¹ Na parava na Sabat Isu i laho lakea ne virika hania na wit lakea hurika murimuri vona ri vitolo ri bole a tuna wit ri kani. ² Pali a tahuna e hurika Farisi ri matai ra hini nga, ri takia e Isu,"Masia, navai e hurika murimuri kama ri ramai lo na parava na Sabat." ³ Pali e Isu i taki maea ria,"Mua kama mu gia ara maki e Devit i rata turane hurika bakovi erei i made turana na parava ia i vitolo? ⁴ Ia i lakea na ruma e Deo i kani a bret i tambu, ra hini nga kimi kara ia ge bole ranga ge habi ne hurika tara ri made turana. Ra bret nga i kara kunana e hurika pris bara ri kani? ⁵ Ioe komo gia ra lo i ta maea na parava na Sabat hurika pris na tempel ri polotaroa lo na parava na Sabat pali kama ri tahoka potu? ⁶ Pali Iau a taki maea mua tara i dagi na tempel i tabuli koea. ⁷ Pali ri ioe o lohoka vona ra vuhuna ra ngava iea,'Iau a ngaru a ni dodo kama ni habi,'komo go kara ni kotim huriki a tara ri uka potu. ⁸ Na rana, Tuna Bakovi ia i Dagi na parava na Sabat."

⁹ Muri e Isu i pea tabeke nga i dili pololilo na ruma ni vasileki ne hurika Juda. ¹⁰ Na tabeke nga, tara bakovi i hale a limana i made. Hurika Farisi ri nanea e Isu,"I kamumu ni vaka mahuri a bakovi giloa na parava na Sabat?"Ri rata ra ngava nga rigi padi virihi a ngava ne Isu ia i rata sin. ¹¹ Isu i taki ria,"Pali tara turane mua i tahoka sipsip i taku, pali na parava na Sabat ra sipsip ia i boru puru na lovo, pali re ia koma ge koria ra sipsip iea? ¹² Bakovi i polotano na sipsip, mavonga i kamumu ni koria na parava na Sabat. ¹³ Isu i takia ra bakovi iea maia,"toto talea limamu."lakea i toto talea limana, lakea limana i kamumu tabu manga limana tara. ¹⁴ Huriki a Parisi ri pori ri mata kana ranga dala ni bimatena e Isu.

¹⁵ Isu i palala vona pali a ni luhoi ne ria, lakea i hataro ri i vano. Huriki a bakovi ri muri vona, lakea i vaka mahuri ria lobo. ¹⁶ Lakea i taki ria maia nahani rigi taki e huriki ranga maia ia erei, ¹⁷ ia bari bele manga ngava i takia e profet Asaia. ²¹ na rana kunana e huriki a Gentael bari luhoi torea."

²² Muri tara bakovi i kepa pali kama i ta, i dili vona dimon, ni bole valai ne Isu. Lakea e Isu i vaka mahuria, pali ia i mata para i ta. ²³ Huriki lobo ri turutu ri ta maia,"ra bakovi iea ia e tune Devit?" ²⁴ Na tahuna e huriki a Farisi ri longoa ra hini nga i rata, ria ri ta maia,"Ra bakovi iea i rata tala demon na ni tora ne Belsebul, a mugamuga ne huriki a demons," ²⁵ Pali e Isu i palala na ni luhoi ne ria pali ia i taki ria maia," Viriki a kingdom ri vapida na tabeke i rua bari lobo. Viriki a city o a ruma ri vapida na tabeke i rua ria koma rigi pesi. ²⁶ Re Satan i vaka pagi talea e Satan, ia i pida mulea. Ge pesi tora navai a harikianga vona? ²⁷ Pali ri iau a rata tala dimon na ni tora ne Belsebul, pali e tune mua ri rata tala dimon na ni tora ne erei? Vuhuna ra hini nga mua bara ni luhoi kado mua. ²⁸ Pali Iau a rata tala dimon na ni tora ne Deo, mavonga a kingdom e Deo i valai pali ne mua. ²⁹ I navai a bakovi ni panaho i dili na ruma na bakovi i tora pali i bole a maki vona? Ia ge kolo tata taro a pakana wa limana pali ge panaho a maki vona. ³⁰ I tahoka tara bakovi i made turagu, ia a pile nau, pali tara bakovi ia kama turagu, ra bakovi iea i made basi nau. ³¹ Mavonga Iau a taki matou, pali mua mu rata sin o mu ta hale ne Deo, ia bari rata voroki a sin ne vomu. pali na tahuna ioe o ta hale na Hanu kiripiripi ia koma ge rata vuroki a sin vomu. ³² Erei i ta hale ne tuna a bakovi, ia bari puga naro hale vona. Pali a bakovi i ta hale na Hanu kiripiripi, ia koma ge puga naro hale vona na malala iea, pali muri ma. ³³ A kai i bele kamumu a kanena tara i bele kamumu, kai i bele hale, pali a kanena tara i hale. Ra hini nga i manga kanena kai kunana i vakasira ia a kai. ³⁴ Matou a tuna mata hale i navai mua mu rata naro hale pali mu rata maki kamumu? bakovi i taki talea a ni luhoi i kupo na tamudina. ³⁵ A bakovi kamumu pololilo na tamudina ia i luhoi ni rata maki kamumu pali a bakovi hale pololilo na tamudina ia i luhoi ni rata maki hale. ³⁶ Iau a taki matou, na tahuna na kot dagi, huriki a bakovi a ngatavine ria bari taki talea lobo a maka ngava koma i kamumu ri rata. ³⁷ Na ngavamu, ioe baro bele malimali, pali na ngavamu ioe baro bele manga bakovi hale."

³⁸ Muri e huriki a bakovi ri palala na lo pali e hurika Farisi ri koli mulea e Isu maia,"Vinara, mia mi ngaru ni masia tara kilakila ge valai vomu." ³⁹ Pali e Isu i koli ria maia,"matou huriki a bakovi na spirit hale na naro ni ngoi mu ngaru ni masia tara kilakila. pali, i uka tara kilakila ge bele ne matou a kilakila ne propet Jona kunana mua bara mu palala vona. ⁴⁰ Manga kunana e Jona i tabuli na parava i tolu a rodo i tolu pololilo na tamudina manu dagi, manga kunana e Tuna Bakovi bari tabuli pololilo na malala na parava i tolu a rodo i tolu. ⁴¹ Na tahuna na kot huriki a tara o Ninive bari pesi na kot turane huriki a bakovi a ngatavine vona ra tahuna iea. Ria ri masia e Jona i taki talea a ngava pali ria ri puloa vilone ria. Pali, masia tara bakovi i dagi hateka ne Jona i made pali koea. ⁴² Queen o Saut bari pesi rike na tahuna na kot turane hurikia bakovi a ngatavine vona ra tahuna iea. Ia i valai na harena malala ni longoa ni lohokanga e Solomon, pali masia, i tara i dagi ne Solomon i made pali koea. ⁴³ Tahuna tara Spirit hale i pagitala na bakovi tara, ia i lakea na tanga i uka naru pali matakana hini ge malo vona, pali iea koma i puruvisia tara hini ge made vona. ⁴⁴ Ia i ta maia, Iau bara hamule na ruma Iau a valai vona; na tahuna i hamule tabu ia i masia ruma ni palakado pali ni ru kamumu e virika maki i malimali. ⁴⁵ Muri i hamule i bole a turana i polo rua pali koma i palupu turana, pali ri valai ri made pololilo na bakovi. Muri ra bakovi iea koma ge made manga ia hosi a narona bari haleliu. Ia bari made manga e huriki a tara hale vona ra tahuna iea."

⁴⁶ Na tahuna e Isu i ta turane huriki a bakovi a ngatavine, e kinana e tarina to pesi polovavo, tou to ngaru ni ta turana. ⁴⁷ I tara i takia e Isu maia, Masia,"e kinamu turane tarimu ri matakanoe pali to pesi polovavo, tou to ngaru ni ta turamu," ⁴⁸ Pali e Isu i koli mule i ta maia,"erei e nana e tarigu mai?" ⁴⁹ Isu i toto rikea limana i vakasiri huriki a murimuri vona i ta maia,"Masia, huriki e nana e tarigu ria koea! ⁵⁰ Erei a bakovi a ngatavine i muri maia ni ngaru ne Tata na hunu, re huriki a tara nga ria ri manga e turagu e korabagu pali e nana."