¹ Mutu tolaviko mutou oka me mutu kuwani vavea lemutu loloma veru matra na tamata meru tolaviko mutou ke, kodaki ke ena jikai e kiya vuwako mutou ena nokoto na kea i sau mai vuwa o tamadatou vo nokoto no mai lomalagi. ² O kiya ikwe, niko o vaveya na loloma, mo kuwa ni uvia na davui vemu mata, me kodaki niru dau vaveya na dau valavala ca i na vi werenilotu qeniya na vicalevu, meru dokai ke vuwadru na tamata. Aqu vo kwajina vuwako mutou, evo notu ga vuwadru na keya i sau. ³ Ia o iko niko vo soli kwa ni loloma, me kuwa ni kilajiya e lima i mawi na kwa e vaveya mu lima matau, ⁴ me cilo ke na lemu i loloma. Ia o Tamamu e tolaviya na lemu jina ena saumiya vuwako.

⁵ ''Ia ni o vo masu mo kuwa ni kodaki o rau nai valavala ca, niru vo okajia meru tucake ina vi werenilotu qainiya na vi calevu niru vo masu, meru tolavidru ke o rau na tamata. Aqu vo kwaya jina vuwako mutou e vono tuga vuwadru na kea i sau. ⁶ Ia o iko, unu vena lemu rumu. Ia ni o vo sogojia na keya mataniwere masu vuwa o Tamamu, e tabogo vo varorogo. Io o Tamamu ena saumiya ga vuwako. ⁷ Ia ni mutu vo masu mo kuwa ni tata balavu boto meru kodaki o rau na tasi lotu, niru vo numiya niru na rogoci niru vo tata balavu. ⁸ O kiya me mutu kuwa ni kodaki igi, ni vo kilajiya devu tu i mata o Tamamudou na kwa e yaga vuwako mutou, a qai bere na lemutu kerekere vuwa. ⁹ O kiya me mutu qai masu kodaki ikwe: 'Tamamadou mai lomalagi, me varokorokotaki mu yaca ¹⁴ Kodaki mutu tasi ocajidru na tamata eru vavea na kwa bura, ena tasi ocajiko mutou muni o Tamamutou mai lomalagi. ¹⁵ Ia kodaki mutu na ocajiko mutou muni ena vuku ni lemutu vai bura vuwa o Tamamutou.

¹⁶ Ni mutu vo lolo, kuwa ni vaveveku takiniya mu mata, meru kodaki o rau na dauvivakwaisini, niru vo vavitaliya takiniya ru mata. me rewa niru kilajiya na tamata na ledru lolo. Aqu vo kwajina vuwako mutou, evo notu ga vuwadru na keya i sau. ¹⁷ Ia o iko nio vo lolo, waliciya vemu ulu mataverau jiya mu mata ¹⁸ me kuwa niru daniya na tamata na lemu lolo me kilajiya ga o Tamamutou vo cilo; ia o Tamamu ena daniya na kwa e cilo tu vuwako.

¹⁹ ''Mutu kuwa ni soqoni vata vuwako mutou nai yau va vuravura, e dau vaburaniya ke na sarasara qainiya na veveka, ia o rau na dau driva ru na basukiya meru drivajiya. ²⁰ Ia mutu soqoniya vata ga na lemutu i yau mai lomalagi, ena tasi vaburaburatakiniya ke na sarasara se me veveka eru na tasi basukiya ke na dau driva meru na drivajia. ²¹ Ena nokoto no mutu yalo na vanuwa e nokoto ke na lemutu i yau. ²² Ka sina mu lala na mata. Kodaki e oka mu mata ena kakarama ke mu lala taucoko. ²³ Ia kodaki e bura mu mata ena gilogilo ke mu lala taucoko. Ia kodaki evo gilogilo na kakarama e notu mu yaloga ena qai kodako ivei na levu ni gilogilo igi! ²⁴ E tasi rewa ni kiya na tamata me qwaraviya rewa e rua na turaga, nina burajiya e kiya qai lomaniya tale e kiya se na kabijiya e kiya qai beciya tale e kiya. Mutu na tasi qwaraviya rewa na Kalou qainiya nai yau. ²⁵ Me kodaki quvo kwaya ke voko mutou, me mutu kuwa ni lomaocaoca takiniya na vuku ni lemutu cola ena kwa mutu kania se na kwa mutu somiya se na kwa me balejiya mutu lala qaniya na kwa mutu vaisulu ke kwa levu na cola na cawa e kwa lailai se jikai? na lala muni e kwa levu e kwa lailai nai sulu se jikai? ²⁶ Mutu tolaviya na manumanu vuka niru tasi dau kaburakiniya se tamusuki jia sara vasoqoni jia vata ina ledru lololo, ia vo vakanidru tu ga o Tamadru va lomalagi. E cva mutu tasi yaga valevu cake vuwadru ikwe? ²⁷ Ia o cei voko mutou ena dau lomaocaoca ena rewa ni vakuriya valailai ga na siga ni leya cola? ²⁸ Ia mutu vo lomaocaoca ena vuku ni sulu? Mutu vanumiya re na viavia ni vikaikai e cola vacava eru tasi dau cakacaka se ru dau tatali. ²⁹ Ia mequ kwa voko mutou o Solomoni ena leya ukuuku taucoko eru tasi vaisulu me kodaki e kiya vuwadru ikwe. ³⁰ Ike kodaki evo vaisulutakiniya na Kalou na mau ni vikaikai, vo notu ena gauna nikuwa a qai biu ina i vavi, veiqwata ena jikai ni gujia valevu cake me vaisulu e rui lailai lemu vabaujiya? ³¹ O kiya ikwe me mutu kuwa ni lomaocaoca takiniya se mutu kwaya, 'Na cava medu kania?' se 'Na cava medu somia?' se 'Na cava me mutu vaisulu ke?' ³² Niru dau vadaniya na lewenivanuwa ni vo kilajiya tamamutou valomalagi ni yaga voko mutou na kwa taucoko ikwe. ³³ Ia mutu vadaniya simata re na matanitu ni Kalou qainiya na keya yalo dodonu ia ena qai soliya o kiya me keya i kuri na kwa taucoko ikwe. ³⁴ O kiya me mutu kuwa ni lomaocaoca veiqwata, ena vuku ni keya kawa vo raujiya na keya siga qaniya na keya bura.