¹ Ci hodji Yésu godo lé Bethlehèm lé judée dùkɔ̀ lɔmɛn le ofiɔ Hérode gahoho hó mɛn, mageho so wézéwué yiva Jérusalem yinùbé ² "Fidé ofiɔ ci odji nɔ̀mi lɔlé, ofiɔ juifs tɔhotɔ? Mikpɔ wlécivi yètɔ lé wézéwé yi miva lava sùbciè ³ " Ci ofiɔ Hérode sélɔ, yé va caka yi kùdo Jérusalem kpo. ⁴ Hérode vabɔ avɔssa wato kudo scribes kéounké yi bissé bé "Fidé ola dji Chriso lɔlé" ⁵ Odo ounci nibé:"Lé Bethlèhèm, do éyɔ ci oyɔnùdè tɔho wlɛndè ké ⁶ "Bethléhèm, cilé Juda dùkɔ̀mɛn, nɛnyi édù kpoun lé Juda hó, do éga cila kplɔ edù hiyɛn Israël lato so éwɔ mɛn" ⁷ Kplɔèdo lɔ, Hérode vabiɔ mages lɔho sé lé bébémɛn gahoho cimɛn tùtùtù wlécivizé. ⁸ Hérode dɔho doda Béthléhem bé"Mi vèdji bébé lɔ. Nɔ̀ mi kpɔè, miva tonù nɔ yɛnca manvè sùbùè" ⁹ Ci hosé ofiɔ lɔ nounho godo lɔ, hossɔ omɔ hotɔ yi wlecivi ci hokpɔ lé wézéwué lɔ djé ounkɔ nɔho kaka vè tɔté do téwé ci mɛn bébévi lɔlé. ¹⁰ Ci okpɔ wlécivi lɔlɔ, odɔ kùdo djidjɔ ¹¹ Hodo awué lɔmɛn yi kpɔ bébévi lɔ kùdo enɔ̀ lɔ Marie. Odjéklo do ounkɔ ni yi sùbùè. Ohoun kɛnssinɔ̀nɔ̀ otɔ yiva wa ohù nan nan nï. Oni sia, enssans kùdo myrrhe. ¹² Mahu siaho lé édrɔ bé ogbégbé trɔyi Hérode gbɔ ho, yi ova to omɔ̀ bù vayi odù otɔ mɛn. ¹³ Ci ova djo godo lɔ, dola Awétɔ lɔtɔ déka va Joseph gbɔ lé édrɔ mɛn yi nubé:"Sité, sɔ bébévi lɔ kùdo enɔ lɔ, miyi Egypte. Minɔ̀té kpɔ ahɛn kiyɛn do hérode lava dji bébévi lɔ bé yéa hui ¹⁴ "Lé ézan hɔ̀mɛn zédeka, Joseph djoyi Egypte kùdo bébévi lɔ kùdo énɔ̀ lɔ. ¹⁵ "Enɔ̀ éhɔ̀ kaka yi Hérode kù. Eyɔ̀ ci nɔ̀ Awétɔ lɔ noun sɔto éyɔ̀ nùdètɔ yètɔ dji bé"Lé Egypte godo ounyɔ éviyɛn" évamɛn. ¹⁶ Gaci mɛn Hérode va do djessi bé mages lɔho blé yélɔ, domɛn vi. yibé oman hù ovi ounssú glo ci do awé amɛnvé, owé amɛnvé énùwélé mɛn ci lé Bèthléhèm kúdo édù ci trɔ dui. ¹⁷ Nɛn nɛn ha, éyɔ ci oyɔnùdé tɔ Jérimi dú vamɛn donɛn: ¹⁸ "Misé ogbé déka lé Roma, aviho kùdo vossassa ganganha, Rachel lé avi fan do tanɔ évièlɔ kɔ do onɛn gbé vali ho. Egbé bé mɛndé mɛn nan fa akɔ̀ nɔ̀ yého. ¹⁹ Ci Hérode kùa dola awétɔ tɔ va Joseph gbɔ lé odrɔ mɛn yi nubé: ²⁰ "Sité nɔ́ nan so bébévi lɔ kúdo enɔ́ lɔkpo nɔ́ nan yi Egypte no mɛnciho yilé dja hù bébévi lɔ ho kú. ²¹ Joseph sité, sɔ déviɔlɔ kúdo enɔ̀ kpo yyi Israël ²² Vɔ ci va sébé Archélaüs vahɔ édalɔ Hérode téhé lɔ vɔ̀vɔ̀ dui. Ci Mahu va siè lé édrɔ mɛn godo ha, evayi Galilée. ²³ Yi vèci Nazareth. Éyɔ núdé lɔ vamɛn. Do éyɔ núdètɔ ho nuibé ola yuèbé Nazarètitɔ.