Santawera hatea (El. Samuel Woraviti)
1
Ana bong tuwai God mo vitia telei na tamanda momble hina tamalohi lai sorae non God ana bong mo were moiso ana sala mo were.
2
Matan le sohena ana bong hitahu, nia mo sora tauhi tele hinda momble hin natuna muende nia mo matatauhia, moiso mue nia sumbei vevesai hinau. Lesohena mo mule hin God matan sohena vevesai hinau nia mo lolira.
3
Hinia sarasara non God asohena vaivaia mue le usuria asohen nia. Nia le tauri na vevesai hinau vatavuhi hina sorae hina suihana lesohena nia a matawosai a loli na lolosoa matai hinasati, nia mo ate ana matuan God aulu.
4
Nia mo mai asohen sumbe lolo vahi telei na angel matai hisa mue nale taua teleia nia mo duhu mo liu na hisa.
5
Matan God lete viti na angel, more "niho ambo natuku, barindi iau kule mai Tamam"? Matai sava God lete viti na angel more, "Iau ambo Tamam, moiso niho ombo mai Natuku"?
6
Matan lesohena town God mo lai na turtalom mo mai ana verama, mo vitia more, " vevesai angel non God nambo ololo hinia."
7
Lesohena telei na angel God mo vitia, Iau God hese ku loli na noku angel na mai tanume, moiso nora marai sahasahae sohena vembei hambu.
8
Ne telei Natuna mo vitia more, " Nom Batui Jara, God, nia a turu losu atete ewinana, moiso niho ombo matahi na nom batui jara hina sala mahere.
9
Niho nom mboiboia hina duhu, moiso o temboi na leomatua. Matan sohena God, nom God, mo andihiho hina oel matai mangisia mo were mo liu na nom mangisia tolu natahisam.
10
"Ana hunjuna, God, niho o tau na hunjui verama. Tukailang niho o lolira hina limam.
11
Nira nambo tihai, ne niho ambo lesohena. Nira nambo dowo sohena sosombei ruru.
12
Niho ombo lumahira sohen na ruru, moiso nira nambo bosi asohena sosombei ruru. Ne niho ambole sohena, moiso niho ombo ovi taun tele taun atete ewinana.
13
Ne God mote sorahia telei te engel aentebong more, " O ate ana matuana limaku ava hisi iau ku loli na nom tavalui vuro o sawaira hina Karum atano?"
14
Mote vevesai angel nira tanume matai sahasahe, moiso nale sorara matan na matahi muende nambo laira matai vahamaurua?