¹ Yesus bɔ nusrɔvi yɛtɔwo wivelɔwo yi nanwo acɛ so gbɔngbɔn vuiwo ŋci nɔn wa kpehuci ayi ayɔ dɔ dexiadé ku nubuwo. ² Yikɔ nusrɔvi wivé yesutɔwoké deguilɔ simon (ci wogbé yɔbé pierre) kudo Adré nɔnvialɔ Jacques ovi zebedetɔ kudo jacques ci yi nɔnvialɔ.

³ Phillipe kudo bathelemy Thomas kudo Matthieu takuɛ jɔtɔlɔ jacques ovi Alphée kudo Thaddée tɔ.

⁴ simon zélote ku Juda Iscariot ci zan Yesus ⁵ Yesus dɔ wivé lɔwo. Yi nanwo gbeta cɛwo « fidekpokpui ci mahɔsetɔwo lélɔ miŋgbeyiwo yi miŋgbeyi do dukɔn Samaritɔ demɛnwo.

⁶ Vɔ mianyi alin bubu Israel tɔwogbɔ.

⁷ Yi gacimɛn mivayilɔ, mijra yɔnlɔ be ̈ dipo fiɔduhuélɔ gógó ⁸ Mi yɔdɔ nɔn dɔnɔwo, mi fɔn mɛnkukuwo mida kpodɔwo mian yan gbɔngbɔn vuiwo, wo nanmi gbagbalo, mi nan gbagbalɔ

⁹ Migbevahɔ sika, oho, alo bronze nɔn ogo miatɔwo. Mi gbesɔ gbejiyi sakio alo ahu vegɔn alo fɔkpa alo aciwo.

¹⁰ Do dɔwavi jénɔn fɛntu. ¹¹ Dugan alo kɔhui dekpokpui cimɛn miladolɔ, miji mɛndekpokui ci je gbɔ milanɔn, yi mian nɔnhɔn kaka avajo.

¹² Nɔn mido ahuedemɛnlɔ, miandogbé.

¹³ Nɔn ahuelɔ jelɔ fafa miantɔ nin nɔn kui. Vɔ nɔn ndejeolɔ fafa miantɔ nɛngbé trɔ kumi. ¹⁴ Mɛnciwo gbénɔn be yowo ndahɔmi olo ndadoto yɔmiantɔwo, nɔn mivajo le ahue hotɔmɛn alo dugan wotɔmɛn mian huhu afɔkɔ miantɔ.

¹⁵ Le yanwo totomɛn nle nunui nɔnmikɔ vévé sésé ci dukɔn cɛ lasé lahugan sodome kudo gomorrhetɔ le huɛdɔzangbé. ¹⁶ Yiké, ndɔmi doda sibe alin viwo do olanlenuwomɛ, mian nɔn nɔn sibe lenviha yi mian huiɔ sibe huanliha.

¹⁷ Mian nɔn aceji so agbetɔwoŋci, wolava domi ga yi wola homi le aguhɔ wotɔwomɛn.

¹⁸ Wo ladɔ huɛ miatɔ le nkɔnɔn dukplɔlawo, ofiɔwo so ayɛn ŋci nɔn mianyi kpɔwɛ nɔnwo kudo mahɔsetɔwo ¹⁹ Nɔn wova sɔmi nanlɔ, mi ngbeva so jika so dede ao nci milanuwoci, do nci milanu lava nɔn mi le gahoholɔmɛn.

²⁰ Do ngbeyi mio yilé nuhohokɔ. Sotovo nɔn hɔnlɔ, gbɔngbɔn miandatɔ laho nuho le mianmɛn ²¹ Nɔnvi la hu nɔnvi, oda lahuvi, oviwo laje agla do wodaji yi lanon wolaku.

²² Amɛnsiamɛn la lékémi do yikɔ hiyɛn nci. Vɔ mɛnci lado vevenu kaka sɔyi vɔvɔnu lakpɔ hlɛngan.

²³ Nɔn egnibe wavaci yomɛn nomi le odudemɛnlɔ mian siyi obumɛn. Do le yanwo totomɛn nlé nunui nɔnmikɔ, « mi ndejava kpatoto Israel dukɔnlɔmɛn gbɔhué agbetɔlɔvi latrɔvawo. ²⁴ Dukɔn nde humɔngan ahuetɔ yɛtɔwo, alo dɔkplanvi nde hunɔngan ahuetɔ yɛtɔwo.

²⁵ Esukpohu be wazɔn dɔwavi sibe ahuetɔyɛtɔha yi wazɔn dɔwavi sibe ahuetɔ yɛtɔha, nɔn woyɔ ahuetolɔ le zhuelomɛn Béelzébul, tɔlɔ dédé jɔgbévuitɔ lavayi yikɔ ahuelɔmɛn viotɔ ²⁶ Yinan mi ngbe vɔnwo do onu hlahlade ndeli davajé agbahugbawo.

²⁷ Nuci ŋnunɔnmi lé bébémɛnlɔ, mi nui le kinklɛn nkékétɔmɛn yi nuci wodoka nunanmilɔ, mian dalua anui. ²⁸ Mi ngbevɔn nɔn mɛnci wo lahu gbazalɔ vɔ ndahu gbɔngbɔnlɔ tovonɔnhɔ, miavɔn mɛnci lahu eklanlɔ kudo ncilan le zomɛn.

²⁹ Wo ŋdesa ohé amɛnvé ohodehõ? Ganké, dekpokpui ndejɔn le womɛn sanci miada ndeyan.

³⁰ Nɛnnɛnkéoda ciwé le tamiatɔwo yi hlɛnhlɛn.

³¹ Ngbevɔnwo. Mido asihɔhɔ sugbɔ hu ohewo. ³² Nɛnnɛnke, mɛnde kpokpuici la huyikɔ hiyɛn nin le agbetɔwo nkɔlɔ, nangbe huin le nkɔ nɔn odayɛn ci le dipo.

³³ Vɔ mɛnci lagbehu le nkɔnɔn agbetɔwolɔ yɛncan nangbi le nkɔ nɔn odayɛn ci le dipo ³⁴ Migbebui be nva lahin fafa va agnigbandjio. yɛn ndeva ahɛn fafavao vɔ owi.

³⁵ Do nva lava nan kplan ovidé doda odalɔ, yɔnuvi doda onɔlɔ. ovisi doda asunɔn.

³⁶ Kintɔ amɛntɔ la so famille amɛntɔtɔmɛn ³⁷ Mɛnci lɔn odalɔ kudo onɔnlɔ hugan yinlɔ nde je nuwɔwɔ.

³⁸ Mɛnci ndekpan acisoga yɛtɔ kplɔŋdolɔ ŋde je nuwɔn.

³⁹ Mɛnci la hɛn agbé yɛtɔ labui, vɔ mɛnci labui do yɛnci lavakpuɛ ⁴⁰ Mɛnci lahɔmilɔ ehɔ yɛncan, yi mɛnci hɔ yɛnlɔ ehɔ mɛncĩ dom dada.

⁴¹ Mɛci lahɔ yɔnudɛtɔ do eyi Yɔnnudetɔ ncilɔ, elehɔ yrayra yɔnnudetɔtɔ. Mɛnci lahɔ amɛn jɔjuɛ do egni amen jɔjuɛ ncilɔ, eleva hɔ yrayra yɛtɔ ⁴² Mɛndekpokpui ci lavanan osi fafa kɔkpo deka nɔn ovialɔ deka nɔn ovialɔ deka do oyɛn dɔwavi hiyen ncilɔ, le yanwo totomɛn nle nunui nɔnmikɔ, ndeleja bu yayra yɛtɔwo.