पाठ 36
1
एसाव जे एदोम भी कहलालन, ओनकर ई वंशावली हौ।
2
एसाव त कनानी स्त्री ब्याह लेहलन; अर्थात हित्ती एलोन क बिटिया आदा अऊर ओहोलीबामा के जे अना क बिटिया, और हिव्वी सीबोन क नातिन रहलीन।
3
फिर ओन इश्माएल के बिटिया बासमत के भी, जे नबायोत क बहिन रहलिन ब्याह लेहलन।
4
आदा त एसाव से एलिपज के, अऊर बासमत रूएल के जन्म देहलिन।
5
अऊर ओहोलीबामा यूश, अऊर यालाम, अऊर कोरह के पैदा कईलिन, एसाव क ईहअ लड़का कनान देश में पैदा भईलन।
6
एसाव अपने पत्नियन, और बेटवा बिटियन, अऊर घर के सब प्राणियन अऊर अपने भेड़ बकरी, और गाय बैल आदि सब पशु, निदान अपने सब संपत्ति के, जवन ऊ कनाम देश में संचय कईले रहलन, लेके अपने भाई याकूब के लग्गे से दूसरे देश के चल गईलन।
7
काहे की ओनकर संपत्ति इतना हो गईल रहल, की ऊ लोग इकट्ठा ना रह सकलन; अऊर पशुअन के बहुतायत के कारण ऊ देश में, जहां ऊ परदेसी होके रहत रहलन, उ समा ना सकलन।
8
एसाव जवन एदोम भी कहलालन, सेईर नामक पहाड़ी देश में रहअ लगलन।
9
सेईर नामक पहाड़ी देश में रहअ वाले एदोमियन के मूल पुरुष एसाव क वंशावली ई हौ।
10
एसाव के लड़कन क नाम इ हौ; अर्थात एसाव क पत्नी आदा का लड़का एलीपज, अऊर ओही एसाव के पत्नी बासमत क लड़का रूएल।
11
अऊर एलिपज के ई लड़का भईलन; अर्थात तेमान, ओमार, सपो, गाताम, अऊर कनज।
12
एसाव क लड़का एलीपज के तिम्ना नाम क रखैल रहलिन, जे एलिपज के जरिये अमालेक के जनम देहलीन: एसाव के पत्नी आदा के वंश में ईहअ भईलन।
13
रूएल क ई लड़का भईलन; अर्थात नहत, जेरह, शम्मा, अऊर मिज्जा एसाव के पत्नी बासमत के वंश में ईहअ भईलन।
14
ओहिलीबामा जे एसाव क पत्नी रहलिन, अऊर सीबोन क नातिन अऊर अना क बिटिया रहलिन, ओनके ई लड़का भयल: अर्थात ओन एसाव के जरिये यूश, यालाम, अऊर कोरह के जनम देहलीन।
15
एसाव वंशियन क अधिपति ई भईलन: अर्थात एसाव के जेठा एलिपज के वंश में से त तेमान अधिपति, ओमार अधिपति, सपो अधिपति, कनज अधिपति,
16
कोरह अधिपति, गाताम अधिपति, अमालेक अधिपति, एलिपज वंशियन में से एदोम देश में ईहअ अधिपति भईलन: अऊर ईहअ आदा के वंश में भईलन।
17
एसाव के लड़का रूएल के वंश में ई भईलन; अर्थात नहत अधिपति, जेरह अधिपति, शम्मा अधिपति, मिज्जा अधिपति रूएल वंशियन में से एदोम देश में ईहअ अधिपति भईलन; अऊर ईहअ एसाव के पत्नी बासमत के वंश में भईलन।
18
एसाव के पत्नी ओहोलीबामा के वंश में ई भईलन; अर्थात यूश अधिपति, यालाम अधिपति, कोरह अधिपति, अना क बिटिया ओहोलीबामा जे एसाव क पत्नी रहलीन ओनके वश में ईहअ भईलन।
19
एसाव जे एदोम भी कहलालन, ओनकर वंश इहअ हव, अऊर ओनकर अधिपति भी ईहअ भईलन।
20
सेईर जे होरी नामक जाति क रहलन, ओनकर ई लड़कन ऊ देश में पहिले से रहत रहलन; अर्थात लोतान, शोबाल, सीबोन, अना,
21
दीशोन, एसेर, अऊर दिशान: एदोम देश में सेईर क ईहअ होरी जाति वाला अधिपति भईलन।
22
लोतान क बेटवा, होरी, अऊर हेमाम भईलन; अऊर लोतान क बहिन तिम्ना रहलिन।
23
शोबाल क ई पुत्र भईलन: अर्थात आल्वान, मानहत, एबाल, शपो, अऊर ओनाम।
24
अऊर सिदोम क लड़का ई भईलन: अय्या, अऊर अना; ई ऊहअ अना हईन जेके जंगल में अपने पिता सीबोन के गदहन के चरावत चरावत गरम पानी क झरना मिलल।
25
अऊर अना के दिशाेन नाम क एक लड़का पैदा भयल, अऊर ओहि अना के ओहोलीबामा नाम क लड़की भईलीन।
26
दिशाेन क ई लड़का भईलन: हेमदान, एशबान, यित्रान अऊर करान।
27
एसेर क ई लड़का भईलन: बिल्हान, जावान, अऊर अकान।
28
दिशान क ई लड़का भईलन: ऊस, अऊर अरान।
29
होरियन क अधिपति ई भईलन: लोतान अधिपति, शोबाल अधिपति, सीबोन अधिपति, अना अधिपति,
30
दिशाेन अधिपति, एसेर अधिपति, दिशान अधिपति; सेईर देश में होरी जातिवाला ईहअ अधिपति भईलन।
31
फिर जब इस्राएलियन पे कऊनो राजा राज्य ना कईले रहलन, तब्बो एदोम के देश में ई राजा भईलन;
32
बोर क लड़का बेला एदोम में राज कईलन, अऊर ओनके राजधानी क नाम दिन्हाबा हव।
33
बेला के मरले पे, बोस्त्रानिवासी जेरह क लड़का योबाब ओनके जगह पे राजा भईलन।
34
योबाब के मरले पे, तेमानियन के देश क निवासी हुशाम ओनके जगह पे राजा भईलन।
35
फिर हुशाम के मरले पे, बदद क लड़का हदद ओनके जगह पे राजा भईलन। ई ऊहअ हयन जे मिद्यानियन के मोआब देश में मार लेहलन, अऊर ओनके राजधानी क नाम अबीत हौ।
36
हदद के मरले पे, मस्रेकावासी सम्ला ओनके जगह पे राजा भईलन।
37
फिर सम्ला के मरले पे, शाऊल जे महानद के तटवाले रहोबोत नगर क रहलन, ऊ ओन के जगह पे राजा भईलन।
38
शाऊल के मरले पे, अकबोर क लड़का बाल्हानान ओनके जगह पे राजा भईलन।
39
अकबोर के लड़का बाल्हानान के मरले पे, हदर ओनके जगह पे राजा भईलन अऊर ओन के राजधानी क नाम पाऊ हौ; अऊर ओनके पत्नी क नाम महेतबेल हौ, जे मेज़ाहाब क नातिन अऊर मत्रेद क बिटिया रहलिन।
40
फिर एसाववंशीयन के अधिपतियन के कुल, अऊर जगह के अनुसार ओनकर नाम ई हौ; तिम्ना अधिपति, अल्वा अधिपति, यतेत अधिपति,
41
ओहोलीबामा अधिपति, एला अधिपति, पीनोन अधिपति,
42
कनज अधिपति, तेमान अधिपति, मिबसार अधिपति,
43
मग्दीएल अधिपति, ईराम अधिपति, एदोमवंशी जवन देश आपन कर लेहले रहलन, ओन के रहअ के जगह में ओनकर ईहअ अधिपति भईलन; अऊर एदोमी जाति क मूल पुरुष एसाव हयन।