¹ Ba bua kobukea bato bondiya ambe bite, bukeangi bane. ² Bondiya bokobukeya kae bane nabo bukeleli si owa obuka bane, ke bo o-pima kai owe na kipimo si tchea tcho ko pima owe. ³ Mo tchei omona ibunge mo liiso ya munakabe, eke wa kamba komona lobao si owa ika mo liiso yaei? ⁴ Ke boni weengame koena na munakabe: "Ekane toese owe ibunge mo liiso yabei?" ⁵ Mo kesi toesa n'kasa boso lobao n'nkati ya liiso yae ke maili si wa mona bosali mo kotoesa ibunge mo liiso ya munakabe. ⁶ Bua koesa n'ngba besima ba phfenena, ke bua koombola besima bino ba okti boso ya ba ngulube, mokotina mbe bite kpota kpotangi bo, bite subokeangi mo koa-sowa bane.

⁷ Ombai, ke bo koesai bana; phfanai, ke bo koeselekai, ke bokandolea bane. ⁸ Bondiya owa wokoomba okoeselekai lubeya molango, owa o okophfana o opatai, ke bookandoleai owa a oolubea molango. ⁹ Nani n'nkati ino yo koesa manaande iwe, aika m'mba waombake mokati? ¹⁰ Ama, wa wokoomba m'mfe, waeseleka ndjokai? ¹¹ Aika m'mba bane bato ba beya, beli koesa bana bino besima besaali, ke boni Ise wino si owa uka kio o koesai besima ko bana bande. ¹² Eya yoose yeeme mbe bato batelee bane, teleai kae bo yo, bondiya ikai angule ke na balondoi.

¹³ Ngeai ko molango ya kpatana bondiya molango aphfalalo; ikai mboka sieya yoobia mokolimena, ke nguma yo ko n'ngeyangai moo. ¹⁴ N'ndi molango ya kpatana mboka ya phafalala yo, yo koisai mo koika ke bato baangowai bo koetanga moyo.

¹⁵ Tinai balondoi ba n'nanga. Bokulai koakino na ntulu ya mekoko, n'ndi n'nkati ya bo bikai m'ngba ya okonda. ¹⁶ Bo koeba bo mo touma tabo. Bo ko konyowai louma n'nkati ya mikei ke touma tatino kio na tokelekelei? ¹⁷ Kate kasaali koose ko kobotangai touma tosaali, n'ndi kate kabea koose kobotangai touma tabea. ¹⁸ Kate kasaali kiteengame bande na kobota touma tabea, ke kate kabea kitengame bande na kobota touma tosaali. ¹⁹ Kate koose si kaa kito kobota touma tosaali. Ko bukekai ke kamboleka mo koya. ²⁰ Ikai mo touma tabo n'ndi bo koeba bo. ²¹ Baa bo koenea nane: "Mokolo, Mokolo! Bitokongea ande boose n'nkati ya bokota ya kio, n'ndi owa lika okoota bua eeme Tata si owa uka kowa kio. ²² Nguma ekaenai nane botu si: "Mokolo, Mokolo tita enanga mono maondi si ma mekala na lina ya bei. Tita benganga mono mesombo ya bea-bea na lina ya bei? Ke titatanga mono maondi mabua, mamanuni mo lina bei?" ²³ Mo boobo nokeenai na bo phfololo: "Ntaebanga bane bane, tokai bakama nane, bane bati ba kobea."

²⁴ Mo boobo, owa okongba maoki sima mano mo koena noo, ke wata moo ko mekambo, oko engamesanai na moto wa boeli siowa owa. ²⁵ M'bua yaokangai, mophfofo yala, nakia kolubea mo lumba sieyo: "Ita keanga bande, bondiya yaimanagai kio na iwe." ²⁶ N'ndi owa o koongba maoki si mano maenake noo, eke obuwa kota mo na mekambo, oko engamesanai na moto owa tchebebe si owa waimetchanga lumba yande kio na ibunge. ²⁷ M'bua yaokangai, to phfefeli tala, ke nakia kolubea mo lumba si eyo: "Yo nakokeya."

²⁸ Maili ya Mbali ko manena maoki si mano, nguma ya bato na kosangala mokongba maondi si, ²⁹ ikae, baphfeneni, m'mba bowa Ise wino wakiyo uka mophfeneni.