¹ Mbuse eho elimo ekeli la Yesu la esobe ate amekeme la Etota. ² Mbuse ende okili ilaka wuse 40 la likolo 40 aokali ndjala. ³ Aseko momeki ayandngbali ati einde pe amohaselia inga odjei mana o Mwengei hasa la ma mabukeli ate makukwana makoke. ⁴ Yesu amohongweselali: modingami ate: moto atikala ndii la makoke, kasi la makpomi kpaa mango ma pumbi la monoko mo Mwengei. ⁵ Ndjongo etotaamokpalali la egbala esatu, pe amotelesali gboo e likolo la Petelo. ⁶ Peamohaselia inga odjei monga ayanga; alumba la mbume! La ndenge eho, endingami ate: akohekele mitindo atie waandjelu wande la tina owe pe wakookpaala la mawo, la mbangi ate ligiligi la owe lititimie libukeli te kikima. ⁷ Yesu amohaselia: ekomami alidi ate: okokiti ommomeki likumu, Engali e owe.

⁸ Etota amokpalia alidi la mokoli mohingake, amohenesia okumu kpaa wo mokii. ⁹ Pe amohaselia ikohekele djinge kpaa inga ondimi mbai maho pe okumesa mbai. ¹⁰ Yesu amohaselia ate longwa ahala Etota! Ndenge eho, edingami ate: ndi likumu la owe Mwengei. Okoki owe omokumesi pe la omokeli. ¹¹ Mbuse eho Etota amodeyia pe hene ndjo wapumbwa wa yandongbali ati inde pe wa mosalesia.

¹² Tango eyokia inde ate Yaone ahelamala, Yesu akeli la Galilea. ¹³ Alongwali la Nazalate pe akia la Kapelenaumu; e gbata esungu, la moki mo Zebulona pe mo Nefetali. ¹⁴ Laate mango makpoma ate mosakoli Izaya makokesame. ¹⁷ Ndi enge tango, Yesu abandali pe otoyi ohasi wongeleni sambo; la likambo ate okumu o likolooumia pene.

¹⁸ Ndenge edjaakali inde osombi la olayi o lindanda sungu la ligalileya, ahenia lanango la manango waale, Simoni awelameli ate Petelo, pe la manaango andele, wadjakali olumbi itanga la lindanda lisungu la Galileya, wadjali pedja wa lobi wasuu. ¹⁹ Awahaselia: tutiani pe ikohumesani wa lobi dja wato. ²⁰ Ndjongo, wadeyia itanga djawu pe wa motuteyia.

²¹ Akia lihele pe awahenia waeti manango la manango waale, Yakobomonga Zebedeyo, la manango Yoani, wayabatali la ebete la sangbsu Zebedeyo pe wadjaakali owongeli itanga djawu. Awawelia, ²² Pe ndi ndjongo wadeyia wato pe la sagbasu wa motuteyia.

²³ Yesu asombali la Galileya kpaa; ateyaali la wa sinagoga, akpomali mboli lndamu la Mwengei pe akalesali ikoni kpaa la ilukano kpaa atie e wato. ²⁴ Mboli inde esombali la siliya mobimba pe wamodjelesi la wato kpaa wa ikoni pe la oembi ndenge kpaa la witota, la wato wa ibubulaka, ango watisombala, pe adjakali owakalesi. ²⁵ Wato ngbii wamotutiali, wango wadjali la Galileya, la wango wa dekapole, la wango wa yelusaleme, la wango wa yudeya, pe la wango wa eti songo edi.