¹ Le gaxɔnmɛn lɔ ŋsrvilɔwo va gogo yesu inuni be mɛndeha yi mɛn ŋyi amɛngangan lɔ le jipo ofiɔ duxue. ² Yesu yɔ deniniwɛ deka do dodomɛn nɔn wo. ³ Yi nu be ŋle nunuɔn nɔn mi kɔ le ŋŋyanwo totamɛn kɔ nɔn mi nɛn trɔjimɛn i va trɔzun deviwo ha lɔ mi nɛn ja va yi jipo ofiɔduxue. ⁴ Yi ta do mɛn dekpuikpui ci yi la sɔ yɛdeki sɔɔhue yi la va le sibe devicɛ ha lɔ yi la ŋyi amɛngangan le jipo. ⁵ Yi mɛndekpuikpui ci la xɔ sɔta ŋkɔ hiŋyɛnmɛn sibe denicɛ ha lɔ exɔ yɛntɔ. ⁶ Vɔ nɔn mɛnde xemɔnnu nɔn devide le cɛwomɛn ciwo yi xɔŋsewo lɔ ela ŋyɔni ba wa abla okpe do ocɔni a sɔ dankpɛn dada axumɛn. ⁷ Jɔgbe vain la ŋyi nɔn xcxelɔ sɔkudo omɔnxexewo nuci do elevevide be omɔnxe nuwo ali vɔ jɔgbenuin yi la ŋyi nɔn mɛnciji wa la to ava. ⁸ Nɔn alɔ alo afɔ tɔ va ŋyi omɔnnukpɔkpɔ nɔn aŋyijeje tɔ lɔ sowo yi nan sɔwo sɔdankpɛn do didixue nɔn ela ŋyɔn nɔn be nan yi agbe manvɔlɔmɛn afɔmanli alo alɔmanli hu be nanyi ozomɛn kudo afɔ amɛnve alo alɔ amɛnve lɔ wo keŋkeŋ. ⁹ Nɔn ŋkuvi tɔ va nŋyi mɔnnukpɔkpɔ aŋyijeje tɔ nɔn lɔ disui asɔ dan kpɛn dada didixue elaŋyɔn nɔn hu nanyi agbemanvɔ mɛn kudo ŋŋkuvi be nanyi ozomanvɔ mɛn kudo ŋkuvi amɛnvelɔwo. ¹⁰ Mieɔ miandeki nɔn migbe dasi mɛnde le devi cɛwomɛn do ŋnu nɔn mi be do la woto le jipo kpɔnɔn oda ŋyɛn ciyi le jipo gasiagamɛn. ¹¹ Ɖo agbetɔ woni lɔ yi la hlɛn onuci ibu sa gan. ¹² Ŋdeha yi di nɔn mi nɔn mɛnde do ogbɔoivi havetakpo yi deka bu le womɛn nɛn va da nɔn si havetakpo euedeka kpɛtɛlɔwo dɛ do otawoji yi va yi ji nɔn deka ci yi bu lɔ lo. ¹³ Nɛn va kpuɛlɔ ŋnu nɔn mi le ŋyanwomɛn be ela va kpɔ jijuɛ so de ka xɔn lɔ nuci hugan kpɛtɛlɔwo. ¹⁴ Nɛn nɛn ha ke nɔn ojro mianda ci yi le jipo tɔ be mɛndeka abu le devi xɔnwomɛn. ¹⁵ Nɔn nɔƥnvio wa onuvuin lɔ yigbɔ nɔn wɔkudo yɛkpo miannui nɔn ese oŋyɔntɔ lɔ ohlɛn nɔnvi gan. ¹⁶ Vɔ nɛn nɛn va doto vo lɔ kplɔ amɛndeka alo amɛnve sɔbɔ do wodekinuci nɔ oŋyɔn lɔ aŋyi nunu le amɛn amɛnve alo amɛntɔn lɔwo oŋyɔngbe mɛn. ¹⁷ Nɔn egbe me ye mɛn nɛn se oŋyɔn wotɔ lɔ va yi nui le cɔci nɔn egbe cɔ ciogbe lɔ nɛn va trɔzun xixemɛntɔ kudo publiciantɔ nɔn. ¹⁸ Ŋnu nɔn mi le ŋyanwo mɛn be onu dekpuikpui ci yi mi la bla le ŋyigban cɛji la ŋyi blabla le jipo yi onu dekpuikûi ci yi mi la tukanan le ŋyigba nji ela ŋyi tutu le jipo. ¹⁹ Ŋgbe nu nɔn mi be nɔn amɛn amɛnve va nɔn odu le ŋyigbanji yi biɔ onude lɔ odaŋyɛn ciyi le jipo la sɔ nanwo. ²⁰ Ɖo ficinɔn amɛn amɛnve alo amɛntɔn bɔ do le ŋkɔ kiŋyɛnmɛn lɔ ŋle wodomɛn. ²¹ Pierre va gogo yesu yi nuni be zenɛnni yi nan sɔ agɔjeje sɔke nɔnvi ŋyɛn tɔ nɔn eva je agɔ le ŋciŋyɛn. ²² Yesu nuni be ŋyɛn nɛn be kaka zeadrɛ vɔ kaka zetexeue kave ehue amɛnwo texue amandrɛ yi ola sɔke nɔnvio. ²³ Yitado jipo ofiɔduxue lɔ le sibe ofiɔ de ci yi dɔwavi yɛtɔwo le ja jokɔnta nan dɔwavi yɛtɔwo le ja jakɔnta nan. ²⁴ Gacimɛn yi va onu hlɛnhlɛn lɔ ova hɛn mɛndeka ci yi du onunannan kotahunnamɛnwo. ²⁵ Ci yi nɛn do oho ila tu ofɛn lɔ lɔ oga yɛtɔ be woman sa yɛ asialɔ oviɛlɔwo kudo onuciwo keŋ keŋ yi le si nɔn wa sɔ tu ofɛn lɔ. ²⁶ Ɖɔ wa vi lɔ va jan ŋyi je ŋyigban le akɔnmɛn nɔn oga yɛtɔ yi nu be axuetɔ xɔ gbɔngbɔn dada agbiŋyɛn nan va tu ofɛn lɔ nɔn keŋkeŋ. ²⁷ Axuetɔ odɔwavi cɛtɔ ku onusin sin ni yi sɔ ofɛn ci nɔn yi du lɔ sɔ ki idasi i yi. ²⁸ Gacimɛn yi dɔwavi xɔn va tɔ lɔ ekpɔ oxlɔ lɔ ci yi du fɛn havetɔkpo oho dui eva li yi le hunhun huinkɔ yi le nunuɔn be tu ofɛn kiŋyɛn nu. ²⁹ Oxlɔ lɔ va jan ŋyi e ŋyigban yi le kukudekɔ ni be yɛ man xɔ gbɔngbɔn dada yegbɔ ye mɛn la tu ofɛn lɔ ni. ³⁰ Vɔ amɛn lɔ yɛ nɛn ji yi li sɔ do gakpamɛn kaka sɔ nan gacimɛn yi eva tu ofɛn lɔ. ³¹ Mɛnciwo kudo yɛkpo yi le odu kpɔ onuci yi jɔ ewa onusinsin nɔn wo yi wo yi va nunɔn oga watɔ lecinɔn onu lɔ jɔ do. ³² Yi axuetɔ lɔ yɔ dɔwavi xɔn yi nu ni be dɔwavi oku ŋ yantɔ, ŋsɔ ofɛn cinɔn yi odu do keŋkeŋ sɔkeo do odekukunu. ³³ Wɔ can nɛn do la ku onusinsin nɔn oxlɔ si be lecinɔn yi ŋku onusinsin nɔn ha lo. ³⁴ Yi ci nɔn dɔmɛn ve axuetɔ yɛtɔlɔ esɔ nan mɛnciwo yi wo le nɔnn amɛn do gakpamɛnwo kaka sɔ nan gacimɛn yi va tu ofɛn lɔ keŋ keŋ. ³⁵ Nɛn nɛn ha ke oda ŋyɛn la va wa nɔn mi mɛndeka mɛndeka le miandomɛn nɛn va sɔ agɔjeje sɔ ke nɔnviɛlɔtɔ.