पाठ 10
1
नूह क लड़का शेम, हाम अउर येपेत रहलन; ओनकर लड़का जल-प्रलय के बाद पैदा भइलन: ओनकर वंशावली ई हव।
2
येपेत क लड़का: गोमेर, मागोग, मादै, यावान, तूबल, मेशेक अउर तीरास भईलन।
3
अउर गोमेर क लड़का: अश्कनज, रिपत अउर तोगर्मा भईलन।
4
अउर यावान के वंश में एलीशा अउर तर्शीश, अउर कित्ती, अउर दोदानी लोग भईलन।
5
एनकर वंश अन्य जातियन के द्वीपन के देश में अइसन बँट गईलन की ऊ अलग-अलग भाषा, कुल अउर जाति के अनुसार अलग-अलग हो गईलन।
6
फिर हाम क लड़का: कूश, मिस्र, पूत अउर कनान भइलन।
7
अउर कुश क लड़का शबा, हबीला, सबता, रामाह अउर सब्तका भइलन। अउर रामाह क लड़का शेबा अउर ददान भइलन।
8
कुश क वंश में निम्रोद भी भइलन; धरती पे पहिला वीर उहअ भयल हयन।
9
उहअ यहोवा क नजर मे पराक्रमी शिकार खेलअ वाला ठहरलन, एसे ई कहावत चलल हव; "निम्रोद के समान यहोवा क नजर मे पराक्रमी शिकार खेलअ वाला।"
10
ओनके राज्य क शुरुआत सिनार देश में बाबेल, एरेख, अक्कद अउर कलने से भयल।
11
ऊ देश से ऊ निकल के अश्शूर के गइलन अउर नीनवे, रहोबोतीर अउर कालह के,
12
अउर नीनवे अउर कालह के बीच जवन रेसेन हव, ओके भी बसईलन; बड़ा नगर ईहअ हव।
13
मिस्र के वंश में लूदी, अनामी, लहाबी, नप्तूही,
14
अउर पत्रूसी, कलसुही, अउर कप्तोरी लोग भइलन, कसलूहियन में से त पलिश्ती लोग निकललन।
15
कनान के वंश में ओनकर बड़का लड़का सीदोन, तब हित्त,
16
यबूसी, एमोरी, गिर्गाशी,
17
हिव्वी, अर्की, सीनी,
18
अर्वदी, समारी, अऊर हमाती लोग भी भईलन; फिर कनानियन क कुल भी फइल गईलन।
19
अऊर कनानियन क सीमा सिदोन से लेके गरार के रस्ते से होके गाज़ा तक अऊर सदोम अऊर गमोरा अऊर अदमा अऊर सबोयीम के रस्ते से होके लाशा तक भयल।
20
हाम के वंश में ईहअ भईलन; अऊर ई अलग-अलग कुलन, भाषा, देश अऊर जातियन के अनुसार अलग-अलग हो गईलन।
21
फिर शेम, जवन सब एबेरवंशियन क मूल पुरुष भईलन, अऊर जवन येपेत क बड़का भाई रहलन, ओनके भी लड़का पैदा भईलन।
22
शेम क लड़का: एलाम, अश्शूर, अर्पक्षद, लूद अऊर अराम भईलन।
23
अराम क लड़का: ऊस, हूल, गेतेर अऊर मश भईलन।
24
अऊर अर्पक्षद शेलह के, अऊर शेलह एबेर के जनम देहलन।
25
अऊर एबेर के दू लड़का पैदा भईलन, एक क नाम पेलेग ई कारण रखल गयल की ओनकरे दिन मे पृथ्वी बंट गईल, अऊर ओनके भाई क नाम योक्तान रहल।
26
अऊर योक्तान अल्मोदाद, शेलेप, हसर्मावेत, येरह,
27
हदोराम, ऊजाल, दिक्ला,
28
ओबाल, अबीमाएल, शेबा,
29
ओपीर, हवीला, अऊर योबाब के जनम देहलन: ईहअ सब योक्तान क लड़का भईलन।
30
एनके रहअ क जगह मेशा से लेके सपारा, जवन पूरब मे एक पहाड़ हव, ओकरे रस्ते तक भयल।
31
शेम क लड़का ईहअ भईलन; अऊर ई अलग-अलग कुलन, भाषा, देश अऊर जातियन के अनुसार अलग-अलग हो गईलन।
32
नूह के बेटवन क घराना ईहअ हव: अऊर ओनके जातीयन के अनुसार ओनकर वंशावली ईहअ हव; अऊर जल प्रलय के बाद धरती पर क कुल जाती एनही में से होके बंट गयल।