¹ Mamo mengo Yesu kuhishile mmabala chuba lia ulitucha. Bakikiwa bake babele na ndala batulile ukeda kusumbu lenge nuuya. ² Bafalisayo habamonine bibio, Basambile Yesu, “Lolaka bakikiwa bobe bahubela m'bindo bakila bishilingie,” ukila chuba lia ulitucha.”

³ Yesu kubasambile, Mushinasoma biishile Daudi, mengo mebele na ndala, hamwechi na batu bebele nabo? ⁴ Bielikingile mndu kia Abetcha Pungu; kulile mikate kia umonya, kushibele lingie ukiya na baya bebele nabo, kibele kia bibuli ka. ⁵ Mushi nasoma bili hukana m'bindo, chuba lia ulitucha bibuli bidokiche bia mlubunga, bashibalwe bubii? ⁶ Nihuumsambila benywe mmosobu uli lubunga kuli hano. ⁷ Nambo mwamana yulu ya bino binywa; nihubenja uleelela nangu lutangi; musaba babecha bene bashi na bubii. ⁸ Yulu mwana kwa Adamu noo Mlume kwa ulitucha.

⁹ Kuhumine ubo, na ukingila ii mmihwilo lyabo. ¹⁰ Lola, habele na kwa ilebe ya uboo. Bafalisayo bambuchiche Yesu, bakanine, Ile ibibenju uhonyia chuba lia ulitucha? bululi ba m'puate ubinywa.

¹¹ Yesu kubasambile, “Nanyi hawingi henyu, mine kuina mmoo kumwechi, nako nuukua mmina chuba lia ulitucha, kushi nakudabula na ukuhonya? ¹² Mtu ati noo mmpenju uhita mmoo? Wa bibio bilingie uita bibenju chuba lia ulitucha. ¹³ Hanyuma Yesu kumsambile kuya mtu, Kolola uboo obe kee nuukolola, oo nuuhona na uba nahii uya unge. ¹⁴ Bafalisayo batoboile hambukla uhunga yulu ba mmake.

¹⁵ Yesu helimanine bibio kuhumine haho. Batu bengi bamlamine; kee nuubahonya bose. ¹⁶ Kubahaninyie bashilisambe weli. ¹⁷ Bululi iwilile inyua na mbua Isaya ukana, ¹⁸ Lola, mkichi kwanyi kwandisobwele; kundwa kianyi, mtima kuanyi kumbendiche, na nibiya mtima kwanyi hekulu hake, Na kee kubasambile batu yulu ya mpendo. ²² Maya mengo bachuilile na mtu kwa miishi, bimbalaka, na ii ameme; kummoninye, na kuya ameme kudokomine na umona. ²³ Mwalo kose kukakilwe, bakanine kuku kushi mwana kwa Daudi?

²⁴ Bafalisayo habahuliche, bakanine, kushihuhunya miha bunene, i wa eehengili mmata kwa miha.

²⁵ Yesu halimanine malanga mabo, kubasambile, Buolo bulihukumana buo buine buisambalala; mbuka, ndu kia buimana kishikimana. ²⁶ Ihingili ibechiinga ehengili, yakumana yoo ine hahobuolo bwisalia bushikimana. ²⁷ Na nene nabehunya miha wa ehengili, Bibio! baana benyu basukihunya yulu ya nanyi? Wa bibio babo noo bene bii mpendela. ²⁸ Nambo nene nihuchiinga miha wa uoma wa mtima kwa Abeca Pungu, haho buolo bwa Abeca Pungu bwahuhua uuchuila.

²⁹ Binaba wii mtu ukingila mndu kia mtu mine kwiina uoma na uswala bibia byake, nage kushinammamba mine kwiina uoma? haho kunabiswala bia bitundu byake.

³⁰ Mine kushi hamwechi nanyi, kuli piukutula nanyi, na mine kushihuongola hamwechi nanyi kulihusala.

³¹ Wa bibio nilihumsambila, Bubi bose na binywa biose bia msebululo bileelelwa batu, ila wa usebulula mtima kushileelelwa. ³² Na mtu kekese kwidokoma inywa yulu ya mwana kwa Adamu kwileelelwa, kuya mine kuidokoma inywa yulu ya mtema kuhaha kushileelelwa mmino ibabo ya lino ata mmiia yichua.

³³ Mukuite mti kube kubenju na biguma byake bibe bibenju; bishi biya mukuite mti kube kubii na biguma biake bibe bibii, yulu ya biguma mti kulihumanywa. ³⁴ Benywe ibushi ya ndoa, benywe babi, munoosha wii udokoma bibenje, benywe babi? Bululi anywa a mtu asuudokoma bia bikiluchu mnda mtima kwake. ³⁵ Mtu msoga mmakiba abenju musuuhuma bibenju; na mtu m'bii mmakaba abii kusuuhunya bibee. ³⁶ Hano, nihumkanina, inywa yose ishi ibenju, yidokomwa na batu bose baebalo, kwibala byose chuba lya mpendo. ³⁷ Bululi wa binywa byobe wibalwa kiine na wa binywa biobe wii bendilwa.

³⁸ Haho bamwe bakochi na Bafalisayo bamkaile, bakanine, Mkikia, tulihubenja tumone bisaka olii.

³⁹ Kubakaile na, nuudokoma, ibushi ibii na ye lusengu ilihuenga bisaga, na ishihewa bisaka, nambobisaka bia mbua Yona. ⁴⁰ Nahi biya Yona biebele masuku matatu chuba na busuku mnda mwa swii, bioka bibio noo bibi Mwana kwa Adamu bieli masuku matatu chuba na busuku mnda mtima kwa sii. ⁴¹ Batu ba Ninawi bikimana chuba lia bendela hamwechi na batu ba ino ibushi, bibabendela yulu ya bubi bwabo; boo balongiche mitema, wa mwano kwa Yona; Na hano hali mmata uli Yona. ⁴² Mma-olo kuhumine ihindakala ya mmanda kwikimana chuba lya mpendo hamwechi na batu ba ino ibushi; nagee kuibabendela yulu balubile; bululi kee kuchuile uhuma isula ya ibalo kahuliche lwengu lua Suleimani, na hano hali mmata uli Suleimani.

⁴³ Miha hakisuuhuma mtu, kisukia ushama hashi madi, kisuenga hulitucha, nangu uhamona. ⁴⁴ Haho nuudokoma, Nikiwila mndu kianyi kiandi humine; na kabechua, ukimona hululu, kihiakilwe, na uhahachwa ⁴⁵ Gee noo ukia abilo, ukuha kinge miha njwiikia kibii uli kee mine, nabo noo ukingila na ushama mmo; na kuko mtu mishaminyi kyake kya isula ii kibii wa kiya kia kwanja. Noo bibii wa ibushi ino ilii ibii.

⁴⁶ Hebele hudokoma ihichi ya batu, lola mnake na bashiwabo babele bakimanyu hambuka, bali hubenja uudogoma nake. ⁴⁷ Kumwe mtu kumsambile “Lola, mnobe na bashiwenyu balihubenja badokome nobe.”

⁴⁸ Kukaile, nuumsambila kuya kummele mwano, “Mago mnanyi? Na bashiwetu noo bananyi?” ⁴⁹ Kubakolwele bakikiwa bake uboo na ukana, Lolwe baba noo Mago na bashiwetu! ⁵⁰ Wa bibio kekese mine kwikila bili hubenja Tata kwa hekulu, kuko noo mshiwetu, kachanyi na Mago.