¹ Kelani sambo ndamu dja likawo atie wato la ate waoneni, inga otikele ndjongo, otidjwa mbano atie sangbasu ongo o likolo. ² Tango enge ehi owe likawo atie moto, otibinge ndundu, ndenge ekokelaka wato wango wakohisaka wikela wau la sinagogaiwohaselini la osembo, wadjei la mbano ewu. ³ Kasi owe, ngonga ehekeli owe likawo, ewo eowe e liali etiewe linge likeli ewo e lilome, ⁴ La likambo ate likawo la owe likeleme la oyahi, ango sangwa, ongo okoheneke dinge ihisani, ekohenese sambo djaowe la hoho.

⁵ Tango ekobondeleke owe, otidja nda moto ongo okohisaka wikela wande: wabali obondeli oyemeli likolo ongo la sinagoga ple kelekelee mboka la ate wato wawahenee iwohaselini la osembo, wadjei la mbano. ⁶ Kasi owe, tango okobondoke lingela ndondo e monguta, liha moluhe mowe pe hongo Mwengei eowe ongo odjei la ebete ehisami, pe sangwa, ongo okoheneke la ohisami, akopumbela hoho. ⁷ Tango enge ekobondeleke owe nda wa pangano; otikpome sambo ngbii nda wato wa wawota maeti; wakomungolaka ate otetelake o makpomi mawu, iwongolo djawu ikondimama atie Mwengei. ⁸ Otikeleni nda iwo, la ate sangbanu oeni ema enge ebali ino liwoso ate omowongeni. ⁹ Denda ndenge enge ekokela ino liwongolo: sangbasu ongo odjei likolo! Kombo owe esatu ekumesame. ¹² limbesa iso la sambo djasu mbe, ndenge enge ekolimbesaka iso wango wakotokelaka obe. ¹⁴ Inga owalimbese wato obe sangwa o liloko okolimbasa koto owe; ¹⁵ Kasi otilimbese wato la obe owu, sangwa atilimbese kine sambo mbe dja owe.

¹⁶ Tango enge eyakilesi owe la tina Mwengei otiyabate la elongi emgba nda wato wango wakoisaka ikela djawu. La ndenge eho, wakolukaka ndenge kpaa ate wato waewe ate wakili iwoaseli la osembo, wadjei la mbano ewu. ¹⁷ Kasi owe, inga okila kpola elongi eowe pe amunola maita malumba liliamu. ¹⁸ La ate otihenese la wato ate oyakilesi kasi sangwa ongo odjei oweni la ebete ehisanake ndi inde sangwa ongo okoheneke la ohisami, ekoo wongwela.

¹⁹ Otitumeni la iwo ala la moki ebete enge mbwambwa la oholi ekobitesa alidi wa iwi wakogbangola ituti la ate wa iwe. ²⁰ Kasi lukanini iwo dja likolo, ongo oholi la mbwambwa itibitesa pe wa iwi watikoka ogbangoli ituti pe o iwi! ²¹ La ndenge eho, ebete edjei iwo dja owe, ndi ebete ekodja motema moowe.

²² Liso lidjei eheneli e wenge inga liso la lidjei olamu, wange eowe kpaa ekodje ngbi; ²³ Kasi inga liso la owe liti olamu wenge eowe kplaa ekodja la ongundu. Inga ongbi wugo wodjei ati ndenge!

²⁴ Moto toeti akokiti owakeleli makumu maale, laate akomotona ongo o poo pe akomo bala ongo owal; e, ndenge eti akoyahele la ongo o woso pe akomotona ongo o mbuse. Okokitini okeleli mwengei la ambele mbala kikima.

²⁵ La ndenge eho iwohaseli: otiyatungesameni la tina e olaki la ekengi wonu te la tina e okpali wonu. Omoi otiete ilaka, wenge etiete isinde? ²⁶ Dengani mbulu dja likolo: watioka pe watiisasaka sangbanu o likolo awalakakesaka owaetitini lla tina kolee. ²⁷ Ndai ndondo enu; la oyatungesi onde, akoki obakesite Mwengele mwesi la maiso mande?

²⁸ Denda ndenge ekoyatungesaka ino la tina e isindje yekola yono ndenge tooko futele ndamu la elanga mobele: watikelaka mosala; watisoloko isindje; ²⁹ Iwohaselini ate Salomo inde amene, la okumu wonde kpaa, atidjakali la esindje elamu nda fulele eesi. ³⁰ Inga mwengei akokpalesaka fulele dja elanga ndjinge idjei keke kasi ekundu wakoelumbaa la misa, akokiti okeli ndjongo atienu, wato wa oyambi okeke? ³¹ Otiyatungesie kine, otihaseni ate: nde ekolaka iso? Nde ekokenga iso? Tokokpala nde? ³² La ndenge eho, dji sambo kpaa, wato la Maeti maemba wakolukaka, kaikoase, sangbasu ongo o likolo ayewi ate odjeini la osenga oho, ³³ Lukayoni okulu la osembo o Mwengei, djeti sambo kpaa akohekeleni mbuse. ³⁴ Otiyatungeseni la tina e ekundu la likambo ate ekundu ekoyawongele eho amene. Lisio liesi likolo la sambo.