha Sadoki, Sadoki aburha Akimu, Akimu aburha Eliyudi.

¹⁵ Eliyudi aburha Eliyazari, Eliyazari aburha Matani, Matani aburha Yakobo.

¹⁶ Yakobo aburha Yozefu eba wa Mariya, ye nina wa Yesu, oderhwa Kristu.

¹⁷ Haliri maburhwa goshi e kumi na mane kurhenga Abrahamu kugera oku Daudi, maburhwa e kumi na mane, kurhenga oku Daudi kuhika oku buja bw'e Babiloni, nago gandi maburhwa e kumi na mane, ku rhenga uku buja bw'e Babiloni kuhika oku Kristu.

¹⁸ Okuburhwa kwa Yesu Kristu kwa liri ntya: Mariya nina wa Yesu abere ashambazwa na Yozefu, babona akal'agwerhe obukule oku buhashe bwa Muka ochere, eri barhashwiraga menyana na Yozefu. ¹⁹ Yozefu, eba aliri muntu mushinganyanya arhalonzaga okumukoles'eshonyi, alonza oku muleka omu bwibisho. ²⁰ Okw'achiri aganiza, Malayika wa Nahano amu bonekera omu bilorho amubwira: Yozefu mwene Daudi orhayubahaga okurhola Mariya, mukawe, bulal'obukule aherhe buyinjire na Muka ochere. ²¹ Nj'aburha omwana, wanamuha ezino lya Yesu, yi nji wa chungula abantu bage okurhenga omu byaha. ²² Ebyo byoshi bya bantyo mpu yibihikirira bi Nahano aderhaga kugerer'omulebi: ²³ Lolaga, omu bikira njab'obukule, ana burha omwana, banamuha ezino lya Emmanueli; kokuderha Nyamuzinda haguma nerhu. ²⁴ Yozefu azukire, ajira nko ku Malayika wa Nahano amubwiraga, arhola mukage. ²⁵ Aliko barhamenyanaga kugera aha burhirag'omwana w'oburhabana. Amuyirik'ezino lya Yesu.