¹ Mo'a oho pe paite kynaha paite wapyk uwi. Po tete,pe xotyha ta xupe kotywe. Mo'a pandu ame'ẽ asa oho Mo'a pandu ti ihẽ rehe atu'ẽ. Ejur ko ewak ejur pe sawa'e wapyk uwyr. ² Koja Mo'a pand awa po upa sowa'e ta anciãos o'k pyter pe a'e ta ixo pe pandu uwi pe wapyk uwi . Koja pe johu jawapy ta. ³ Mo'a pandu koja xotyha ta pe xupekotywe: Noemĩ, juwyr uwyr Mo'a, o'k pe a'e ywy, pyngwer ra'yr ke me'ẽ ta a'e janemõ ke erimbere. ⁴ Upa amukatu ukwa ta pe pandu a'e pandu jo'ok ta apo ko ixo ame'ẽ ta namõ wapyk pe ti ha'ẽta ruwak koty wapyk oho. nde reputa rahã juwyr ta. Mijuwyr nde reputar ym rahã, epandu rahã ihẽ akwa rahã nixoi we amõ pandu ta'ẽ ke nde ngĩ a'e ngi nerehe ihẽ jõ. Koja a'e pandu ihẽ amihuwyr ta kỹ. ⁵ Koja, Mo'a pandu: wera rahã ma'e ke nde ereji'ok ta ma'e waty nde po ngĩ Noemi nde ke pyhyk ta ty pe ti Rutu, Moabita, a'e hakehar manõ, ame'ẽ ma'e ke upa pyhyk ta, her rupi ta muwiti a'e usak ta ixo ehe ti. ⁶ Koja, xotyha ta pe pandu marã ka ym ihẽ axoha ke maxer ym ta, amujã ihẽ akwaha rupi mija ka ym amujyr ha, nde atu emujywi rahã. ⁷ Ymã nywe pe'ẽ a'e putar aja israel koja a'e pyhu katu ha rupi mijuwyr ta katu ha ke me'ẽ ipe, arahã ta katu ihĩ ha amõ sowa'e ipyreha ke ni'ok ma'e ke ngã mo'i katu te isara'e awa ta namõ katu muwi ha. ⁸ Pe xotyha mo'a pe pandu: jo'ok nde pe atu a'e ipyreha ke jo'ok. ⁹ Koja Mo'a pandu asi'a kapytã ke ruhu upa awa ta pe: a'e pandu ta'y upa ihẽ ajo'k No'emi po ngĩ, erimbere ma'e pamẽ kweri: upa ma'e ta ma'e ke ti Kiri'õ, amõ ti Marõ ma'e ke ti. ¹⁰ Hute rehe Mo'ami pe har kujã Marõ rakehar ihẽ rakeha apyhyk katu ihẽ rekeha arekoha ti. Ame'ẽ sowa'e rer rupi upa ma'e ke pyta ta ipe arahã imũ ta pyte ngĩ her ke jo'ok ym ta hekoha rukwẽ ngĩ ame'ẽ ja tĩ. Ame'ẽ ta mujekwa jekwa ixo apo'y. ¹¹ Upa katu te awa ta hukwẽ rehe harõ u'ã pe tamũ'i ta pandu jande jamujekwa ta ki'ym. pe Je'ohwa ema'e ta' y koja peme'ẽ kujã nde koty ha ta'y mija ma'e ha my hakeu e Ri'a koja a'eta Isra'eu. Rok ke mujã. Ma'e ke aja jumuty hata'y hekoha efrata ima'ehũ namõ ta ngã ixo'y merẽ pe. ¹² nde nde kotyha ta tĩ pere, mida rahã tama ixo my junda. namõ ame'ẽ ta koty ha rupi je'ohwa muwyr ta ky me'ẽ ta,nde pe ky kujã tãi katu ẽke. ¹³ Pe Mo'a Hute ke pyhyk'y hakehar wã aja ixo'y. Katuha rupi a'e usak ehe.je'ohwa pirâtâha rupi a'e imembyr aja imembyr metêi me'ê ipe Pe u'ar y. ¹⁴ Pe kujâ pandu no'emi Pe: "je'ohwa pehu tyky nde jo katu te hu ame'e ke nde a'e, nde ke hyjar ym ta a'e jeje ixo ty pe ajaha rupi ehehar upa ta nga ukwaha riki isara'e. ¹⁵ Aja a'e atu riki jande jaxoha mukatuha jande muhuryha ke ti .Nde imember reko ame'e py'a katu ehe aja katuha nde pe.sete imembyr hetaha, a'e u'ar.