¹ Muri na parava na Sabat, ni vaka tubu a parava, Maria Makdala turana e huriki e Maria ranga ri valai ni masia tum. ² Vona ra parava ia, i tahoka tara vuruke, pali a engel e Deo i puru valai na hunu, i valai i vaka tere talea kedo, pali made langa vona. ³ Rea i para manga maravila, pali a varikia vona i kea manga ais. ⁴ Pali e huriki a nugu maheto ri mangege ri manga rigi mate. ⁵ Pali ra engel i ta kamumu vona ra ngatavine nga pali tamaea,"Mu nahani mangenge, Iau a palala maia mua mu mata kanea e Isu, Erei ni vaka tau na bolo. ⁶ Ia i uka hini koia, ia i hadongo, manga hiningi ia i taki. Valai mu masia hiningi ni ru e Viri dagi vona. ⁷ Mala viri mu vakalongo e huriki a murimuri vona, 'Ia i hadongo mule na ni mate. Masia, Ia i muga mua i lakea o Galili. Vonga bari mu mataia.'Masia, Iau a taki matou." ⁸ Huriki a ngatavine ri mala viri kunana ri pea tum ri nunu turana ni vivi, ri nunu rigi taki e huriki a murimuri vona. ⁹ Vonga, E Isu i matai ria pali tamaea,"Haro matou! huriki angatavine ri valai, ri pasike puru na pakana ri kavurikea. ¹⁰ Muri e Isu i taki tou maeae,"Nahani mangege, Vano moto taki e huriki a turagu rigi lo Galili rigi matai Iau vonga."

¹¹ Pali na tahuna viki tolu a ngatavine to vano, mavonga ranga nugu maheto ri lakea na tanga dagi ni vaka longa maka mugamuga na ara maki bele. ¹² Pali na tahuna huriki a mugamuga a matakari ri vanana mule ne ria, ni habi na nugu maheto a moni dagi ¹³ pali ni taki ria maea,"Taki e huriki ranga maea, 'Isu i valai huriki voravora vona na rodo ri panahoa na tahuna ia i mahita.' ¹⁴ Ra ngava iea i bele na gavana, teu bari te ta turana pali ge nahani rata hale matou." ¹⁵ Hurika nugu maheto ri bole a moni ne ria pali ri ramae ara maki taki ne tou togo rata. ra ngava iea ge vano ge lakea lobo ne hurika Juda pali tabuli valai i mona.

¹⁶ Pali huriki a murimuri vona ri vano ri lakea o Galili, lakea na hurika lolo i taki tou vona e Isu. ¹⁷ Tahuna to mataia, tou to kavurikea, pali ranga i tamudi hale lae. ¹⁸ Isu i valai ne tou i taki tou i tamaea,'Hurika ni tora lobo ni habi pali ne matou go mugea lobo a maki na hunu a malala. ¹⁹ Mu vano mu lakea lobo vona malala mu rata e huriki ge ria murimuri nau. Vahilolo ria na rane Tamana e Tuna, pali e Hanu kiripiripi. ²⁰ Tovo ria ni ramaea ngava o taki ria vona. Masia, Iau a made turane mua vakaroro, vano na ni lobo na parava."