¹ Hanyuma Yesu kulombwelwe na mteema ukia mkola bululi katonjwe na ihingili. ² Helihwile uhamba masuku maumi mana busuku na chuba gee noo umona ndala. ³ Mtonji kuchwile nuukanina, Nambo kokwe wee mwana kwa Abetcha Pungu, sambila mano mawe mabe mikati. ⁴ Yesu kukaile na ukanina, “Bikolilwe, mtu kushiba ya mikati ka, kubi wa kila inwa iihuma mmanywa aa Abetcha pungu” ⁵ Ihingili kummilile mmbuka gwa kihaha na uu chinya hekuluu ha mwamba kwa hekalu, ⁶ Na ukanina, nambo kokwe wee mwana kwa Abetcha Pungu, litele hasi, yulu bikolilwe, kwituma bamalaika bachwe uuswala, na biikuha mmaboo mabo, yulu ushi hyatale uu liwe. ⁷ Yesu kuumsambile, “Ihyaka bibigoolwe, nangu uumtunda Mlume Abetcha Pungu gobe” ⁸ Ihyaka ihingili noo ukuha na uumsecha mpaka loono lwa lulahu na uummonya buolo bose bwa hano ha mkala na biose byu ukema. ⁹ Kuusambile, “niuha bitundu bino byose ubenginamina na umungila machwi. ¹⁰ Yesu kumsambile, ubekya lobe huma hano, ihingili! Bululi bili bigolwe, ulingie uumbungila machwi Mlume Abetcha Pungu obe, na ukilila gee buchima bwake. ¹¹ Isula ihingili kuleile, noo umona bamalaika bachwile uumkilila.

¹² Haho Yesu helehuliche Yohana kwawaswa, kukile lwake Galilaya. ¹³ Kuhumine Naraleti kukile ushama Kapelenaumu, mbuka kili mibamba mwa ichiba ya Galilaya, u bisula bya mabuka ma Zabuloni na Nafutali. ¹⁴ Bibio biitiye iwilile iya idokominywe na ebuulii Isaya. ¹⁷ Utula mengo Yesu kutulile mitambila noo ukana, Longiwe mitima, «bululee buholo bya hekulu bwahuhia>>.

¹⁸ Hebele huena mibamba mwa ichiba ya Galilaya, kumonine babuswa Petelo, na Andele mmulwake, babele huteka maila mmiichiba, yulu babele balobi ba swee. ¹⁹ Yesu kubasambile, “chuuwe mndame, nibaita uba Balochi ba batu.” ²⁰ Hoka haya bashikile maila nabo na uulama.

²¹ Na Yesu hekile nakia uhuma haya kumonine bange babuswa babili, Yakobo mwana kwa Zebedayo, na Yohana mmulwake. Babele mnda bwato hamwechi na sabo Zebedayo bali hulongia maila mabo. Nuubakita, ²² Wa abilo bashikile bwato na sabo nabo noo uumlama.

²³ Yesu kuchunguluile alibu Galilaya liose, kubele hugikia mmihwilo mabo, na ulisamba mwano kwakubenju kwa buolo, na uhonya basumwa na bashi huliosha m'batu bose. Mwano kwake kuhulichiwe shamu gyose, na batu bamchilile na ²⁴ baya bose bene babele basumwa, bashihuliosha, bilema, ba mishi ba bifafa. Yesu kubahoninye. ²⁵ Batu bengi bamlamine, uhuma Galilaya, na Dekapoli na Yelusalemu na ubayahudi na uhuma m'bwala mwa Yolodani.