¹ Ba Falisayo na ba Sadokayo na kobaka mesa Mbali ko mobe ke baohana mboka ya kokelekesa we na ko'omba mbe wa moesebo n'nembe ya otoka koa kio. ² Mbali na kosumbolea bo: "iyo yokoena; ke yo tondanayi, bondia kio ketehe; ke na m'pendu yoose:" ³ Okoikai na n'yanga ya mophopho ya bea, bondia kio kika na langi wa teaka kotupa -tupa. Beli ko fofoya boekeleli ya kio, ke bito kokola bino ko fofoya n'nembe ya n'nyanga. ⁴ Liboti emo bo engela na ilemba bokoome ba bondi omo yako sangalesa; ito koeseleka anda ophe bondi ya sangalesa bo mba owa otelekea nga Jonase. We na kotoka n'nkati yabo, kewe na kia.

⁵ Baeki, mo koeta okonge ya ibe, na koibea kobia mekati. ⁶ Mbali na koena nabo: "ikai na otendela ko mekambo ya bea ya ba Falisayo na ba Sadokai."

⁷ Baeki na koengelea n'kati yabo, na koena: bondia taibe aki kobia mekati.

⁸ Mbali, na koeba bo, ke waena motchei koenyela koakino anemine bato ba koakoa ka ngoa mo isina sieya bite biebin mikati? ⁹ Bauwa bino na maenyeli, ke bito koengelea kaemekati itano na bato elfu itano kemeho inga abianga bane. ¹⁰ Ango mekati mochoendi na bato elfu ina ke mehoinga abianga bane? ¹¹ Mo chei bane ko kanga koeba mbe itaikanga ande bondia mekati ndi neenangai nino? Ikai na kolanga ko beteleli ba bea babafalisayo na ba Sadokai. ¹² Mo boobo bona keeba mbele itaikanga ande bondia tcheombe, tcha mekati Mbali weena nga na bo mbe ba lange ndi mo koebeleka kaba Falisayo na ba Sadoka.

¹³ Mbali, naofika ko motanga ya Cesare na Filipo, we na ko phiphea baeki: "MAna Moto? Hii nani?"

¹⁴ Bo na kosumbolea we: "bamo? Mbe uki yo hani mon'nyi, baphe Elia, baphe Yelemia, omo wabalondoi."

¹⁵ Ke bane baeki, "mbele noo nikai nina"?

¹⁶ Simona Petèle na ko sumbolea we: "ukai Klisto; Mana Mokonga sowa uka na koika."

¹⁷ Mbali, na koena ephe, ukai moto wa ome, Simona mana Yona auwande mobena makia alimbo aka oweeyo, ndi ikai Tata siowa uka kio. ¹⁸ Noo neenaki nabe mbele ukai Petèle kio na iwe sieno (Petelo) no koimetchi etanda yane, ke melango ya tchesetcha ba pki bito nyengesa ande yo. ¹⁹ No koesai owe n'fungula ya bokota ya kio: eya yokanda owe motchesé yo kandeki kio, ke ey yo kandoa owe mo tchesé yo kandokai koakiyo. ²⁰ Mo boobo we na koekesa baeki bauwa koebesa moto mbele ukai Klisto.

²¹ Boso na ayowo Mbali waandja ngai koebesa baeki mbele aengamangai nande kia yelusalema, komoneka moobi iboka kobakolo bato ba motanga, mekota ya batondoli ba Mokonga na ba Andiki bokoiyai we, ke no koimokia n'kati ya baphi maili ya n'su isato.

²² Petèle na kobunda we, na koekesa we, na koena: "koya ka Mokonga ito koakoleka ande mokolo! Eyo ito kuyulea nde owe." Ande mokolo! Eyo.

²³ Ndi Mbali na otimbokea we, na koena na Petèle: "eta maili wane mosombo ya bea okesa noo maenyeli mabe ma uwande maenyeli ma Mokonga ndi ma bato." ²⁴ Bena boobo Mbali na koena na baeki bande: "owa waema koonda noo waeke omune ke wa bilieka yande ke waonde noo." ²⁵ Bondia owa weeme koondesa koika kande olimesai ko, ndi owa olimesa koika kande bondia ane opata ko. ²⁶ Isina ya tchei moto kopata yoose ya tchese, ke walimesa mosombo ande? Moto oko anyanyesi mosombo yande na tchei? ²⁷ Bondia Mana Moto ukulai n'kati ya okuku ya ise, asimaa mo na bakitomo; kena boobo okoabe a moto na moto koengamesana na mekambo yande. ²⁸ Liti nokoena nino, bato bano n'kati ino bito kpaande mbele biti na moni Mana Moto kula n'kati yabo kota yande."