2
1
हेरोद राजाको समयमे यहुदियाको बेथलेहेममे जब येशूको जनम भओ, पूर्बसे ज्योतिषी यरुशलेम मे अए पुगे और बे कहिँ,
2
“यहुदियाको राजा हुइके जनमन बारो कहाँ हए? काहेकी हम बाको तारा पूर्वमे देखेहँए और बाके दण्डवत करन् आए हँए।”
3
जब हेरोद राजा जा सुनी, बा बेचैन हुइगौ, और बिनके सँग सबए यरुशलेम फिर बेचैन हुइगए।
4
हेरोद सबए मुखिय पुजारी और जनताके शास्त्रिनके जमा करी और “ख्रिष्टको जलम कहाँ होबैगो?” कहिके पुछपाछ करीँ।
5
बे बासे कहीँ यहुदियाको बेतलेहेम मे काहेकि अगमवक्तासे अइसिए लिखो हए
6
‘और यहुदाको देशमे, ए बेथलेहम, यहुदाको शासकनके बिचमे कोइसे फिर निच (तुच्छ) ना हए, कहेकि तोसे एक शासक निकरके अबैगो जैान मिर आदमी इस्राएलको रेखदेख करैगो।’
7
तब हेरोद बे ज्योतिषिनके चुप्पेसे बुलाएके तारा कौन समयमे देखानो हए, सो बिनसे पता लगान बुलाई।
8
बा बिनके अइसो कहिके बेथलेहेममे पठाइ “जाओ, और अच्छेसे बा बच्चाके ढुणिओ। बाके पाएके मोके खबर करिओ, और मए फिर बाके ढोक करङ्गो।”
9
बे राजाको बात सुनके बे अपने डगर चलेगै जौन तारा अगारमे देखि रहैं, बा तारा उनके अग्गु-अग्गु गओ, और बच्चाभै जगाहामै पुगके बा तारा हुंए रुक्गऔ।
10
जब बे बा तारा देखिँ, तब बे गजब आनन्दित हुइके खुशी भए।
11
और बे घर भितर घुसके और बे छोटो बच्चाके बाकि अइया मरियमके संग देखि और घुँटो टेकके बाके ढोक लागीं और फिर बे बाकी आराधना करीं। बे अपनि महिंगी चीज निकारके बाके सोनो, सुगन्धीत धुप और मुर्रकी भेटी चणाई।
12
और हेरोदके जौने घुमके ना जान ताहीँ परमेश्वरसे सपनामे चेताबनि पएके बे दुसरी डगर हुइके अपने देशमे चलेगए।
13
बे जाएके पच्छु, सपनेमै परमप्रभुको एक दुत योसेफ ठिन दिखानोऔर बासे अइसो कहि “उठ छोटोसो बच्चा और बाकि अइयाके संगए लैके मिस्र दोशमे भाजके जा, और मै तुमसे ना कहान तक हुंअए रहिइयो, काहेकि हेरोद छोटोसनो बच्चाके मारनताँही ढुणरहो हए।”
14
बा रात उठे और बा छोटोसनो बच्चा और बाकि अइयाके संगए लैके औ मिस्र देशमे गइभए।
15
हेरोद ना मरन तक हुंए बैठे रहए। अगमवक्तासे परमप्रभुको कहोभओ बचनअइसो पुरो भओ, “मए अपन लौड़ा मिश्रदेशसे बुलाओ हओं।”
16
तब ज्योतिषि बाके छक्काइ हँए कहिके हेरोद पतापाइ, और बा दिक्कसे चूर हुइगओ बे ज्योतीषिसे पता पाओ भओ समयमे बेथलेहम और बा ठांओ भितरके दुइ वर्ष और बासे तरेके और बेथलेहेम मे सबए बच्चनके मारन लगाईं।
17
तब यर्मिया अगमवक्ताको कहोभओ बचन पुरो भओ
18
“रामामे एक शब्द सुनाइदै, दाहारा छोण-छोणके रोइ और विलख-विलख के बणो अबाज, राहेल अपन बच्चनके ताँही रोइ, और सान्त्वना बा इनकार करी, काहेकि बिनके बच्चा अब ना रहे।”
19
तव हेरोद मरो, देखौ, परमप्रभुको एक दुत सपनेमे योसोफके जौने मिश्रमे दिखानो और अइसो कही
20
“बा उठो बच्चा और बाकि अइयाके लैके इस्राएल देशमे लौट गओ।”
21
उठ बच्चा और बाकी अइयाके संगमे लैके इस्राएल देशमे जा, काहेकि बच्चाके ज्यान लेन बारो मर गौ हए।
22
पर यहुदियामे अपन दौवा हेरोदके सट्टामे आर्खिलाउस राज करन डटो हए कहेके सुनि बा उतया जान डराए गए। परमप्रभुसे सपनेमे चेतउनि पाएके बा गालीलके प्रदेश घेन गओ।
23
और जाएके नासरथ कहन बारो नगरमे बैठो। अइसिए अगमवक्ताको कहोभौ बचन पुरो भओ, “बासे नासरि काहामङ्गे।”